جواز عرفى حنان حسن
انت في الصفحة 1 من 15 صفحات
الفصل الأول
اكثر حاجة بتدايقني لما بركب اي قطار
لما يجلس ادامي راجل مش محترم
ومش بيبطل بحلقة فيا طول منا قاعدة
فما بالك بقي دلوقتي
وانا في حالتي النفسية الزفت دي....
بجد حاجة تنرفز
واحد من اول ما جلست وهو عمال
متنح وباصص ناحيتي
ومش عايز يشيل عينة من عليا
لكن انا نظرت له نظرة احتقار
اصلي انا مسافرة من القاهرة
ورايحة اسكندرية
رايحة اسكندرية ليه
لا دي حكاية طويلة
هاحكيهالكم
بس اعرفكم بنفسي في الاول
انا حبيبة..
عندي سنة
من القاهرة ..
حاصلة علي دبلوم
كل اهلي ماتوا
ومليش حد في الدنيا غير ادم
الي بيعيط وعايز يرضع علي ايدي ده
ادم مش ابني
وعشان اعرفكم مين
ادم
لازم احكي الحكاية من الاول
وعلي القطار ما يوصل هعرفكم مين ادم
وايه حكايتة
الحكاية بتبدء من قبل ما بابا الله يرحمة يتوفي ...
لما كان عايش معانا
انا ..وماما .. و اختي شيري
وشيري ساعتها كان عندها خمسة عشر سنة
لما بابا ماټ
و ماما كمان كانت تبان في السن صغيرة
بابا كان شخصية قاسېة زيادة عن اللزوم
لدرجة انه كان قاطعنا من كل اهلنا وقرايبنا
وتقريبا احنا ملناش اي قرايب خالص
بيسالوا علينا
ولا احنا نعرف طريق حد فيهم
وكانت ماما بتعاني مع بابا جدا
لانة كان ېهينها ويقلل منها ادام الناس
وعمره ما كان بيقولها كلمة حلوه
بس هي كانت عايشة وصابرة ومتحملة
بالرغم من ان ماما كانت مربضة قلب
وملهاش في الزعل وحړقة الډم
المهم اننا
كنا كلنا بنكره وجود بابا في البيت
لاننا كنا بنبقي في نكد
طول ما هو في البيت
بابا كان شغال
مدير عام وكانت حالتنا المادية معقولة
لكن مكناش سعدة
بسبب النكد المستمر
الي كان بابا عاملة في البيت
لغاية ما في يوم
جالنا تليفون في البيت
طبعا انا وماما واختي شيري
حزنا جدا علية
...هو صحيح مكنش بيمتلك من الدنيا ثروة ولا املاك
لكن طلعلنا معاش يعيشنا عيشة كريمة
ومرت سنة
واحنا عايشين مع ماما..
لغاية ما في يوم
لاحظت ان ماما بدات تهتم بنفسها جدا
وغيرت اللون الاسود
وبقت بتلبس اللوان
وبدات تخرج كتير...
ممكن عايزة تفك علي نفسها شوية
بدل حالة الحداد الي استمرت سنة دي
لكن بعد كام اسبوع
لقيت ماما بتقولي نادي علي اختك
عشان عايزة اكلمك في موضوع يا حبيبة
انتي واختك..
قلتلها ماشي
وفعلا ناديت علي شيري
وجلسنا نستمع
للموضوع الي ماما كانت عايزانا فيه
وجلست امي امامنا ..
ومره واحده وبدون مقدمات
قالت..انا اتجوزت
نظرنا انا وشيري لبعضنا
ولم نجد ما نقولة
واخذت امي تنظر الينا وتنتظر رد فعلنا
فا نظرت لها ..واشفقت عليها
وتعاطفت معها
وقلت في نفسي
وفيها ايه لما تتجوز
مهي انسانة.. ومن حقها تعيش.. وتحب.. وتتحب وتتجوز..
خصوصا ان سنها لسه
صغير
وبعدين يعني هي عاشت حياة قاسېة
مع ابويا الله يرحمة
فا ميجراش اي حاجة لما تعيشلها يومين
ده غير انة جواز
يعني شرع ربنا
وقبل ان ابدي رد فعلي ..لقيت شيري
بتسالها
قالت..اتجوزتي وجيبتي ماذون وعملتي فرح
فا ابتسمت امي وقالت
لا فرح ايه
هو انا صغيرة علي الفرح
دنا حتي اتجوزت عرفي عشان المعاش
ميتقطعش مننا
فا نظرت لامي
التي كانت تنتظر راي انا تحديدا
نظرا لاني انا الكبيره
العاقلة
فا اقولت...مبروك يا ماما ربنا يسعدك
جذبتني امي في حضنها وكانت سعيدة جدا بمباركتي لزواجها
ولكن شيري
عشان كانت صغيرة
وعقلها لم ينضج بعد
لم تقيم الامور
كما قيمتها انا ..وڠضبت واعترضت
وفضلت مخاصمة ماما ومش بتكلمها
مدة كبيرة
عشان تضغط علي ماما
وتجبرها تطلب الطلاق من زوجها
الي لسه منعرفش عنه حاجة
لكن طبعا
كان واضح ان ماما
كانت بتحب عريسها جدا
ومش علي استعداد انها تستغني عنة
عشان اي حد
وفي يوم
لقينا ماما داخلة علينا ومعاها شاب
في اوئل الثلاثنيات
وكان واضح انه اصغر
منها
لكن كمان كان واضح
انه بيلعب ع الوتر الحساس
عندها
ومغرقها في الكلام الحلو والرومانسية والدلع
الي امي كانت مفتقداهم
طبعا..امي جابتة البيت
كا فرض امر واقع
علينا
وقالت انه هيعيش معانا
وبدات ماما تعرفنا بيه
قالت..اعرفكم بصبري
جوزي...
واشارت بعدها
بيدها باتجاهي انا
وشيري
وقالت ودول بناتي حبيبة وشيري
بصراحة..
انا بقي مرتحتش للبني ادم ده من اول ما شوفتة
لان من اول ما نظرت في عينة
ومن طريقة نظراتة ليا انا واختي
عرفت انه مش مظبوط
ونظراتة وحركاته
وطريقة كلامه
كانت بتقول انة شخص مش مريح
المهم عاش صبري معانا
في الشقة
وكان بيتصرف تصرفات مستفذة
فا مثلا كان بيتعمد يدخل عليا انا واختي
لغرفتنا فجاءة
وبدون استاذان..
وماما عشان تقربة مننا
ونشعر بالالفة
من ناحيتة بقت تتركة سهران معانا
وكان بيدخل المطبخ مع شيري
وبيهزر معاها بطريقة
اوفر
وماما طبعا كانت بتبقي فرحانة
انه بيقرب مننا
وكانت فاكره انه ممكن يصبح اب بديل لنا
وفي ليلة
ماما خرجت هي وصبري
وانا كنت بتفرج علي التلفزيون
في الصالة
واثناء ما كنت بتفرج روحت في النوم
واستيقظت علي يده
بطريقة جعلتني اقفز من علي كنبة
وبيسالني
قال..ايه خۏفتي
نظرت له وانا انتفض
وسالته...
قلت..ماما فين
قال..بتدخل شنط البقالة في المطبخ
وجلس علي الكنبة بجانبي
وهو يسالني
كنت بتتفرجي علي ايه
نظرت له پغضب
ولم ارد عليه
وتركته ودخلت لغرفتي
ومن يومها
وانا اتعامل معه بحذر
وطبعا مكنتش اقدر اقول لماما
علي الموقف ده لانها
اولا ..
كنت هفسد عليها فرحتها بحياتها الجديدة
ثانيا..مكنتش هتصدق
و كانت هتعتقد باني
بفتري عليه
لانه كان عايش في دور العاشق
المخلص معاها اوي
لكن بدات ابتعد عن اي مكان
هو بيتواجد فيه
وكمان كنت بحاول ابعد شيري اختي عنة
وكنت بنصحها كتير تعاملة رسمي
لكن الغريبة
ان شيري الي كانت معترضة علي زواجة من ماما
كانت بتدافع عنة بطريقة غريبة
وفي يوم
ماما تعبت شوية
واتحجزت في المستشفي ودخلت في العناية
بسبب حالة قلبها
وكنت انا معاها انا وصبري
ولما
