نوفلا رائعه

الفصل الأول 
أنا منامتش كويس أو تقدروا تقولوا منامتش أثلا ههههه 
صباح الخير أنا عروس المستقبل أنا فرح بعد يومين 
وكل حاجه فوق دماغي يعني النهاردة مثلا المفروض نعمل الكشف الطبي أنا و حبيبي عشان المأذون طلبه مننا 
وكمان لازم أروح للكوفير والأهم من ده كله إن لازم أخد شاور 

صح نسيت أعرفكم بنفسي 
أنا لمار وعندي 18سنه ومعايا دبلوم صنايع قسم زخرفه 
وطبعا عايزين تعرفوا منين جه اسم لمار صح ! 
هههههه ماما هي اللي شافت إعلان عن منتجات لمار ومن ساعتها راسها وألف سيف تكتبني لمار 
من هواياتي الرسم على الإزاز وكمان التصوير بالموبايل 
وأعمل فيديوهات زي مانا بعمل معاكم دلوقت أصل أنا وحيدة ومعنديش أخوات حتى بابا معندوش أخوات 
ماما بس اللي عندها أخ واحد وبنته المجنونه زي كده وبعتبرها اختي اسمها منار إحنا قريبين من بعض جدا حتى الأسماء على نفس الوزن لمار ومنار ههههه 
معلش مضطرة أسيبكم وأروح اخد شاور خمسه وهرجع تاني عشان أعرفكم على باقي عيلتي الصغيرة 
طبعا بتقولوا مين المچنون اللي بيعمل زي حبيبته ده صح ! هههههههه أنا محمد خطيبها واللي حالف يبقى حبيبها طول العمر 
أنا دلوقت بلبس عشان انزل ونروح الكشف الطبي اللي طلع عيني في 
صحيح نسيت أعرفكم بنفسي صح 
أنا محمد عندي 25سنه شغال محاسب في الإمارات لسه راجع من أسبوع عشان خلاص هتجوز 
أنا خاطب بقالي سنه كانت آخر سنه ل لمار في الدبلوم 
طبعا مستغربين ازاي واحد محاسب ياخد واحدة معاها دبلوم 
أناشايف إن الموضوع مش أزمه يعني صح ولاإيه !
انا بحبها وهي كمان بتحبني وهي ماشاء الله عليها حلوة وذكيه ومتفتحه رغم إن تعليمها مش عالي وأنا مبسوط بيها كده أنا فاكر اول مره شفت فيها لمار 
عندكم وقت تعرفوا ولالأ 
هههههههه طب يالا نتكلم وإحنا ماشين عشان الوقت ميسرقناش وإحنا بنتكلم 
أنا أول مره شفت فيها لمار كنت بشتري لاب توب عشان شغلي كانت هي واقفه عايزة تشتري تليفون ليها 
طبعا أنا مش هتكلم عن قلبي اللي خرج من مكانه ولا على عقلي اللي متحكمش في قلبي فجاة وبدون مقدمات 
لقيت نفسي بكلمها وهي ولا هي هنا 
ده شئ طبيعي إحنا في مجتمع شرقي بيحرم كلام البنت مع الولد 
هو المفروض إن أحاول معاها وكده بس ده مش طبعي 
قررت إن البنت دي تكون مراتي والسبب هو إن حبيبتها بجد 
بس كان في دماغي ألف سؤال هي مين بنت مين هقول إيه في البيت عندي لما أقولهم إن شفت البنت دي في الشارع 
كان موضوع ملعبك خاالص بس المخاطرة والمغامرة في تستاهل بصراحه 
فضلت معلقه في دماغي وقلبي نفسي أشوفها تاني وتالت ومليون بس ازاي بس مكنتش عارف
الوقت بيمر والإجازة قربت تخلص ولسه مش عارف أشوفها تاني هتجنن وفي يوم دخلت الحاجه وقعدت جنبي على السرير وقالت 
يامحمد حضر نفسك انهاردة فرح
لمياء بنت خالك ولازم تكون موجود أنا إن أنت مبتحبش تكلمهم بس ده أخويا ومينفعش أروح من غيرك 
طبعا عايزين تعرفوا أنا مش بكلم خالي ليه !
هو كان عايزني لبنته بس بصراحه أنا مش حاببها المهم إن لازم أروح عشان ماما متزعلش مني وخصوصا إن مسافر خلاص يوم الجمعه 
وروحت الفرح ويمكن كنت متضايق وقتها الجو زحمه ودوشه وانا مبحبش الدوشه أو تقدروا تقولوا إن مش حابب المكان 
خرجت في الجنينه بتاعت القاعه وقلت اشرب سېجارة 
كان نفسي أقابلها تاني لو مره واحدة معرفش ليه كنت متعلق بيها كده 
افتكرت الكلمتين اللي قالتهم ليا وابتسمت 
فجاة سمعت دوشه بصيت عليهم لقيت 
بنتين ومجموعه من الشباب عاملين زي دايرة حوليهم 
مكنش ينفع