طريقه قلب حبيبي

دا انت جريء اوى كمان جى ورايا لحد البيت لا دا انت بينك مچنون امشي احسن لك بدل ما حد يشوفك 
ابويا وامى جوه امشي بقى
مش ماشي الا لما اخد منك ميعاد انا بحبك
بتحبني ازاى يعنى دا انا لسه شيفاك من يومين بلاش شغل المجانين ده
شغل مجانين طب جنان بجنان بقى مش ماشي
يادى النيله ماتجننيش وتخليني اصوت واقول حرامى
طب صوتى كده ولمى الجيران واهلك عشان اقول للكل وبعلو صوتى انى بحبك وعاوز اتجوزك
ايه تتجوزنى لا دا انت فعلا مچنون
انا يا ابنى ماليش فى الجواز والحب والكلام الفاضي ده اتفضل امشي شوف لك واحده غيري دا انا لو حتى اتهفيت فى عقلى فى يوم وفكرت مجرد تفكير انى اتجوز والكلام ده اكيد مش هتجوز واحد مچنون

مچنون طب انا هوريكى الجنان بقى ياعمى ياحاجه
ياخربيتك انت بتعمل ايه انت عاوز
خرج والدها على الصوت
فى ايه يا ملك مين ده وعاوز ايه
لا يابابا مافيش دا واحد كان بيسأل على اسم حد بس باين غلط فى الشقه
لا ياعمى انا ماغلطتش ولا حاجه انا عاوز حضرتك
امال فى ايه يا ملك ماعاوزني اهو امال بتقولى انه عاوز شقه تانيه ليه
ملك ها انا عارفه بقى
طب وسعى يا بنتى خلى الضيف يدخل انتى واقفه له على الباب كده ليه
حاضر يا بابا اتفضل يا سيدي اتفضل
وبينها وبين نفسها طلعلي منين البلوه ده
ودخلت ولكن وقفت خلف الستاره تسمع هيقول ايه المچنون ده
تعالى يا ابنى اتفضل اقعد خير
انا سيف عندى ٢٧سنه ويشرفني ان حضرتك تقبلنى
هى خلف الستاره يا ابن المجنونه انت هتطلب ايدى بجد ولا ايه
ورجعت استعمت لكلامه
واتمنى حضرتك تعتبرني زي ابنك واعودك اكون شخص امين وانك عمرك ما هتندم على اختيارك
ملك بينها وبين نفسها لا دا انا لازم اطلع لك واقولها فى وشك انا مش هتجوز وقررت فعلا تطلع
والد ملك ياريت يا ابنى توضح كلامك انا بصراحه مش فاهم قصدك
خرجت ملك قبل أن يكمل كلامه لتصرخ فى واجه وتقول له انا مش للزواج انا مش جاريه هتشترينى
ولكن سيف قال 
انا
بتقدم لوظيفة الصيدلي اللى حضرتك
واضع الإعلان الخاص بيها على الصيدليه تحت
وقف الكلام فى حلق ملك واتحرجت وعادت للداخل وهى فى قمة الاحراج
والد ملك نظر لملك فى حاجه ياملك كنتى بتقولى حاجه ولكنه لم يجدها مازالت موجوده فعاد ونظر لسيف
طب كويس يا ابنى انا خلاص كبرت وفعلا محتاج صيدلي يكون مساعد لبنتي هو انا كنت افضل تكون صيدلانيه بس الخيره فيما اختاره الله
أعطى سيف له أوراقه لينظر بها
خرجت ملك بس احنا يا بابا عاوزين صيدلانية مش صيدلي
سيفودا هيفرق فى ايه انا جى اشتغل حضرتك مش جى اعاكس وبعدين الراجل زى الست مش ده كلامك زى ما سمعت عن
حضرتك انا شخص والحمدلله واخد شهادتى بتقدير امتياز وعندى خبره وحكمك الوحيد عليا لما تشوفى شغلى
لسه ملك هتتكلم
والدها سبقها بالكلام والله يا بنتى انا شايف انه عنده حق نجربه فتره ونبقى نحكم عليه انا يابنتى كبرت ومابقتش جمل البهدله دى وانتى عندك تحضير الماجيستر والدكتوراه ومش هتبقي فاضيه لي معظم الوقت وانا منتظر ومستحمل بقالى فتره ومافيش صيدلانيه واحده جت حتى زمايلك اللى قولتى هتبقى تجيبي حد منهم اللى اتجوزت وقعده فى البيت واللى مشوارها بعيد عن هنا ومارضتش تيجى تشتغل معانا
لسه ملك هتتكلم
والدها خلاص بقى يا ملك قولنا هنجربه ولو ماعجبناش شغله هنمشيه
قرب سيف من ملك وقال ماخلاص بقى ياملك ولا اقول له انك عكستينى وانى
كنت جى اطلب