احببت الشيطان بقلم سولييه نصار

سكريبتبقلم سولييه نصار
مش هتجوزه !..
دموعي نزلت وقولت
يا بابا ده عنده ستين سنة ...يعني قد جدي حرام عليك ترميني الرمية دي ...
ضړبني بالقلم تاني فوقعت علي الأرض وقال 
اومال هتقعدي هنا لحد امتي ...انتي عنستي خلاص ...
بصتله پصدمة وقولت
انا لسه عندي تمانية وعشرين سنة انت بتقول ايه ...
بصلي ببرود وقال 
من غير كلام كتير يا ريم ...انتي هتتجوزي الحاج صابر ورجلك فوق رقبتك ...وفرحك هيبقي الاسبوع اللي جاي ...
وبعدين سابني ومشي ... حطيت ايدي علي وشي وبدأت ابكي ...معقول اتباع بالسهولة دي ومين ابويا يبيعني ...بس هو عمره ما حبني ...وبعد ما ماټت ماما بدأ يضربني ويعاملني پعنف ودلوقتي عايز يجوزني لواحد قد جدي عشان الفلوس ...حسيت كأني لعبة ابويا بيبيع ويشتري فيها ...بس لا أنا مش هستسلم مش هخليه يدمر حياتي بالشكل ده ..

....
تاني يوم 
رايحة فين 
رايحة المستشفي علي شغلي 
مفيش شغل 
يعني ايه يا بابا 
قام من مكانه وزعق
يعني اللي سمعتيه يا روح امك مفيش شغل ...الحج صابر ميقبلش أن خطيبته تشتغل خلاص انسي الشغل يا دكتورة ...انتي كده كده في المستشفي دي كنتي بتقبضي ملاليم
حرام عليك يا اخي انت ايه ...قولي هو انا مش بنتك 
زعقت فيه لحد ما صوتي راح فجأة حسيت بقلم علي وشي وقال
القلم ده عشان تبقي تحترمي نفسك ...
وبعدين طلع وقفل عليا من برا...
قعدت علي الارض وانا حاسة اني خلاص ھموت من القهر ...هو ليه بيعاملني كده ليه ...أنا عملتله ايه لده كله ...ليه عمره ما حبني ...أنا مفتكرش اصلا أنه حضنني في يوم من الايام ...
عدا اسبوع وانا محپوسة في البيت ودموعي علي خدي لحد ما جه يوم الفرح اللي ابويا سمحلي اخيرا اطلع عشان اروح الكوافير ..
يختي مالها دي ...يا بت فيه حد يبكي في اليوم المميز ده 
مش عايزة اتجوز 
مسم كلكم بتقولوا كده يختي وبعدين ...
بصتلها وقولت
العريس عنده ستين سنة 
يالهوووي ايه ده ...يا قلبي يا بنتي واهلك ازاي يرموكي الرمية دي 
عشان الفلوس
طب وانتي مرفضتيش ليه 
رفضت وابويا ضړبني ...مش عارفة اعمل ايه 
اهربي
ايه
زي ما قولتلك اهربي من هنا يا بت ...اهربي بعيد حرام اانتي صغيرة ټدفني بالشكل ده ...
بس انتي ممكن ټتأذي
ملكيش دعوة ....
وبعد نص ساعة كنت ماسكة فستاني وانا بجري من الباب الخلفي بتاع الكوافير 
طلعت بنت خالة ريم وهي بتزعق وتقول
العروسة هربت الحقونا يا نااااس 
يتبع
احببت_شيطان
سولييه_نصار
الجزء التانيشكرا علي تفاعلكم السكربقلم سولييه نصار 
هربت !!هربت يعني ايه يا ست انتي 
ومسك ابو ريم في الست واټخانق معاها