١٠معلومات تغيرا حياتك

ركزوا معايا بقى في الكلمتين دول ..
ساعات وتبدأ خير أيام الدنيا 
خطة عملية لل١٠ أيام اللي هيقلبوا حياتك إن شاء الله
١ ال ٥ صلوات في وقتهم بدون تأخير وزود بعد كل فرض ٥ دقايق تقول أذكار بعد الصلاة كمان .
٢ السنن الراتبة
عندك ١٢ ركعة لازم تداوم عليهم يوميا ٢ قبل الفجر 
و ٤ قبل الظهر و ٢ بعده

و٢ بعد المغرب 
و٢ بعد العشاء.
٣ صلاة الضحي
بتبدأ من بعد شروق الشمس ب ربع ساعة لحد قبيل أذان الظهر ب ربع ساعة أقلها ركعتين وإنت وهمتك.
٤ أذكار الصباح والمساء
أذكار الصباح بعد الفجر وأذكار المساء بعد العصر 
٥ القيام والوتر
لو عندك همة وهتقدر تصليهم في الثلث الأخير يبقى خير وبركة مش هتقدر يبقى بعد العشاء امسك مصحفك وصلي زي التروايح في رمضان أقل حاجه صلي ٣ركعات لحد ١١ ركعة وانت وشطارتك بقى وياريت تسيب ركعتين تصليهم في آخر ساعة قبل الفجر.
٦ الصدقة
ولو بمبلغ بسيط ولو ربنا موسعها عليك تصدق بما يليق بك وافتكر في النهاية ان انت أحوج للصدقة وأجرها من الفقير.
٧ عمرة و حج يوميا.. إزاي بقى!
بعد ما تصلي الفجر ما تطلعش من المسجد خليك في المسجد لحد الشروق قول الأذكار واقرأ قرآن واذكر الله لحد ما تشرق الشمس وبعد الشروق بربع ساعة صلي ركعتين ولك بذلك أجر حجة وعمرة تامة تامة تامة بإذن الله 
وللنساء ..هتصلي الفجر في أول الوقت وتفضلي مكانك تقولي أذكارك وتقرأي قرآن أو تذكري الله لحد بعد الشروق بربع ساعة ..تصلي ركعتين ..وليك نفس الأجر ان شاء الله ربنا كريم . 
٨ قراءة القرآن
لأصحاب الهمم المتوسطة مش أقل من ختمة في العشر ... بواقع ٣ أجزاء يوميا .... يعني هتختم مرة في العشر الأيام
للمبتدئين وأصحاب المشاغل ... مش أقل من جزء كل يوم يعني هتقرأ عشر أجزاء في العشر
٩ الذكر
خلي لسانك شغااااال مايبطلش ذكر وأهم حاجة التكبير طول العشر
الله أكبر الله أكبر الله أكبر الله أكبر لا إله الا الله الله أكبر الله أكبر ولله الحمد
معاك كمان