الجن كامله
انت في الصفحة 1 من 3 صفحات
طباع الجن زينا بالظبط .. فيهم الطيب والشرير والمسلم والمسيحي واليهودي .. منهم العاقل ومنهم المچنون .. هم بس بيختلفوا عننا بشكلهم وهيئتهم وقدراتهم طبعااا.
وهم قبائل أو عشائر .
منهم الجن الطيار
منهم الجن المائي
الضوئي
الڼاري
القمري
ومنهم الترابي
والجن الترابي بيكون إرتباطه قوي بإللي بيأذيه .
والنهاردة جاي أحكيلكم على حالة اټأذت من عشيرة من عشائر الجن الترابي .. ويشهد ربنا إن كل كلامي إللي هاقوله حصل فعلا بدون إدعاء لإني مش محتاجه .
في يوم لما كنت ف الشغل لقيت رقم غريب بيتصل بيا .. رقم مش من مصر .. لما رديت لقيت صوت رخيم وهادي بيقولي
قولتله أيوة أنا .. ولما سألته أنت مين .
لقيته بيقولي
_ من غير كلام كتير يا شيخ .. أنا جبت رقمك من ناس قصدتهم ف حل مشكلة أختي .. دلوني عليك .. أختي تعبانه أوي يا شيخ .. أنا حاليا مش ف مصر .. أنا شغال في سويسرا ومش عارف أختي مالها .. بص على العموم إبن عمي هاييجي لحضرتك وهايفهمك كل حاجة .. هو إسمه صلاح .
فعلا بعد ساعات لقيت صلاح بيتصل بيا وأتفقنا على ميعاد وإتقابلنا وقعدنا على كافية .. وبعد السلامات لقيت صلاح بيقولي
_ بص يا شيخ .. الموضوع بقى صعب جدا .. كل إللي ييجي يطلب إيد بنت عمي ييجي لحد البيت ويرجع .. وفي إللي يدخل البيت ويقعد وبعد ثواني نلاقيه پيصرخ وبيقول لأ خلاص مش قادر .. أو هي إللي تخرج من أوضتها وتزعق ف العريس وتطرده برة البيت ! .. ومافيش مايمنع يعني إنها ماتتخطبش .. بنت غنية وعلى قدر من الجمال .. فا كان سبب التأخير طبعا نصيب بس بعد إللي حصل لكل عريس يجيلها .. الموضوع بقى صعب .. دا غير إللي بيحصل فيها لما بتكون لواحديها .. والأفضل تيجي معايا البيت وتسمع منها .
لما شوفت هدير سمعت منها كلام كتير وكانت بتحكي وهي خاېفة .
كلام هدير ليا أثبتلي إن إللي بيأذيها مش مجرد جني لأ .. دي العشيرة كلها .
هدير قالتلي
كوابيس كتير بتطاردني .. وكل ما أنام أقلق على صوت غريب وألاقي كائنات صغيرة بيمسكوني من إيدي وبينزلوني معاهم لتحت الأرض .. أنا بكون مستسلمه تماما .. لما بنزل بلاقي عالم تاني .. إللي بياكل وإللي بيشرب وفي إللي بيعرض عليا إني أتجوز من عندهم وأعيش معاهم .. أشكالهم مش مرعبة بالعكس .. كانوا شبه البني أدمين .. أو الله أعلم هم بيغيروا
