الزوجة الرابعة كامله

يعني انت عندك ٢٧ سنه و متجوز تلاته و مخلف عيلين وعاوزني انا الرابعه 
اه علي سنة الله و رسوله 
احيه يا استاذ ادم احيه 
ايه !
بصوت واطي روحت جمب ودنه وقولتله احيييه 
ماما دخلت علينا بعد ما كانت قاعدة برا هي و مامته ها يولاد خلصتوا كلامكوا اظن كدا كفايه اتبعت كلامها وهي بتبصلي بنظرة شريرة مفهمتش غرضها ايه 

اه يا ماما خلاص انا قولت لاستاذ ادم رأي 
ادم اه يا امي هي قالتلي أن فيه قبول و إن شاء الله هنتقابل تاني
بصتله بغيظ ده ببعدك قال نتقابل تاني
دخلت اوضتي و رزعت الباب في وشهم
روحت قعدت علي السرير و قدامي المرايه بتاعت التسريحه و بصيت لنفسي و قولت انا شهد كرم المهندسه المشهورة و كل اللي اتقدمولي من ظباط و مهندسين كانوا لسه في أول حياتهم و رفضتهم و في الاخر امي تجيبلي دا لأه و الف لأه كمان
ماما و هي بتفتح الباب ايه قلة الذوق ديه تدخلي وترزعي الباب في وش الناس التعليم العالي اللي فرحنالي بيه ده قالك تتعاملي كدا
ماما حضرتك ازاي اصلا تجيبلي واحد زي دا و ايوا ايوا اتصعبني عليا ومكنتش اعرف لا انتي عارفه كويس هو مين ولااا يا جبروته دا انا حتي مش التانيه لا الرااابعه المفتري انا انا المهندسه شهد كرم يجيلي دا
طب وربنا في سماه لتتجوزيه يا بنت بطني هو دا اللي هيكسر شوكتك هو ايه ربنا خلقنا نوعين ذكر و انثي مش ذكر و انثي و مهندسين بلا قرف
طب روحي صومي تلت ايام الله لا يسيئك امشي امشي خدي الباب في ايدك
وهي واقفه قرب الباب في علمك هو و أمه طالبين بكرا نتقابل في كافيه علي النيل في الزمالك و بعدها هنروح نجيب الشبكه علي الساعه 4 العصر تكوني جاهزة 
قالت كلامها و قفلت الباب بسرعه و دخلت اوضتها وقفلتها علي نفسها 
مامتها الحمد لله لحقت نفسي
انا پصدمه بعد ما استوعبت ماااامااااااعع
_يتبع
_2
ادم اتفضلي برجلك اليمين يا عروسه 
شهد بعند امم الشمال مش هتخسر 
ادم بهمس لاحول ولا قوة الا بالله 
كنت بجر فستاني و انا داخله و في دماغي نظرات الشماته اللي شفتها في عيون صحابي وانا في الكوشه و جمبي عريسي و مطلعلي كل واحدة من مراتاته تسلم عليا و تقولي مبروك ڠصب عنها حسيت اني عايزة اهرب و اعيط بس افتكرت امي 
قاطع سرحاني لما اتكلم
ادم احم الاوضه علي ايدك اليمين اخر الطرقه ممكن تستنيني هناك لحد بس ما اطمن علي ياسين و ياسر 
شهد مين دول !
ادم ولادي 
شهد بغيظ اوووف 
سبته و دخلت الاوضه اللي شاورلي عليها وقفلتها بالمفتاح وخليت المفتاح في الضهر عشان ميعرفش يفتح عليا الباب وانا بفتكر امي واللي حصله أجبرني اوافق 
Flashback
_انتي بتزعقيلي يا بنت بطني 
ما اللي بتقوليه ميتعقلش يا ماما هو انا فيا ايه يعني عشان اقبل اكون زوجه رابببعععههه هاااا
ماما بعصبية شديدة اول مرة اشوفها فيه أن انتي بقا عندك 26 سنه وكل اللي يجي ترفضي و لا كأنك بنت الريس هو اخر كلام عندي هننزل بكرا نجيب الشبكه اااهه 
مسكت قلبها وبقت تتلفت علي اقرب كرسي تقعد عليه
شهد مااماا 
يونس كان سامعهم من برا وقرر يخبط عشان تبدء الخطه
جريت افتح الباب لقيت يونس قدامي 
شهد پخوف و عياط يونس الحقني ماما ماما مش عااا ر 
يونس زقها و جري علي خالتو
يونس خالتي خالتي ..تعالي سنديها معايا عربيتي تحت
روحت سندتها معاه وانا جسمي بيترعش وانا شايفاه مش قادرة تقف ولا تتنفس و خفت ليجرالها حاجه واكون انا السبب يونس وصلنا بسرعه و اخدها علي ترولي و دخلوها العمليات كل دا وانا مش فاهمه اي حاجه
يونس جه وقف جمبي لما شافني مڼهاره
يونس اهدي هتكون كويسه بس ايه اللي حصل 
شهد بعياط والله هو هي اتعصبت مني ببس
يونس خلاص خلاص اهدي
الدكتور خرج الحمد لله انكم لحقتوا الجلطه في أولها والا لقدر الله كان حصل مضاعفات
شهد في سرها جلطه !!! انا السبب انا السبب
يونس طب يا دكتور هي دلوقت كويسه
الدكتور اه الحمد لله ابعدوا بس عنها أي عصبيه أو رفض 
شهد رفض !!
يونس ضربه في رجله من غير ما شهد تاخد بالها 
الدكتور اه رفض للعلاج يعني 
شهد بعياط عاوزة اشوفها 
الدكتور اول ما تفوق هننقلها لغرفه عاديه لأن ممنوع الدخول للعنايه
بعد مده
شهد بدموع ماما انا اسفه مش هزعلك تاني والله 
ماجدة مامت شهد بتعب يعني هتتجوزيه 
شهد بصوت عالي شويه يا امي انا جالي احسن منه اشمعنا دا اللي متمسكه بيه
ماجده بتمثيل مسكت قلبها اهه اخرجي براا
شهد خلاص والله هسمع كلامك خلاص 
جريت علي برا ناديت علي الدكتور ....
_____
قاطع شرودي ادم لما خبط عليا
ادم احم خلصتي 
شهد خلصت ايه 
ادم لبس !
شهد بغيظ اه خلصت عاوز حاجه 
ادم اممم تفتكر هعوز ايه انتي مراتي و انهارده كان فرحنا ممكن تفتحي الباب بقاا 
شهد دا ببعدك 
ادم انا سمعت الكلمه
ديه قبل كدا صح 
شهد بس المرادي غير

و روح حل عني انسي 
ادم يعني مش هتفتحي 
شهد بطلع لسانها من ورا الباب لا اتجوز نفسك بقا 
ادم طييب انا هتصل علي الحاجه ماجدة تيجي تشوفلي حل
جريت فتحت الباب
ادم انتي لسه بالفستان 
شهد انت مش هتكلم ماما صح انت عارف انها تعبانه
ادم ايوا خليكي شاطرة غيري و اخرجي نتكلم
شهد وهي بتجد علي سنانها طييب
قفلت في وشه الباب و غيرت هدومي و خرجت
ادم
خرجت من الاوضه روحت الاوضه التانيه و لبست ترينج و خرجت ظبط السفره و الاكل لحد ما تخرج و خرجت و خرج قلبي معاها لقتها فارده شعرها لابسه بيجامه مجسمه هي حلوة لا هي حلوه اوووي 
عنيها لونها حلو شعرها حلو ملامحها حلوه كل حاجه فيها تتحب بس هي مش عاوزه تدي لنفسها فرصه تحب سامحيني يا اغلي من روحي علي اللي هيعشهولك بس لكل اللي رايد عسل يستحمل قرص نحله
شهد 
كنت واقفه علي باب الاوضه و ديه اول مره اتأمل فيها راجل ! كان بيحضر السفره بحماس و كان لابس ترينج حلو لونه رمادي و شعره حلو و ملامحه حلوه حتي لون عنيه حلو كله حلو و يتحب اتنهدت بحزن أن مش هينفع احبه لأن انا الرابعه ...عند الجمله ديه كان هو أتلفت و شافني
ادم بإنبهار بسم الله ماشاء الله
لقيته بيبصلي كأنه بيتفحصني اتكسفت لاني عارفه أن البچامة مجسمه بس روحت قعدت علي السفرة استنيته يقعد قدامي بس هو معملمش كدا هو قعد جمبي و خلاني اتوتر اكتر
شهد بإرتباك طب هو ..
كنت هقوم بس مسك ايدي ولف الكرسي عشان يكون عنيا في عنيه و مسك ايدي جوا أيديه
ادم بصوت هادي ممكن نتكلم بهدؤء بدون عند ولا نرفزة 
شهد بتوهان اممم
ادم ابتسم و كمل انتي متعرفيش عني اي حاجه لان الجوازه جريت بسرعه بسبب إصرار مامتك ومرضها و مقدر خۏفك مني و من ابتسام و مروة و مني 
شهد بإبتسامه الم ددول اسماء ضرايري مش كدا 
ادم لاحظ الحزن اللي ظهر علي ملامحها ف قرر ميتكلمش عنهم في حاجه 
ادم عمتا الكلام دلوقت مش عنهم انا عاوز اتكلم عني 
شهد اااممم كمل 
ادم انا كنت شغال معاكي في الموقع 
شهد بس انا مشفتش خالص اسمك في كشوفات المهندسين اللي كانت شغاله معاهم 
ادم لا ما انا مش مهندس 
شهد كشرت اومال 
ادم انا صاحب الشركه اللي في المنتجع اللي انتي كنتي موجودة فيها شفتك هناك و عجبتيني لحد ما قررت اني اتقدملك
شديت ايدي من أيده و اتنفضت من علي السفره روحت الناحيه التانيه و هو كان بيبصلي بذهول 
شهد بعصبيه و نرفزة طبعا ازاي ارفض شخص في مكانتك طب مفكرتش في شعورها التلاته اللي انت متجوزهم ما ترد 
ادم بهدوء عكس اللي جواه طبعا وراهم صورتك و اخدت رأيهم انا مبخفش من حد و كلهم وافقوا 
شهد بنرفزة ما تلاقيهم مش متعلمين هيلاقوا واحد تاني زيك فين لما يعترضوا انك تتجوز وواحده فيهم تتطلق و يا ترا كل اللي تعجبك هتتجوزها يا استاذ ادم هطلق اني واحده عشان تتجوز تاني انت ايه انت جبروت و استغليت مرض امي عشان تجبرني مع اني قولتلك ارفض انت واني مش عايزاك لكن انت عملت ايه اتجوزتني و بتضحك عليا بشويه الورد و الشموع اللي عملتهم علي السفره عشان اسلملك نفسي و اول ما واحده تانيه تعجبك تتطلقني أو تطلق واحده من الستات الغلابه اللي انت متجوزهم 
ادم بنرفزة متعليش صوتك وانتي بتكلمني اجدعها راجل بشنب مقدرش يرفع عينه في عينيا انتي تعلي صوتك عليا بالطريقه ديه 
شهد بنرفزة اكتر هعلي وريني هتعمل ايه 
ادم بعصبيه جري عليها ولسه هي هتجري منه مسكها و شالها و دخل الاوضه و رماها د علي السرير لدرجه ان السرير انكسر 
شهد پألم من ضهرها و دموع من خۏفها انت متخلف ضهري اتكسر 
ادم قرب منها .........
_يتبع 
_شهد_امام
_3
ادم قرب منها بقلق وهو بيرفعها من علي السرير انتي كويسه مكنتش اعرف ان السرير هيقع
شهد بدموع أخرج برا عاوزة انام
ادم طب تعالي في الاوضه التانيه هتنامي فين هنا
شهد بصتله و فجأه قعدت تزق فيه لحد ما خرجته برا الاوضه و قفلت الباب بالمفتاح و راحت قعدت علي السرير أو حطام السرير و طلعت صورة باباها علي التلفون و فتحت في العياط 
شهد فينك يا بابي لو كنت عايش مكنش جرالي كل دا انا البرينسس شهد زي ما بتقولي شوفت بيعملوا فيا ايه بس وحياتك عندي مش هسكت ولا هخليه يقربلي زي ما اتجوزني ڠصب عني هخليه هو بنفسه يطلقني من اللي هعمله فيه ........نمت بعد ما صدعت من كتر العياط
ادم
يا الله الموضوع صعب اووي يارب يسرها من عندك هي عنديه و مستحيل هعرف اروضها بسهوله هطلع عيني انا عارف بس علي قلبي زي العسل بس ازاي تبقي في بيتي و بيفصل بيني و
بينها حيطه و مأخدهاش في ديه حته من روحي أو هي

كل روحي يارب الموضوع يعدي علي خير
قاطع شرودي لما تلفوني رن ولقتها طنط ماجدة بصيت علي شاشه التلفون بضيق ..
ادم سلام عليكم
ماجده و عليكم يا حبيبي عملت ايه 
ادم الحمد لله يا حاجه 
ماجده يعني هي رضيت عادي كدا 
ادم اطمني مفيش حاجه 
ماجده يعني الخطه نجحت 
ادم مش اوي 
ماجده يعني ايه يبقي مرضيتش صح 
ادم اممم 
ماجده هقولك تعمل ايه ...
يونس بس كدا يا خالتي احنا بنإذيها 
ماجده انا عاوزة تبقي قويه و ادم هيقويها 
يونس بيكمل عليه هيقويها عليه لما تعرف الحقيقه هتكره لأنه عايشها احلي ايام المفروض تعيشها اسوء ايام ..
ماجده بإرتباك قصدك ان انا مش خاېفه علي بنتي انا ادري بمصلحتها بيها ملكش دعوة انا