صعيدي جديد

لا دي انا متأكدة منها هو انتي هتقوليلي 
___
صليت استخارة و كنت حاسة ب راحة نفسية كبيرة جدا.
هو تقريبا لما بنحب القلب مش بيبقي شايف قدامه غير الشخص اللي بيحبه وبس و ده كان حالي و احنا بنكتب الكتاب مكنتش شايفه غير مالك قدامي و هو حاطط ايده ف ايد بابا وبس .
خلصوا و جت والدة مالك القمر دي و 
_ الف مبروك يا زينة العرايس.

_ الله يبارك ف عمرك يا احلي ماما ف الدنيا
كملت و هي ماسكة أيدي 
_ ولدي مالك حطيه ف عيونك يا بتي ده اغلي حاجة ف حياتي و أمانة أوعي تزعليه علشان والله هو روحه فيكي.
اټصدمت من اخر جملة قالتها !!
ابتسمت و مسكت ايدها و بوستها 
_ متقلقيش يا ست الكل أبنك ف قلبي و جوه عيوني
ابتسمت جدا و رجعت 
_ ربنا يبارك فيكم يابتي و يجعل حياتكم كلها هنا و سعادة يارب.
و بعد شوية كلهم خرجوا و فضلنا انا و هو لوحدنا
كانت عنيا ف الأرض لحد ما سمعت جملته 
_ وه مكسوفة مني إياك 
بصيتله
_ و متكسفش ليه 
_ اومال لسانك الطويل راح فين 
بصيتله بضيق 
_ هي دي ألف مبروك بتاعتك!
ضحك
_ لاءه الف مبروك بتاعتي حاجة تانية ..
مكملش جملته و لقيته 
_ الف مبروك يا حبة القلب من جوه.
اتجمدت من كلامه انا حبة القلب و قلب مين قلب الصعيدي القمر! 
بصيتله ببلاهه
_ إيه 
ابتسم
_ فاكراني موقعش إياك لأ ده انا واقع من زمان قوي.
مسك ايدي و كمل
_ فاكراني كنت بعاملك اكده ليه علشان مش طايقك مثلا لاه بس انا كان لازم اعمل إكده لو مغضيتش بصري و اتعاملت معاكي ب صرامة كان يمكن ضيعتك مني و مكنتش اهنه دلوك
_ ياه ده انتي مدكن
جواك كتير اوي ع كده.
قلدني 
_ آوي اوي والله.
ضحكت
_ طيب لاحظت لما غيرت استايل لبسي 
_ لاحظت يا حبة القلب و فرحت قوي قوي بس مكنش طالع ف يدي حاجة وقتها كنت بټعذب كل ما اشوفك بعيدة عني بس كنت واثق أنه ربنا هيكتبك ليا بالحلال.
_ طيب ليه انا يا مالك
مع إني مختلفة كل الاختلاف عنك ك بيئة و طبع و حتي لبسي ف الأول كان غير اللي انت عايزة ف ايه اللي شدك ليا 
ابتسم 
_ مبتقريش واصل ياك مش بيقولوا الحب لا يجمع إلا المختلفين لو كنت زيي فى كل حاجة كانت حياتنا هتبقي مملة قوي و بعدين القلب مبيختارش يحب مين القلب بيوقع وبس .
بصيتله و انا مصډومة من كلامه
_ ده انت طلعت رومانسي جدا اهو مع أنه ميبانش عليك خالص.
اتكلم بهدوء و رزانة صعيدية اصيلة
_ ميبانش عليا علشان مينفعش يبان لأي حد هتغزل فيكي و أنتي غريبة عني كيف مشاعرنا يا روح الروح بتتحفظ ف دولاب اسمه القلب و مبتطلعش منه غير للي معاه مفتاح لدولابنا أقصد يعني لقلوبنا. 
كنت مذهولة من كمية اللباقة و الثقافة اللي عنده !!
بيتكلم و كأنه شاعر أو كاتب كبير 
بصيتله و انا ببتسم
_ أعتقد إني لو لفيت العالم كله مكنتش هلاقي حد ب الحكمة و الجمال إللي جواك ده.
ضحك و حضڼي
_ وه و هو انا كنت هسيبك تلفي العالم إياك خلاص وصلتي مطرحك ع كده . 
و قرب و همس ف ودني بطريقة شاعرية 
_ هو الحب ايه غير عنيك 
_ يمكن وجودك !