نعمة الفتيات

انتي هتبقي كويسه وتخفي هي بس مسألة وقت و انا مش هسيبك يا شهد
شهد متمسك بيا ليه يا عمر وايه اللي جابك بالسرعه ده
عمر جاي بالطياره ومتمسك بيكي علشان ده واراها أحد صورهم سويا وهما صغار كنت حاسس اني هلاقيكي كنت ومازلت عمري ما بصيت لبنت بغض بصري وكنت افضل ادعي ربنا يحفظك ليا وسبحان الله ربنا حفظك ليا ولقيتك متدينه جدا انتي دعوتي في صلاتي بقالي اتناشر سنه بدعي أن ربنا يجمعني بيكي ولما شوفتك كنت بدعي ربنا ان ربنا يرزقني بيكي فاكره اليوم اللي انتي جيتي فيه المكتب اول ما ډخلتي انا ساعتها كان قلبي هيطلع من ضلوعه كده بس كدبت نفسي وقولت ده تهيؤات والحمدلله مطلعتش تهياؤات تقبلي تتجوزيني يا شهد

شهد وانا في ظروفي ده
عمر ومالها ظروفك يا شهد
شهد مش دلوقتي يا عمر لما اخف
عمر لأ دلوقتي يا شهد
شهد عمر بالله عليك متعاندش معايا انا اهم حاجه اني اقوم دلوقتي عشان اخواتي
عمر وانا مش هسيبك غير لما تبقي كويسه
شهد روحني البيت كفايه كده
عمر حاضر
شهد ممكن تسأل دكتور امجد علي دكتور علاج طبيعي ودكتور مخ واعصاب
عمر طب ده صغير ولا كبير
شهد لأ كبير اوي كمان
عمر طالما كده هروح أسأله حاضر
ذهب عمر الي دكتور امجد وقال له مثلما قالت له شهد
امجد الاسماء اهي بالعانووين بتاعتهم وقول لها دكتور امجد بيسلم عليكي انا لولا أني عندي عمليه كمان١٠ دقائق كنت جيت زرتها
عمر حاضر يوصل
ذهب عمر الي شهد
عمر يالا بينا أنا جبت العناوين وبكره أن شاء الله نروح
شهد انا هروح انا وهنا وانت ترجع لشغلك
عمر وانا خدت اجازه ومش هسيبك غير وانتي كويسه ومش عايز عناد
جاء عمر لكي يشيلها
شهد بعصبية انت هتعمل ايه هات كرسي
عمر وفيها ايه لما اشيلك هيحصل حاجه
شهد عمر اتظبط ماشي
عمر حاضر هجبلك كرسي اهو بس متتنرفزيش عليا ده انا غلبان
شهد غلبان اوي
جلست شهد علي الكرسي بمساعدة اختها
وركبوا السياره
شهد محدش يعرف ريم عشان متسبشي دراستها وتيجي
هنا حاضر
وصلوا الي المنزل
ووصلها عمر الي الشقه
عمر هتروحي للدكتور امتي
شهد علي الساعه ٢ كده
عمر تمام خلي بالك من نفسك
نزل عمر الي احمد
عمر اطلع بينا علي اجدعها مطعم هنا
احمد حاضر
طلب عمر بعض الاكلات وطلب من العامل إيصاله الي منزل شهد
في السياره
احمد انت بجد هتسيب شغلك
عمر اتصلت عليهم وخليت حد تاني يديهم بدالي والموضوع انتهي يعني واحد اجازه وهفضل قاعد علي قلبك لعند ما تخف
احمد ده انت تنور
عند شهد
رغد بدموع غزيره ايه اللي حصلك ده يا شهد
شهد ببإبتسامه خفيفه حاډثه بسيطه وهكون كويسه يا حبيبتي متقلقيش
رغد بدموع شهد بالله عليكي متسبيناش احنا ملناش غيرك في الدنيا ده انا عمري ما شفت ماما بس شوفتك انتي انتي ادتيني الحنان اللي في الدنيا كله حبتيني اكتر من نفسك عملتي اللي عمر ما حد عمله ارجوكي متسبيناش انتي كل حاجه بالنسبة لنا
هنا الله الله ايه الكلام الحلو ده
رهف سؤال بسيط يا شهد انتي بعد ما تخفي هتتجوزي عمو عمر
شهد مش عارفه
رغد متتجوزهوش ده شكله رخم كده وهياخدك مننا
وأثناء ذلك كان الباب بيخبط
شهد قومي يا رهف افتحي
رهف فتحت الباب
العامل ده بيت الانسه شهد مصطفى
رهف ايوه يا فندم
العامل طب الاوردر ده بإسمها
رهف من مين
العامل معرفش بس واحد دافع الحساب
رهف هي مش هتقدر تيجي تستلم منك انا اختها هستلمه بدالها
العامل خلاص ماشي اتفضلي
مضت مكان شهد شكرا لحضرتك
هنا بجوع ايه الريحه الحلوه دي ده ريحه اكل
شهد بضحك شكله كده
رهف شهد في حد بعتلك اوردر بس طبعا مش بتاعك لوحدك بتاعنا كلنا
شهد ومقالش مين اللي بعته
رهف لأ مقالشي
هنا وهي تفتح العلب اكيد عمر وأحمد
هنا تطعم شهد
شهد مش عايزه اكل يا هنا كلي انتي
رهف احنا مش هناكل غير لما تاكلي
هنا كلي بقي
شهد حاضر
اطعمت هنا شهد
شهد اطلعوا برا بقي
هنا حاضر
ثم جلست لتتناول طعامها مع اخواتها بالخارج
رهف هي شهد هتبقي كويسه أمتي يا هنا
هنا بدموع والله ما اعرف بس طالما مؤقت تبقي هتخف
رغد يارب تخف بسرعه.
رهف هي هتروح أمتي للدكتور
هنا بكرا أن شاء الله بس انتوا لازم تذاكروا اوي عشان شهد تتبسط بيكوا ومتقلوش لريم حاجه عشان متقلقش
رهف حاضر بس انتي هتعملي ايه هتنزلي جامعتك ولا تقعدي ولا ايه
هنا سيبها لظروفها قوموا ذاكروا يالا
عند شهد بالداخل
شهد لنفسها يارب انا دلوقتي نايمه ولا عارفه احرك حته صابع يارب انا راضية بكل حاجه بس اخواتي هيعملوا ايه يارب اخف بسرعه عشانهم هما مالهمش غيري وظلت شهد تبكي كثيرا علي حالها حتي غلبها النعاس
عند عمر
روح ايه يا ولدي انت فين
عمر انا في اسكندريه يا امي
روح ليه خير البنات جرالهم حاجه
عمر احمد تعبان فجايا اشوفه واقعد معاه لعند مايخف انتي عارفه يا امي أنه مالوش حد
غيرنا
روح فيك الخير يا ولدي طب هتعمل ايه في شغلك
عمر واخد اجازه يا امي
روح ابقي طمني عليكوا يا ولدي
عمر حاضر يا امي
في مكان آخر
مجهول الو