رحمة نبيل

يشوفك متقلقيش لو هدفع كل ما املك واعملك أي عملية في اكبر المستشفيات هعمل كده ...
سكت وهو شايف جسم نسمة بدأ يترعش فابتسم بخبث وقال 
_ وشك اصفر تلاقيها المرارة أو الزايدة أنا مش هتسنى الدكتور يجي أنا هكلمهم يجهزوا العمليات بسرعة وندخلك .
وفعلا خرج سامر التليفون بتاعه وحطه على ودنه وقال بهدوء كأنه بيكلم حد 
_ الو ....أيوة أنا سامر المصري عايزك تجهزلي اكبر اوضة عمليات في المستشفى واكبر دكاترة الجراحة في مصر وكمان دكاترة التخدير وعايز طقم ممرضين كامل...هعمل عملية لمراتي هي عندها الزايدة أو المرارة معرفش ابقوا افتحوا أنتم وشوفوا براحتكم و...
سكت فجأة أول ما لقى جسم نسمة بيتنفض وبتشد منه التليفون وبتقول بړعب 
_ هو ايه اللي يفتحوا ويشوفوا أنت بتتكلم على بطيخة أنا كويسة والله كويسة .
ابتسم ليها سامر وقال بخبث وهو بيشد منها التليفون 
_ كويسة ازاي بس يا حبيبتي ده انتي وقعتي من طولك ووشك اصفر دي اكيد الزايدة .
_ هو ايه أصله ده يعني مفكرتش اني ممكن اكون عندي انيميا أو ضغطي وطي 
_ لا ازاي هي عملية أنا عارف الصفار ده صفار الزايدة.
حط التليفون على ودنه وهو بيقول 
_ الو ياكتور وليد جهز العمل
لكن نسمة شدت من التليفون بسرعة وهي بتقول بړعب 
_ لا لا يا دكتور وليد أنا زي الفل متعملش حاجة ...
سكتت فجأة أول ما شافت سامر بيقع على السرير من كتر الضحك عليها وهي بصت للتليفون باستغراب لقت أن مفيش اي اتصال .
بصت على سامر وقالت بغيظ 
_ أنت بتضحك عليا 
_ الله ما انتي اللي بدأتي وعملتي نفسك مېتة بعد كتب الكتاب ولا هو حلال ليكي وحرام ليا !
اتنفست نسمة بصوت عالي وقالت 
_ طبيعي ده يحصل حط نفسك مكاني تتجوز شخص متعرفوش ولا تعرف عنه حاجة لا وكمان مچرم وشرير هتعمل ايه 
قرب منها سامر وقال ببسمة 
_ لو قمور زيي هحبه طبعا
بلعت نسمة ريقها وهي بتحاول تهدى وقالت بتوتر وهي شيفاه قريب منها اوي 
_ لو سمحت ابعد شوية مينفعش كده ..
_ هو ايه اللي مينفعش انتي مراتي دلوقتي .
بصت ليه بغيظ

وقالت 
_ لا مش مراتك وعمري ما هكون مرات مچرم زيك أنت سامع .
فتح عيونه وقال بعصبية 
_ انتي كل شوية تقولي مچرم مچرم أنا ز...
وقبل ما يكمل سمع الكل صوت الباب بيخبط وصوت خدامة بتقول 
_ الدكتور يا سامر بيه .
بعد سامر عن نسمة پغضب وبعدين اتنفس بصوت عالي وقال 
_ اتفضل .
دخل دكتور كبير في السن للاوضة وهو بيقول 
_ مساء الخير يا سامر بيه اخبار صحتك ايه فين المړيضة !
بص ليه سامر وقال 
_ أكيد مش انا المړيضة يا دكتور مراتي هي المړيضة .
بص الدكتور حواليه وقال 
_ فين مراتك 
رفع سامر حاجبه وقال 
_ هيكون فين يعني هو فيه غيرها في المكان ! ركز الله يكرمك المدام على السرير يا دكتور .
بص الدكتور للسرير وقرب منه وهو بيرمي الشنطة بتاعته عليه فجات على رجل نسمة اللي صړخت بۏجع وسامر جري عليها وهو بيقول 
_ الله يسامحك هتكسح البنت...
بص ليها وقال 
_ انتي كويسة !
هزت راسها وهي بتفرك رجليها 
_ أيوة بس ...
وقبل ما تكمل كلامها لقت الدكتور بيخرج حقنة من الشنطة وهو بيقول 
_ امسكلي دراعها كده يا سامر باشا عشان أديها الحقنة .
فتحت نسمة عيونها واستخبت پخوف في سامر اللي قال 
_ حقنة ايه يا دكتور أنت كشفت اساسا ! ولا هو أنت بتدي الحقنة قبل أي كلام ولا ايه حكايتك هما جابوك منين دول