ايمان صالح

انا موافق ان اخوكي يتجوز اختي بس بشرط 
وياتري اي هو الشرط ده !
نتجوز 
نعم !!!
زي ما سمعتي كده نتجوز 
لا طبعا مستحيل انت بتهزر 
لا انا مبهزرش انا بتكلم جد 
وانا مستحيل اتجوزك 
وقف و لف رأسه و بصلي بتحدي و ربع أيده يبقي مفيش جواز اختي مش ممكن تتجوز اخوكي اللي لما نتجوز انا و انتي 

بس 
لف و بصلي قدامك اسبوع لو موافقتيش علي جوازنا يبقي مفيش جواز خالص 
رجع لف نفسه تاني المقابله انتهت 
بصيت عليه بعصبيه جدا بني ادم مستفز ازاي يشرط شرط زي ده اخويا بيحب أخته من زمان هما كانوا مع بعض في الجامعه بس خلصوا جامعه و هو حب يتقدملها هي موافقه بس لازم هو كمان يوافق عشان هو اللي مربيها و بتسمع كلامه في كل حاجه بس انا مستحيل اعمل كده انا بحب احمد خطيبي جدا و مستحيل اسيبه عشان واحد زي ده كل اللي بيعمله انه بيتكلم علي الفلوس كل حياته فلوس و خلاص بس انا اخويا ذنبه اي في كل ده ذنبه اي ذنبه انه حب و عشان كده عايز يكسر قلبه انا مش عارفه اعمل اي و تايهه كل اللي في دماغي ان ازاي هسيب خطيبي و اتجوز البني ادم البارد ده !!
روحت البيت و كنت مرهقه جدا و مش عارفه افكر دخلت وقعدت وانا بحاول اجمع معلومات بعد شويه لقيت محمد طالع عليا وهو قلقان 
ها عملتي اي مع اياد يا ايمان 
اي مش موافق 
رديت بسرعه من غير ما افكر لا طبعا موافق 
عيونه لمعت و ابتسم بجد بجد يا ايمان يعني خلاص هتجوز ملك 
اه اه بس 
بس اي 
هو هو قال إنه هيوافق بس لما يخلص الصفقه بتاعته هتخلص الاسبوع الجاي إن شاءالله 
الحمدلله انتي احسن اخت شوفتها في حياتي 
كنت ببص عليه وهو بينادي علي بابا و بيقولوا علي الخبر كنت زعلانه و مرتبكه و مش عارفه اعمل ايه أقوله اي وهقوله علي الشرط ده ازاي 
فضلت طول الليل وانا بفكر ومش عارفه أقرر بعد شويه لقيت احمد خطيبي بيتصل بيا رديت عليه وانا مرهقه 
اي يا احمد 
اي يا ايمان كنتي فين كل ده 
ما انا موجوده اهو 
بتصل بيكي من بدري 
ما انا كنت بعيده عن الموبيل 
اوكي عملتي اي امبارح 
متلغبطه اوي يا احمد 
لي في حاجه 
في شرط كده اياد حاطه عشان يوافق علي جواز ملك ل محمد 
اي هو قولي بسرعه 
اصل هو شرط صعب اووي يا احمد 
هيكون اي يعني يا ايمان 
هو اصل 
قولي اين كان الشرط اي بس لازم توافقي 
انا عارفه عشان محمد و 
لا مش كده بالظبط
اومال اي 
انتوا هضيعوا فرصه كبيره اياد ده من اغني أغنياء البلد 
يعني اين كان اي هو لازم اوافق !
طبعا 
حتي لو كان الشرط ده جوازي منه مقابل جواز محمد و ملك 
اي!
زي ما سمعت كده 
وهو لي حط الشرط ده 
عشان يوافق علي الجوازاه و تكمل 
امممم طيب انا عايز اقابلك بكره 
لي فيه حاجه 
عشان نشوف حل المشكله دي يا ايمان 
حل ! اكيد هترفض طبعا 
طبعا بس قابليني بكره 
حاضر يا احمد عايز حاجه 
سلام يا قمر 
سلام 
قفلت معاه وانا مش عارفه هو بيفكر في اي انا و احمد مخطوبين