أمانى السيد

انه يطلع ېتهجم عليا في بيتى 
الظابط فى شهود على الكلاده 
حفصه اه طبعا جلال بيه وده لوا سابق ومريم بنت البواب وباقى الجيران اتلموا بعد كده على صوتى 
الظابط لهادى صحيح الكلام ده
هادى لأ مش صحيح 
الظابط امال هى هتتبلى عليك ليه 
هادى انا عايز اعمل مكالمه تليفون محتاج اكلم المحامى بتاعى 
الظابط تمام حقك تعمل مكالمة واحده
هادى أتصل على عوف 
هادى عوف انا فى القسم بسببك اتصرف وتعالى طلعنى من هنا 
عوف فى القسم ليه ايه اللي حصل
بعد شويه وصل عوف للقسم ومعاه محامى واول مادخل لقى حفصة فى وشه هى بصتله وهو 

حفصه ايوه ايوه كده انا فهمت انت بقى اللى ورا الليله دى كلها 
عوف اه انا اللى ورا طردك من كل شغل بتروحيه وهفضل وراكى لحد ما اسففك التراب واخليكى تشحتى في الشارع
حفصه صحيح البجاحه ليها ناسها انا مشفتش كده فى حياتى 
عوف وانتى ليكى عين كمان تتكلمى ده انتى بجحه اوى 
حفصه انا اللى بجحه صحيح اللى اختشوا ماتوا بس هقول ايه على واحد زيك عديم الكرامه وبجح كمان 
عوف ليه كنت بضحك عليكى وواهمك بالحب وطلعت مدورها بعد كده وفى الاخر رحت اتجوزت 
حفصه لا انا اللى هربت من اللى عملته وجريت سافرت عشان ماتحملش نتيجه افعالى 
عوف لا انا سبتلك البلد بعد ماعرفت و سا ختك 
حفصه راحت عشان تضربه لكن جلال ومريم حاشوها
هنا الظابط اتدخل وهى اتنازلت عن المحضر وخرجوا كلهم من القسم 
قدام باب القسم 
بص عوف على ولاد حفصة وشاف شبهه كبير بينه وبينهم وخصوصا الولد كانه ابنه بالظبط بس الشبه ده جه ازاى اكيد مش محض الصدفة وفضل فتره معلق عينه عليهم 
حفصه بصلهم اوى بص لنتيجة افعالك 
عوف افعال مين يا مجنونه انتى . انتى عايزة تلبسينى تهمه 
مش زنبى إن ابوهم رماهم 
حفصه وياترى بقى انت تعرف مين ابوهم 
عوف ايوه المغفل ابن خالتك اللى روحتى اتجوزتيه عشان تدارى على غلطتك 
حفصه انت تخرص خالص ابن خالتى ده ضفره برقبه عشرة زيك 
هنا عوف ماملكش نفسه وكان رايح يضربها لكن هادى مسكه لان هادى من ساعت ما شاف العيال وهو حاسس إن فى حاجة غلط وكره حفصه الباين في عنيها لعوف بياكد