نهال مصطفى كامله

"قلبي برد وتلِّج"

قالتهالي وهي بتوصف شعورها الـ اتحوِّل، بعد ما كانت كل حاجة جواها بتغلي و بتشِع بالحُب .. بالاهتمام  .. بالغيرة .. بالانتظار .. باللهفة .. بالأمل .. بالتحدي ..😍❣

القنديل اللي كان منور جواها فضل شغّال عالفاضي لناس مش متقبله فكرة عدم وجودهم .. 😔

ولما خلص كل "وقود الحب اللي جواها" حرفيًا انطفت ..كانت محتاجاه يمدِّها بـ ربع المشاعر اللي قدمتهاله عشان تكمل  ..😌

كلنا بنستنى عوض انتظارنا اللى يعتبر بمثابة مكافأة نهاية الخدمة لموظف حكومى عمره ما أخد على أد ما قدم ... 😔

بس الغريب انها كانت شخص عنده "كبرياء وعِزة نفس" ماتعودش يُطلب ولا يحسس اللي قصاده باحتياج مادي .. ولا حتى معنوي .. صمتها حسسه انها راضيه ومش فارق معاها وجوده من عدمه.. او رُبما نسيته واتأقلمت على غيابه اللى هلك روحها ..🥀

كانت بتسمعه .. تفهمه .. تحل له مشاكله .. ترتب أموره .. تحتوي ضعفه وحزنه .. كان عندها قُدرة رهيبه فى انها تطمنه برغم بعدها ..🌹🌹

بس هو  كان غبى .. مافهمش إن شخصية زيها "قوية ومتماسكة ظاهريًا" 
محتاجة كل اللي بتديهوله تمامًا .. وان كل حاجة بتعملها معاه بتعلِّمه فيها بذكاء ازاي يتعامُل معاها ..كأنها بتقوله عاوزاك تتصرف معايا كل تصرفاتي اللي بتصرفها معاك  .. ببساطة كانت مستنيه منه الشخص اللى بتصنعه جواه ..

هو معملش كده .. ويأست من الانتظار وكرامتها اتفتت ومطلبتش .. قلبها برد عنه .. كل حاجة مضړوبة في ١٠٠ جواها بقت مضړوبة في صفر وبقى ملهاش اى قيمة ..🙂🙂

كل المشاعر اللي جواها بقت قيمتها صفر وحرارتها كمان صفر ..❄

"مش كل الحب بيخلص بالخېانة والاهمال ... الاستنزاف كمان مُميت .."🥀

-‏" منذ اللحظه التى توقفت فيها على شفا مُحادثتك ولم استطع ان اُخبرك بإننى لست بخير عندها تاكدت بأن الطريق إليك بات منقطعًا .. لأول مره أشعر بأنك لا تخُصني .. لأول مره افنى عمرى انتظارًا فى وهم نسجته من غزل اللقاء الفقير بيننا "