يابنات اسمعوا حكايتي
يا بنات اسمعو حكايتي ولو انا غلطانة قولولي
انا عندي شقة ورثاها عن بابا الله يرحمه عايشة فيها انا وجوزي ومعايا ولدين
امبارح رحت عند حماتي و خدت الولاد معايا وخدت هدية عشان فرح سلفي كمان 10 ايام وخدت كمان صينية بسبوسة ف ايدي
المهم لسه مقعدتش لقيت حماتي بتقوللي احنا عازينكو تسلفونا الشقة للعريس يعقد فيها اسبوعين تلاتة يعني عشان يخدو راحتهم وانتو تعالو اقعدو عندنا
قلتلها مستحيييل شقتي فيها حاجاتي مش ممكن اسيبها لحد وبعدين مقدرش اتحشر انا و جوزي و ولادي ف اوضة واحدة
قالتلي وجوزك الدلدول رأيه ايه
قلتلها معرفش اسأليه ..راحت متصلة بيه وفاتحة لسبيكر قالتله مراتك مش راضية تسلفلنا الشقة وبتقولنا اجرو شقة ولا يروحو اوتيل على اساس ان احنا منعرفش ان فيه شقق ايجار او فيه اوتيلات ف البلد
قاللها حلو الموضوع مع بعض كفاية عليا قرف الشغل قالتله بتقولي قرف ف وشي قالها قصدي ع الشغل والله
قفلت السكة وعنيها بتطق شرار وقالتلي اطلعي برا بيتي مش عايزة اشوفك هنا لا نتي ولا جوزك الطرطور ولا اولادك يا بتاعة الاوتيلات
وخدي هديتك وبسبوستك ف ايدك انا وحماكي عندنا السكر ومش هتحضرو الفرح
قلتلها هو فرح الاميرة فوزية
بس ومقهورة من ساعتها خصوصا اني اشتريت فستان وطرحة وجزمة للفرح 😌😌
