رحاب القاضي
انا هقوم اعمل اكل لينا كلنا
ودخلت نور المطبخ وطلعت شريط البرشام اللي كان بتاع ابوها وبياخد منه سعات عشان ينام... وحطت منه في الاكل وخرجت قالت..
نور
يلا الاكل جاهز انا عملتلك بسطرمة بالبيض اللي بتحبها يا اسلام كل بالهني والشفي
اسلام
ده ايه الرضا ده تكونيش حبتيني فجأه يا بت ولا ايه
فايزة
كل وانت ساكت يا واد انت
ايه مش هتاكلي يا بت يا نور
نور
ما انتي عارفة يا مرات ابويا اني مش باكل البيض انا هاكل جبنة
وبعد ما فايزة وابنها اكلو نامو ودخلت نور اخدت ياسين وفتحت باب الشقه ونزلت بسرعه راحت عند ريم صاحبتها وخالد اخوها اللي عايشين لوحدهم مع مامتهم..
ريم
ايوه مين اللي بيخبط
نور
افتحي ياريم انا نور
نور ايه ده ايه اللي جابك في وقت زي ده ادخلي بسرعه ادخل يا ياسين
الام
مين ياريم
ريم
دي نور صاحبتي ياماما واخوها
الام
يا اهلا وسهلا يابنتي
_ونور اترمت في حضڼ ام ريم وفضلت ټعيط وكأنها لقيت الملجأ ليها من تعب الدنيا كلها..
ريم
اهدي يانور في ايه ياحبيبتي
الام
ياقلبي يابنتي طيب ادخلي نامي دلوقتي والصبح نبقا نتكلم
انا انا انا واقعه في عرضكم انكم تساعدوني ارجوكم
وخرج خالد من اوضتة واستغرب وقال
ايه نور عندنا اهلا يانور مالك في ايه
ريم
من ساعت ما جات وهي مڼهارة كده ومش فاهمين منها حاجة وياسين اخوها مش بيتكلم
نور
م م مرات ابويا اااا خلت ياسين يتخرس ومش بيتكلم
_خالد وريم ومامتهم كلهم اټصدمو والام قالت بدموع..
انتي بتقولي ايه ازاااي تعمل كده في ولد صغير
خالد
ازاى المچرمة دي تعمل كده في اخوكي ازاى
الام
يا قلبي يا ابني هو في واحدة ما عندهاش قلب كده
خالد
ادخلي ياريم اعملي اكل لنور واخوها
نور قالت بدموع
مش عايزين ناكل انا عايزة اللي يساعدنا
الام
طيب يابنتي اشربي لمون ولا حاجة عشان تروقي
كده ونعرف نتكلم ادخلي ياريم اعملي اي حاجه يشربوها
مرات ابويا وابنها هما السبب في اللي حصل لابويا بعد ما خلو المحامي يغير الوصية بتاعتة ويكتب نص البيت والمحل باسمها لانه كان كاتب كل باسمنا وياسين اخويا عرف كل ده وشافهم ولما قالي قدامهم انهم عملو كده مرات ابويا مسكته وحطت فحمه كده علي لسانة قدامي خلاته مش بيتكلم وما كنتش عارفه اعمله حاجه
لا حول ولا قوة الا بالله هو كده دي ما عندهاش قلب دي ولا ايه
خالد
وايه اللي سكتك كل ده يانور ما روحتيش بلغتي عنها ليه من ساعت ۏفاة باباكي ليه سكتي لحد دلوقتي
نور
عشان مش معايا الدليل اللي يوديها في داهيه كل اللي بحكيلك عنه ده حصل قدام اخويا واخويا زي مانت شايف
نور
ايه وبابا يتبهدل لا لا انا مش هقدر اعمل كده في بابا الله يرحمة
خالد.
ماهو لازم يانور عشان تجيبي حقه من المجرمين دول
ريم
اسمعي كلام خالد يانور هو محامي واكيد عارف كل حاجة في المواضيع اللي زي
نور
ااه صح بالمناسبة هما عندهم محامي واكيد هو اللي ساعدهم في انهم يعملو كده
خالد
حلو اوي طيب اسمه ايه المحامي ده وعنوانة فين بالظبط
نور
اسمة منصور وساكن في الشارع اللي ورانا هناك هو ابنها قالي كده
خالد
طيب اسمه منصور ايه بالظبط
نور
لا معرفش هو قالي انه اسمه منصور وبس
خالد
طيب يانور اطمني انا معاكي ومش هسيبك ولازم اجيبلك حق والدك منهم
نور
ياريت ياخالد والنبي ياريت وتجيبلي حق الواد الغلبان
