رحاب القاضي
انت في الصفحة 7 من 7 صفحات
داهيه
خالد
وانتي فكرك اني هسيبه دنا لازم اخليهم يشطبو اسمه من النقابة خالص
وراح خالد ونور قدمو بلاغ في فايزة وابنها وراحو عشان يقبضو عليهم وفايزة قالت بعصبيه..
فايزه
في ايه ياخويا هو انا عملت ايه
الظابط
قدامي ياست انتي على القسم وهناك هتعرفي كل حاجة
اسلام
هو ايه ياما هما بياخدونا ليه انتي عملتي ايه انا ما اعرفش انتي ايه اللي عملتيه
فايزه بدموع
اخص عليك انت بتسلمني يا واد وانا كنت بعمل كل حاجه عشانك...
_وفي النيابة اعترفت فايزة بكل حاجة بعد ما ارغموها على الاعتراف وابنها من كتر الضغط كمان قال كل حاجة وبعد ما اثبتو كلامهم وشرحو چثة صلاح..
وبعد شهر ونص عند نور قالت
انا مش عارفة اشكرك ازاى ياخالد على وقفتك جمبي عشان لوما انت بعد ربنا مكنتش هعرف ارجع حقي وحق اخويا
انا معملتش حاجة يانور ده حقكم ورجعلكم المهم عندي انك مبسوطة
نور
هو انا مبسوطة وبس ده انا اسعد واحده في الدنيا كلها
خالد
طيب في كمان عندي ليكي خبرين الأول أن اسلام اعترف ان امه هي عملت كل حاجة وانها هي اللي اتخلصت من باباكي الله يرحمة واتحكم عليها هي وابنها وهو اخدو 25 سنه
نور
بصراحة هما يستاهلو كل اللي يجرالهم الحمد لله ان حق بابا رجع الله يرحمك يابابا طيب والخبر التاني ايه
الخبر التاني بقا اني لسه راجع انا وياسين من عند الدكتور ادخل ياياسين
ياسين
نووووور
نور
ياحبيبي انت خفيت وبقيت تتكلم كمان
ياسين
ايوه بقيت اتكلم وارجع لمض زي زمان
نور
ياحبيبي
ياسين
وعلى فكرة بقا يانور بما اني دلوقتي ولي أمرك ابيه خالد طلب ايدك مني
ريم
لولولولولوي ايوه كده عايزين نفرح
بصراحه يازين ماخترت ياخالد نور بنت حلال
نور
ربنا يخليكم ليا ياماما والله انا حاسه اني ربنا عوضني بعيلة جميله زيكم ربنا مايحرمني منكم
ونور وخالد اتجوز وعاشو كلهم مع بعض عيله واحده
_ ونرجع ونقول في الاخر ان الطمع واكل مال اليتامه اخرته وحشه اوووي وان الرضا باللي ربنا قسمه لينا احسن مليون مره عند ربنا من اننا ناخد فلوس مش بتاعتنا ولا تعبنا فيها وحق مش حقنا.
