هوايد زغلول كامله

يعنى ياما اتفضح والناس تتكلم عني ياما تتجوزي بقا ده اسمه كلام برضو ياسيد على العموم سبني افكر وابقا ارد عليك
سيد 
ماشي فكري بس مطوليش وابقا انا كده قولتلك اللي عندي يابنت الناس وانتي حرة بقا
وقال كلامه وسابني ونزل
ليلى 
ياربي اعمل ايه في اللي انا فيه ده يارب حلها من عندك
خرج ياسين ابني من اوضتة وقالي 
ماما هو انتي ليه بتكلمي نفسك وبتعيطي هو عمو سيد زعلك زي تيتة ما بتزعلك
ليلى 
لا ياحبيبي محدش زعلني ولا حاجة يا ياسين انا اللي زهقانة وبعيط لوحدي
جودي 
طيب ياماما متعيطيش وخلاص مش هنقول لك اننا جعانين تاني عشان انا عارفة ان كل اللي حصل ده عشان احنا قولنا لك اننا جعانين تيتة جات هنا زعقت وخالتو وعمو سيد

ليلى 
لا ياحبيبتي مش عشان كده
ياسين
على فكرة ياماما احنا كبار وعارفين كل حاجة انا بقيت في أولى اعدادي وجودي في سنة رابعه يعني فاهمين
ليلى 
ياحبيبي انا نفسي تكبر وتبقا راجل اد الدنيا وافتخر بيك لما تبقا مهندس
ياسين 
ان شاء الله هكبر وهبقا مهندس بس انتي متزعليش
واخدتهم في حضڼي وفضلت اعيط
وبعد كام يوم عزه راحت لاحمد جوزها الشغل وقالت له
عزه 
انت بقالك كام يوم مش بتيجي البيت ليه بتروح فين والله العظيم انت صعبان عليا بتفطر فين يا حبيبي
احمد 
انت ايه اللي جابك هنا جيا لي الشغل ليه انتي اټجننتي ولا ايه
عزه 
رد عليا وقولي بتروح فين ومش بتيجي البيت ليه
أحمد 
هاكون بكون فين يعنى انا قاعد عند امي ومش عايز ارجع البيت واتفضلي امشي من هنا دلوقتي
عزه 
علت صوتها وقالت لا ياحبيبي انا لازم اعرف الناس كلها حقيقتك واقولهم انك سايب بيتك ومراتك ورايح تتسرمح مع النسوان
أحمد 
انتي مجنونه ولا ايه انتي ايه اللي بتقوليه ده
عزه 
انا هفضحك في شغلك وسط زمايلك عشان يعرفو هما بيشتغلوا مع مين بقا تسبني كل الايام دي واقعد عند امك وفاكر اني معرفش انك بتكدب عليا
احمد 
امشي قدامي على البيت ولينا كلام هناك في البيت يلا
عزه 
قولت لك مش ماشية غير لما اعرف انت بتروح فين
وخرج المدير بتاع أحمد في الشغل وقال 
هو ايه ياجماعة خير يا استاذ ومين اللي عماله تزعق دي
عزه 
انا مراتة ياخويا وجاية هنا عشان اقولك ان الاستاذ اللي شغال معاكم ده سايب بيتة وداير ورا النسوان
احمد 
استغفر الله العظيم طيب انتي كده ارتاحتي ومش عايزة نرجع البيت ونتكلم طيب ايه رايك قدام الناس دي كلها بقولك انتي طالق ياعزه طالق التلاتة
عزه اڼهارت وقالت 
انت بتطلقني يا واطي بتطلقني انت نسيت نفسك يامعفن ده انا اللي عملتك انا اللي استحملتك بقرفك اخرتها بتطلقني
أحمد 
ياريت تجيبو الأمن يمشوها من هنا دلوقتي حالا
وفعلا جاب لها الأمن وخرجوها بره الشركة وفؤاد صاحبة قاله
ايه ده يا أحمد هي مراتك بتعمل كده ليه
أحمد
الظاهر كده عقلها فوت انا ماشي يافؤاد معلش انا عايز اقعد