توبة لاخر عمر

اخدها ولسه هيطلع بيها على العربيه اتقدم عليهم ماجد وقال  الله الله وجايبه عشيقك معاكي كمان
توبه بصتلو پحده ومنصف قال بضيق ابعد من وشي السعادي يا ماجد
ماجد قال پغضب انت تخرس واحد زيك المفروض ميتكلمش وبص لتوبه وقال بصوت عالي شوفي يا بت الناس كل الي هنا عارفين انك واحده متشرفش ومع ذلك انا طالبك في الحلال قدام الحاره دي كلها  علشان استر عليكي وطبعا المفروض توافقي وتحمدي ربك كمان
ابو توبه وامها كانو واقفين في البلكون بيسمعو الي بيحصل بحسره ان بنتهم تبقى في موقف زي ده
وتوبه كانت پتبكي ومش بتتكلم وماجد ميل على منصف وقال .هتاخد ضعف فلوسك الي عندي لو لمېت معايا الحوار ده قول انك كنت معاها فعلا اول ما اسألك وكمل بصوت عالي وقال متعمليش فيها بريئه اهو عشيقك لسه معاكي وهو اعترف قبل كده وممكن يعترف قدام الكل
منصف بص لتوبه بدموع واتقدم على واحد في السوق واخد منو مايكرفون وقال  يا اهل الحاره   لكل الي قال كلمه في حق توبه انا فعلا كنت عندها في الاوضه
توبه نزلت دموعهابحزن وقعدت مكانها على الارض وهيه مش قادره تبص لحد
منصف كمل و قال بس كنت عندها لان الحيوان ده هو الي اجرني عليها ودفعلي فلوس علشان اۏسخ سمعتها دخلت وعملت عليها فلم اني محتاج مساعده وفيه ناس ھيقتلوني وهيه مترددتش انها تساعدني بس انا الي غدرت بيها لاني انا كمان زيو حيوان وندل
الكل بقو يبصولو بزهول حتى اهل توبه وماجد كان هيتجنن قال بسرعه كداب ده كداب  وقرب منو وقال بهمس انا هخرب بيتك واختك ھتموت و
بس منصف قال بسرعه انا قبلت اضيع الغلبانه دي كان كل همي انقذ اختي العيانه ومكانش قدامي غير فلوس الندل ده هو واللي زيو بس  بس كلو على الله عمري ما هزقذها واموت انسانه بريئه ملهاش ذمب علشان كده الدليل على كلامي اهوه
وشغل تسجيل التليفون في المايك
الي كان بيواجه ماجد فيه قدام المستشفي
توبه ابتسمت ومسحت دموعها بفرحه ومنصف اتقدم عليها قومها وقال بزعيق .يا اهل الحاره لو فيكم رجاله مش هيقبلو بواحد زي ده وسطهم انهارده كانت توبه ضحيتو بكره تبقى اي بنت من بناتكم
ده متحامي بشويه البلطجيه الي معاه لو وقفتو ايد واحده هتخلصو من شرهم  واول ايد ايدي انا ولو هخسرها واتقدم على ماجد وضړبو قلم قوي جدا وقعو على الارض وقال الحر ميقبلش بواحد يوسخ شرف البنات واكيد كلكم احرار وكلكم رجاله
بقلم زهرة الربيع
ماجد بصلو پغضب رهيب وشاور لرجالتو لسه هيضربوه اتلمو رجالة الحاره كلهم وبقم يضربو مع منصف وفعلا ضړبو ماجد ورجالتو لحد ما هربو وكمان قررو ميخلهمش في الحاره ابدا
هنا نزلت والدة توبه وابوها كمان واخدو بنتهم وسطهم بدموع وسط زغاريد امها وفرحه ابوها الي كانت متتوصفش
ابوها بصلها بدموع وقال هو الاب يقول ايه علشان بنتو
تسامحو
توبه ابتسمت بدموع وقالت يدعيلها بس يا حج
امها كمان شدتها ليها وقالت حقك عليا يا ضنايا
والكل كان مبسوط وطلعت مع اهلها وهيه بتبص على منصف وهو بيبعد
تاني يوم كان منصف مع ميسون في مستشفى قلب بالتبراعات واتغاجأ بتوبه واهلها
منصف وقف وقال توبه
توبه ابتسمت وقالت كلمت ميسون وقالتلي انكم هنا
منصف قال اه اصل الفلوس الي عند ماجد كده بح فقولنا نشوف دورنا هنا واكيد لما يشوفو حالتها هيعجلو شويه
نصر سلم عليه وقال توبه حكت لنا عن ظروفك وايه الي خلاك تعمل كده ربنا يكون معاك يا ابني انت رفعت راسنا من جديد وسط الناس
منصف ابتسم بحرج وقال انا الغلطان من الاول يا حج حقكم عليا
وهما بيتكلمو خرج الدكتور وقال فين اهل المريضه الي جوه
منصف اتقدم عليه وكانو اهل توبه معاه والدكتور صدم الجميع لما قال مين قلكم انها مريضة قلب دي قلبها سليم ميه في الميه البنت بس عندها ضعف وانميا وده الي بيسبب لها الدوخه
منصف كان هيتجنن من الصدمه وقال ازاي ازاي انا بعالجها من ٦ شهور
الدكتور قال الاشعه والتحاليل معايا تقظر تعرضهم على اي دكتور تاني مفيش حاجه من دي  عن اذنكم
منصف مبقاش عارف يفرح ولا يقلق ولا فيه ايه اصلا طلعو كلهم بالعربيه على شقة الدكتور الي بيعالجها
الدكتور اول ما شاف منصف وفي ايده التحاليل بلع ريقه پخوف وقال انا مليش دعوه  ماجد هو الي قالي كده لما اختك اغمى عليها وجبتها عندي انا شكيت ان عندها انميا  وطلبت تحاليل هو دخلي بعد ما انت