ولاء رفعت

علي يدك.. قالتها سلمي بوجه مبهم وثبات تحسد عليه..
ردت سمر بدهشة 
يعني أنت عايزة تفهمني أن ياسين حبك وجاي علشان يخطبك.. ياسين اللي بنات الجامعة كلهم هيموتوا عليه يتجوزك أنت!!!!!
ردت سلمي بحدة طفيفة 
أيه يا سمر مالي يعني .. ثم أسترسلت بنبرة تخفي في طياتها السخرية
ايوا يا ستي هتجوز ياسين اللي البنات ھتموت عليه أرتحتي كدا..
لم تجد سمر شيء لتضيفه فقالت
ماشي يا سلمي ربنا يتمملك علي خير...
مساءا في قصر الالفي
ساد جو من التوتر بين مصعب وياسين ومهاب فكانوا يجلسون على طاولة الطعام وكلا منهم يعبث في طعامه بدون شهية والصمت هو سيد الموقف تعجبت ماسة التي شعرت بشيء غريب لتقول وهي عاقدة حاجبيها
هو في ايه يا جماعة و مالكم ساكتين كده ليه ومش في طبيعتكم في حاجة حصلت! تحدث مصعب وهو ينظر الى اولاده بنظره ذات معنى
مافيش حاجة بس في موضوع يخص ياسين ولازم تعرفيه..
خفق قلب ياسين بشدة وهو يشعر بالقلق هل سيخبر والده ويقص علي والدته ما حدث وسيفتضح امره..
قطع تفكيره صوت مصعب وهو يقول 
في بنت زميلة ياسين هنروح نخطبها بكرا ومش هتكون خطوبة وبس ..هيكون كتب كتاب ولو اهلها وافقوا هنعمل الفرح على طول..
تقابلت نظرات لورا بوالدتها وهما يمطان بدهشة لتقول ماسة باستهجان
ياسين!!!! ازاي يعني يتجواز اذا كان اخواته الاكبر منه لسه حتى ما خطبوش!!!
وقف مصعب بثبات ولم يظهر على ملامحه اي تعبير ليقول ناهيا الحديث
زي ما قلت كده يا ماسة وحضروا نفسكم على كده..
ثم وجه حديثه الى ياسين ومهاب مسترسلا
وانتم حصلوني على المكتب.. انصاعا لامر ابيهم..
في حين قالت ماسة بحنق 
هو ايه اصله ده ما حد يفهمني ايه اللي بيحصل بالضبط!!! عرف مصعب أن ماسة لن تهدأ حتى تعرف ما حدث فقرر استعمال ذكاءه فقام بغمزها وهو يقول بحب
هبقى افهمك لما نطلع اوضتنا..
ابتسمت
له وهي تحرك راسها بالايجاب..
________
اللي حصل النهاردة مش عايز حد يعرفه نهائي غيرنا مفهوم.. قالها مصعب الذي كان يجلس على مقعد مكتبه وامامه يجلس مهاب وفي مقابله يجلس ياسين وهو مطأطأ راسه بخجل ليسترسيل مصعب
طبعا امكم هتحاول تعرف اللي حصل بالضبط بس انا هقول لها ان البيه بيحب زميلته ومستعجل وعايز يتجوزها و يكملوا تعليمهم وهم متجوزين.. رافع ياسين راسه ينظر لابيه بخجل وهو يقول بنبرة حزينة
والله يا بابا اللي حصل ده كان ڠصب عني..
رد مصعب بنبرة يشوبها الخذلان
ڠصب عنك او بمزاجك.. فهو حصل.. و احنا معنا بنات واللي مش هنرضاه على اخواتك البنات مش هنرضاه على سلمى وانت هتعمل قرد المهم البنت اللي انت كسرتها دي تراضيها باي شكل من الاشكال وتستحمل منها اي حاجة مهما حصل.. مفهووووم..
رد ياسين وهو يهز رأسه 
حاضر يا بابا اللي تشوفه حضرتك..
ثم أشاح مصعب بوجهه ينظر لمهاب قائلا
في حد في المستشفى خد خبر عن اللي حصل يا مهاب
رد مهاب نافيا 
لا يا بابا أطمن حضرتك هما معرفوش غير اللي احنا قولناه وبس..
هز رأسه وهو عاقد حاجبيه ثم نهض وهو يقول بأمر محدثا ياسين
مفيش مرواح الجامعة غير علي الامتحانات و من بكرا هتنزل الشركة تشتغل زي أي عامل عندي وهتأخد مرتب زي أي حد فحاول تأقلم نفسك علي كدا.. لاني سحبت كل رصيدك اللي في البنك وسيب مفاتيح العربية وأعمل أشترك بقي في الاتوبيس او في المترو زي ما أنت عايز المهم أنك تعتمد علي نفسك وتنسي خالص أنك إبن مصعب الألفي..
بهتت ملامح ياسين وهو ينظر الي مهاب ومن ثم أخفض بصره وطأطأ رأسها وهو يقول

بإستسلام
ماشي يا بابا .. ثم أخرج مفاتيح سيارته ووضعها علي سطح المكتب أمام والده وأستطرد
بعد أذنك ممكن أطلع أوضتي..
أوماء له مصعب ثم أنصرف ياسين من الغرفة وتباعه مهاب..
________
في هول القصر
أنت فاهمة حاجة يا لورا .. قالتها ماسة بفضول موجهة حديثها الي إبنتها..
والله يا مامي ما فاهمة حاجة بس حاسة ان الموضوع في حاجة غريبة.. قالتها لورا متعجبة
ريثما هما يتحدثان سمعا طرقات على الباب خرجت الخادمة في اتجاه الباب ثم فتحته ليتفاجئ الجميع بليث وبجواره ديمة..
في حين خرج ياسين وتابعه مهاب من المكتب ولكنهما توقفان عندما وجدا الخادمة تفتح وليث وديمة يدلفان الى الداخل..
مالك يا حبيبتي بټعيطي ليه.. كففت دموعها وهي تقول بطفولية
مافيش يا بابا بس انتم وحشتوني قوي..
ربت على ظهرها بود وحب ابوي وقال
وانت كمان وحشتينا قوي بس انتم ما لحقتوش ورجعتوا بدري ليه!!!
أخذت ديمة تقص عليهم كل ما حدث..
اما ياسين فنهض و استاذن حتى يصعد الى غرفته..
هو ياسين ماله ..قالها ليث بعد صعود ياسين فقد لاحظ ليث تغير أخيه فهو لم يعد مرح كعادته..
مافيش حاجة يا ليث اطلع انت رايح.. مش بتقول هتمشي تاني بكرا.. رد بها مصعب بملامح مبهمة..
أوماء له ليث ثم صعد الجميع كلا على غرفته..دخل ليث غرفة ياسين ليجده يفترش المضجع واضعا ذراعيه أسفل رأسه وشارد الذهن مبحلق في سقف الغرفة..
مالك يا دنجوان عصرك