سوليية نصار

منها بس رفضت ده وطلبت بس فلوس عشان تسافر وتبدأ حياتها من جديد  
وطبعا أنا اللي بدأت محاولاتي عشان اقنع وسام ترجع وتسامح  بس وسام وقتها كانت مڼهارة تماما  كانت فاقدة الثقة في كل الناس حتي ابوها  بعد اللي عملته ولاء بقت قافلة علي نفسها بتروح شغلها بس  حتي والدها مبتتكلمش معاه كتير  والدها كتير كلمني عشان اساعدها  بس انا مكنتش عارف اساعدها ازاي !!!
في يوم   
فتحت وسام الباب لقت ولاء قدامها  عينيها دمعت فولاء اتكلمت بسرعة وقالت
انا مسافرة النهاردة  ههاجر للابد يا وسام مش هزعجك للابد  
بلعت وسام ريقها وقررت تسمعها  
بعد دقايق كانت وسام وولاء قاعدين في الصالة  كانت ولاء باصة علي الأرض  عيونها مدمعة  اتنهدت واتكلمت 
مليش حق اطلب الغفران عارفة  وعارفة اني مستاهلش حبك ليا  الحقد عماني عن الشخص الوحيد اللي حبني وهو انتي يا وسام  أنا حتي امي محبتنيش زيك  لما اكتشفتي اني اختك انتي اللي بدأتي المبادرة  حاولتي تعوضيني عن اللي حصل  وللاسف انا مقدرتش ده  مفيش كلمة تعبر عن ندمي  لما قولتي اني شبه ابوكي اخدتك بذنبه حسيت قد ايه انا واحدة حقېرة عماها الاڼتقام  حسيت اني فعلا رخيصة  حسيت وقتها عيني انفتحت وشوفت اني اذيت اختي  اختي اللي حبتني  أنا اسفة  بجد اسفة وانا عارفة أن ربنا هيعاقبني علي اللي عملته وفعلا بدأ عقاپي  مروان اللي مفروض حبيته وحبني سابني اتطردت من شغلي  وأسوأ حاجة اني خسرتك وعارفة أن لسه عقاپي مخلصش  أنا مش جاية عشان السماح لاني مستحقهوش بس جاية اقولك اني فعلا حبيتك  لان اول مرة حد يديني الحب ده ومقدرهوش  ورغم أن ممكن دلوقتي تكوني بتكرهيني بس انا برضه بحبك  
طلعت ولاء ورقة من شنطتها وقالت
ده الطريقة اللي هتقدري تتواصلي معايا بيها لو حابة يعني  هستني دايما اتصالك بيا  
وبعدين قامت ومشيت وهي پتبكي ولاء عرفت بعد فوات الاوان أنها خسړت اغلي شخص عندها بس لسه برضه عندها امل 
مر اسبوع علي سفر ولاء  
كانت وسام رجعت مبسوطة تاني  كلام ولاء ريحها عرفت أن الحب اللي اديته لأختها مراحش هدر  متعرفش هي هتقدر تسامحها ولا لا  بس من جواها كانت عارفة أن اليوم ده هيجي 
دخلت وسام الشركة ووقفت مصډومة وهي لاقية المكان اللي بتشتغل فيه كله ورد  
جيت من وراها وقولت
مش ناوية تسامحيني وتفرحي المسكين الغلبان اللي بقاله اكتر من شهر بيجري وراكي  
بصتلي وسام بلوم فمسكت ايديها وقولت
اديني فرصة أخيرة يا وسام  أنا عارف اني غلطت بس انا ليا عذري  بس اوعدك اني مش هكررها تاني   
جات نسرين من وراها وقالت
ما تسامحيه يا ست حلويات انتي ده قارف امي بخططه الفاشلة عشان يصالحك وانا مش فاضية ورايا مدير عايزة اشقطه  
تشقطي مين بالضبط !! 
جيه المدير من ورانا فقالت نسرين بتوتر 
اشقط ايه سمعت غلط اكيد  لا قصدي ارقص   بقولهم اتجوزوا عشان ارقص في فرحكم  وحتي اهي وسام وافقت تتجوز رأفت  
وراحت مزغرطة  
ضحكنا عليها انا ووسام  فقربت من وسام وقولت
ها يا عروسة ايه رأيك نعمل الفرح علطول  
بصتلي وسام بخبث وقالت
لا عايزاك تجري ورايا شهرين كمان   
مسكت ايديها وقولت
والله ما يحصل بينا علي المأذون 
تمت