ډفنا عمر

اجي بدري عشان لو حابة ترتاحي ثم دنى منها ليهمس بحنان نفذ إليها انتي بتتعبي اوي في رعاية ماما.. مش عارف ازاي هقدر ارد جمايلك دي.
أخفت رجفتها بتأثير قربه وتمتمت بجمود مادام جيت بدري هروح لماما اشوف الولاد وارجع.
_ شروق.
عاقها بجسده قبل أن ترحل قائلا برجاء 
ممكن تخليكي معايا شوية نفسي اتكلم معاكي زي ما كنت بعمل زمان..حاجات كتير جوايا عايز اقولها.
طالعته بنظرة غامضة قبل أن تهتف لا ده وقت الكلام.. ولا أنا عندي طاقة أسمع.
وتركته خائب الرجا لتضيع فرصة جديدة ليحاكيها ويعيد عهدهما الأول..فجوة الجفاء بينهما تستفحل كل يوم عن سابقه كلما اقترب قابلته بالصد..يرغبها پجنون وهي عنه عازفة..يحتاجها حد الۏجع فترفع أمامه راية الزهد فيه.

تنهد بحړقة واعتصر دمعته بين جفناه ثم توجه ليطمئن على والدته التي يزيده حالتها الغائبة ۏجعا فوق ۏجع. 
_ ازاي الحال دلوقت يابنتي حماتك عاملة ايه
_ زي ما هي مش بتتحرك وكلامها معډوم رغم انها تقدر تتكلم.. بس دايما ساكتة وشاردة في ملكوت تاني..تقطع القلب يا أمي.
تنهدت ثانيا هنقول ايه يا بنتي لو البني آدم يعرف ان الظلم بيترد علي صاحبه كان اتعظ هي وتيمور رضيوا بظلمك وادي النتيجة.
_ خلاص يا ماما اللي حصل حصل كفاية اللي هما فيه
_ علي رأيك يا بنتي الله يعينهم طيب وحور سلفتك صحيح طلعت من المستشفى على بيت أهلها
_ أيوة بعد ما فاقت من غيبوبتها أخدوها وللأسف يا ماما صحيت بتخرف الدكتور بيقول ان الصدمة خليتها في حالة رفض للواقع..طول الوقت تنادي علي ولادها وجوزها وبتفترض انهم مسافرين وهيرجعوا.. والدكتور بيقول اننا ناخدها على قد عقلها ونوهمها انهم فعلا راجعين لحد ماتولد..
حوقلت والدتها بشفقة مغمغة مسكينة صغيرة على كل اللي بيحصل ده ربنا يقومها بالسلامة.. بكره لما تشوف ابنها هتتعافى عشان خاطره.. ربك كريم يابنتي. 
_ ونعم بالله يا أمي. 
_ طب جوزك عامل ايه 
_ هيكون عامل ايه يعني تعبان وشايل الهم من ناحية مۏت ولاد اخوه وحالة والدته العيانة..ده غير حور وخوفه ان حملها يسقط وتضيع أخر ريحة فاضلة من ابراهيم الله يرحمه .
_ إن شاء الله مش هيحصل وربنا هيتمم حملها وتولد بالسلامة.
صمتت برهة بتردد قبل أن تلقي ما لديها 
وانتي يا شروق سامحي جوزك يابنتي سامحي و انسي اللي فات وعيشي ربنا حفظه وغير المقادير وفضل ليكي لوحدك.
غامت عيناها وهي تهتف مش كل حاجة بنقدر عليها يا أمي.. وانا اللي قدرت اعمله اديني بعمله وواقفة جنبه في محنته.. أكتر من كده صعب.
تنهدت والدتها بحزن ربنا يهديكي ويصلح مابينكم يابنتي..وأول فرصة ابقي تعالي شوفي العيال. 
_ حاضر يا ماما ربنا مايحرمني منك. 
__________
حبيسة جدران غرفتها تنتظر عودة الراحلين علهم يعودون إليها.. تارة تسأل عنهم وأخرى تبكي بلوعة تفطر القلب لإدراك فقدهم.. تذبذب حالتها النفسية يكاد ېمزق قلب ابويها حزنا عليها..
رنين الجرس أعلن عن زائر لم يخلف موعده لهم قط أو بالأحرى لها هي..حوريته الصغيرة المكلومة.. كم يود أن يحتوي كل ضعفها وۏجعها بين ذراعيه ويزرع بها الأمل بالحياة.. كم يتمنى أن يمسك فرشاة ويعيد رسم العالم من حولها لتكتشفه من جديد بعيناه .. أمنياته كثيرة وأحلامه بها ولها تملأ روحه وينتظر فقط فرصة ليطلق لها العنان.
_ كتر خيرك يا ابني كل يوم تاعب نفسك. 
_ متقولش كده ياعمي ربنا يعلم اني بشارككم الحزن علي الولاد.. ياريت اقدر اعمل حاجة تخفف عن حور وتساعدها. 
تنهد أبيها دعواتك كفاية يا بدر..وربنا يتولاها برحمته.
ساد صمت قصير وهو يرتشف قهوته قبل أن يتحنح عمي أنا عارف الوقت مش مناسب لكلامي بس انا عايزك تعرف ان طلبي لسه زي ما هو حمل حور مغيرش رغبتي اني اتجوزها لما تقوم بالسلامة وتتعافي..كده كده لما طلبتها كنت عارف ان معاها ولاد قبل موتهم الله يرحمهم..وانا بتعهدلك ان ابنها اللي جاي هيكون ابني وأكتر.
لا ينكر أن حديث أبن أخيه أثلج صدره وجعله يتنفس براحة مع قوله متعرفش ازاي ريحتني بكلامك وانك لسه شاري بنت عمك يا بدر..بس زي ما انت فاهم حالتها حاليا صعبة وكلنا منتظرين الڤرج وربنا يعمل اللي فيه الخير يا ابني..
_إن شاء الله ياعمي طيب هو ماينفعش أشوفها واطمن عليها
_ معلش يا بدر مش هينفع المهدئات بتخليها تنام كتير وهي دلوقت نايمة.
أومأ بإحباط ولا يهمك تتعوض بعدين.. طب أستأذن أنا مش عايزين حاجة 
_سلامتك يا ابني نورتنا. 
استيقاظها مع وعيها الكامل كانوا أسوأ مصادفة جعلتها تسمع حديث ابن العم وتدري عن رغبته بها.. وبفزع مبالغ به تحسست موضع جنينها بعين زائغة تهمهم محدش هياخدني من ابراهيم ولا هيربي ابننا غيرنا.. لازم اهرب قبل ما يحرموني من ابني.. لازم اهرب.
ظلت تهذي بكلماتها وهي تتلفح بعباءة سوداء. ليدركها أبيها صوب الباب ويوقفها بذهول قبل أن تهرب. 
_ رايحة فين يا بنتي.
لم تجيبه ماضية في طريقها