حماتي وجوزي كامله
عمري بقول عليكي انك زي مامتي الله يرحمها وبعزك زيها
سميرة
امال يا رقيه هو انا ياحبيبتي ليا غيرك انتي ومنال دلوقتي
رقيه
ربنا يخليكي لينا خلاص احنا هنيجي
وفعلا راحت رقيه وإيهاب عند سميرة وطول الاقعدة سميرة مشالتش عيونها من على إيهاب
رقيه
تسلم ايدك ياماما الاكل كان تحفة
سميرة
اومال يعنى معرفتش رايك يا استاذ إيهاب
بصراحة الاكل كان لذيذ جدا تسلم ايدك وكفاية اننا تعبناكي لحد ماحضرتيه
سميرة بدلع
انت تعبك راحة والله
رقيه اخدت بالها من تصرفات حماتها وقالت
يلا يا إيهاب نمشي عشان متاخرش
سميرة بسرعه
الله جرا ايه يا رقيه هو انتي دايما مستعجله كده ده لسه هدوق الاستاذ إيهاب الحلو بتاعي ادخلي المطبخ وهاتي اطباق الحلو
بصراحة انا مبقاش عندي مكان عشان اكل تاني كفايه كده يامدام سميرة
سميرة
لا ازاى بقا لازم تدوق يلا يابت ادخلي المطبخ
رقيه بضيق
حاااضر
ودخلت المطبخ وايهاب قال
على فكرة ياريت بلاش تقولي لي يا استاذ دي خليها إيهاب علطول
سميرة
والله انا قولت انك فعلا كلك زوق ويابختها بيك البت رقيه دي
وخلص اليوم ومشيت رقيه وايهاب قالها
والله لطيفة اوي حماتك دي يا رقيه تحسي كده انها ست مودرن ومش معقده زي ماكنتي بتحكي عنها
رقيه
والله يا إيهاب انا نفسي مستغربة من تصرفاتها دي دي مكنتش كده خالص دي اتبدلت بس هي ليه بتتعامل معاك كده
إيهاب
بتتعامل ازاى يعنى الست عايزة تبينلي انها كريمة وصاحبة واجب انتي اللي مصوراها لي
الساحرة الشريرة مع اني شايف انها حلوه
رقيه
ما خلاص يا إيهاب بقا انت هتفضل تتكلم عليها كتير كده
إيهاب
الله الله انتي بتغيري يا رقيه ولا ايه
رقيه
ولا بغير ولا حاجة وبعدين هو انا هغير من دي يعني على ايه
وصلها البيت وعدت الايام وجه يوم فرح رقيه وايهاب وقالت
الف مبروك ياحبيبي
إيهاب
الله يبارك فيكي ياحبيبتي ويارب ان شاء الله اقدر اسعدك واخليكي اسعد واحده في الدنيا
ماما اهلا وسهلا اتفضلي
ودخلت سميرة ومعاها شنطة هدومها وقالت
يزيد فضلك ياحبيبتي
رقيه
امال ايه الشنطة اللي معاكي دي يا ماما
سميرة
دي شنطة هدومي ياروح ماما اصل بصراحة يارقية البيت فضي عليا اوي من بعد منال متجوزت ولقيت نفسي لوحدي وبقيت بخاف قولت بقا مفيش غير بنتي حبيبتى رقيه اروح اقعد عندها كام يوم ولا يكون عندك مانع
معنديش مانع ولا حاجة بس حضرتك عارفة اني لسه عروسه جديدة يعني وكده
سميرة
ياسلام وايه يعنى لما تبقي عروسة جديدة هو انا هعملك ازعاج ولا هعملك ازعاج ده انا هبقا في اوضة وانتي وجوزك في اوضه
وخرج إيهاب من جوه وقال
مدام سميرة ده ايه النور ده
سميرة
لا بلا نور بلا بتاع يا إيهاب يرضيك كده اللي مراتك بتعمله معايا
إيهاب
في ايه عملت هي ايه بس
سميرة
بقولها انا جايه اقعد معاكي في الشقة بتاعت ابني الله يرحمة تقولي انتي جايه تقعدي معانا وانا لسه عروسة جديدة يرضيك كده
إيهاب
لا طبعا مايرضنيشي ملكيش حق يارقية حماتك تقعد هنا براحتها متنسيش انه بيتها قبل مايكون بيتك
رقيه
انا مقصدش ازعلها يا إيهاب انا بس بقول يعنى اننا لسه مبقاش لينا كام يوم متجوزين وو.....
سميرة
يعني ايه ياست رقيه خلاص انا ماشية عن اذنكم وبتمثل انها بټعيط
إيهاب
على فين يامدام سميرة والله ما انتي ماشية وهتقعدي معانا بيتك ومطرحك اعتذري لحماتك يا رقيه دي مهما ان كانت زي مامتك برضو
رقيه بضيق
حاضر انا اسفه ياماما انتي منورانا متزعليش مني
سميرة
لا ياحبيبتي خلاص عشان خاطر إيهاب بس مش هزعل منك هو انا اقدر برضو ده انتي بنتي يلا دخلي شنتطي الاوضة بقا
ودخلت الاوضه وهما دخلو
