سيلا وليد كامله

عايزة اشوف وشك.. واستدارخارجا دون حديث 
استندت برأسها على حافة الحوض وتذكرت حديثها مع والدها 
عاملة إيه مع جاسر حبيبتي..ابتسمت له 
كويسة يابابا جاسر حنين استحمل تعبي ووقف معايا تعرف في مرة كنت هقتله دخل عليا علشان يشوفني وكنت نايمة قومت لقيته جنبي ضړبته بالسکينة نزلت عبراتها واكملت 
اصلي كنت حاطة السکينة تحت المخدة شهقت پبكاء 
وصل الحال ببنتك تحط السکينة تحت المخدة حتى كانت ھتموت ابن عمها 
احتضنها والدها بحزن واردف 
جاسر بيحبك ومش هيزعل منك وعارفه صبور علشان كدا خليته يتجوزكواستأنف بقلب أب مكلوم على فلذة كبده 
هو بيحبك ومستحيل يأذيكي حتى لو بنظرة رمق نهى بنظرة فهمتها فجذبتها لأحضانها 
ابعد عن البنت ياصهيب عايزة اطمن عليها ووقفت تغمز لصهيب وجلست بعيدا ببعض الخطوات 
قوليلي حبيبتي عاملة ايه 
قالتها وهي تتهرب بنظراتها 
أنا كويسة ياماما ماانا قولت لبابا من شوية 
رفعت خصلاتها ووضعتها خلف أذنها مقتربة منها تنظر لعيناها 
جاسر كمل جوازه منك ياجنى فهو منذ أكثر من أسبوعين لم يأت إلى المنزل أحست بإشتياقها الكامل له حتى اقسم قلبها لها عند عودته ستلقي نفسها بأحضانه ..فركت كفيها وتوردت وجنتيها تهز رأسها بالنفي 
اومأت نهى برأسها نظرت إلى صهيب الذي يتحدث بهاتفه ثم دنت من ابنتها وهمست لها 
جنى أنا عارفة أن اللي اتعرضتيله صعب بس دا جوزك ياقلبي وقبل مايكون جوزك دا حبيبك اللي حلمتي بيه وانا متأكدة من حبه ليكي اصلك مشفتيش حالته أنا اكتر واحدة حسيت بألمه ابتلعت ريقها تنظر لأبنتها بعدما ابتعد صهيب بهاتفه واستأنفت حديثها بمغذى 
حبيبتي اسمعيني كويس لأن مفيش حد هيحس بوجعك غيري ولا حد هيتمنى لك السعادة غيري جاسر بيعشقك وعمره ماهيأذيكي امسكي فيه بقلبك قبل عقلك صدقيني الواد عاشق وبيفكرني بجواد ويمكن اكتر منه 
انزلت برأسها للأسفل تهزها بخجل ابتسمت والدتها ونظراتها على صهيب فهمست لها 
اوعي تطلعي أي كلام بينك وبين جوزك لحد حتى لو بابا نفسه فهماني ياجنى دا جوزك وشيلي موضوع فيروز دا خالص جاسر طلقها بس قالي معرفش حد دلوقتي ليه معرفش بس تأكيد أنه بيحبك بجد 
قاطعهم صوت صهيب 
نهى ياله قبل ماعز يرجع من الشغل توقفت جنى تنظر إليه بحزن 
عز وحشني أوي يابابا ممكن اروح أشوفه يمكن لما اقعد معاه يهدى شوية 
قبل رأسها قائلا 
لا ..بلاش دلوقتي مش ضامن ممكن يعمل ايه الايام هتنسيه ولازم يقتنع انك اتجوزتي جاسر خلاص 
رفع بصره لنهى 
حبيبتي ياله تعبت وعايز ارتاح .
لسة تعبان ياحبيبي.
لا ياحبيبة قلبي بس الدكتور منعني من الحركة بس وحشتيني وقولت اجي اشوفك واطمن عليكي 
خرجت من شرودها على صوت جاسر بالخارج 
جنى اتأخرتي حبيبتي 
خارجة..نهضت وقامت بتجفيف جاذبة مأزرها وتحركت للخارج 
كان يجلس يضع رأسه بين راحتيه رفع رأسه عندما وجدها .. 
كم آلامها حالته وصمته الموضوع..ابتسمت قائلة 
ممكن تساعدني اغير هدومي ..تحرك إليها سريعا يسحبها متجها لغرفة الملابس 
توقفت تمسك كفيه 
هلبس وشعري مبلول 
قطب جبينه ونظر إليها مستفهما 
امسكت المجفف الكهربي 
ممكن حبيبي يساعدني وينشفلي شعري ..قالتها وعيناها تتعمق بمقلتيه 
رسم إبتسامة حزينة ثم أجلسها ينظر لذاك الجهاز قائلا 
مستعملتوش قبل كدا وعلى فكرة أنا مش طفل علشان تحاولي تخففي عني عارف انا غلطت واستاهل عقاپ منك بس 
توقفت تضع كفيها على شفتيه 
ممكن منتكلمش دلوقتي بس مش طالبة غير كدا 
انحنى يحاوطها بذراعه ثم يلثم رأسها ينظر لهيئتها بالمرآة 
حبيبتي تؤمر وعلى حبيبها التنفيذ 
أومأت رأسها دون حديث انتهى أخيرا من تجفيف خصلاتها القصيرة
ربنا ما يحرمني منك ولا من ريحتك ياأجمل هدية 
وأنا بعشق ريحتك أوي رفعت نظرها إليه قائلة 
أقولك سر..رفعت أناملها تتلاعب بزر كنزته البيتية 
كل
انواع برفانتك عندي كل ما اتغير نوع اروح اخده من دولابك واخبيه عندي لما بقى عندي دولاب كامل مقفول من جميع برفانتك في مرة ربى فتحته وكانت هتعرف وقتها جه عز وانقذني 
ظل صامتا وابتسامة مغرمة لمعت بريق عيناه ظل يطالعها وينظر إلى أناملها التي تتحرك على كنزته بنعومة أهلكته 
انحنى بعد لحظات صامتة
بعشقك مهلكتي خلي عندك ثقة اللي قدامك دا مستعد يبع العالم علشان ياخدك في حضنه زي كدا..قالها 
قائلا ببحته الرجولية 
خلي حد يقرب منك

ياجنى وشوفي وقتها هعمل ايه إذا انا اتخليت عن اعز صديق تخيلي ممكن أعمل ايه تاني 
احتوت وجهه 
جاسر لازم تصلح علاقتك بعز علشان خاطري لو ليا معزة عندك اع..وضع إبهامه على شفتيها 
اشش ..ايه اللي بتقوليه دا بقولك أبيع الدنيا تقولي لو ليا خاطر عندك 
جذبها متجها إلى غرفة الملابس..أخرجت ثيابها 
ممكن اغير..رفع حاجبه ساخرا 
بت هتشتغليني ولا ايه قولتي تعالى اساعدك بتر حديثه اتصال صهيب 
أيوة ..اجابه صهيب
فيروز هنا وعاملة حريقة ياريت تيجي قبل ماأبوك يعرف حكاية طلاقك هيولع فيك 
تمام جاي ..قالها ثم أغلق الهاتف ينظر بشرود فيبدو العاصفة القادمة لا تبشر بالخير
جاسر فيه حاجة..اتجه إليها ورسم إبتسامة 
لا حبيبي كنت بفكر هلبسك إيه ..جذب تلك المنامة وأشار إليها 
عندي مشوار ساعة بالكتير ارجع الاقي مهلكتي عاملة حفلة لحبيبها 
طيب ياله شوف شغلك ياحضرة الظابط ..توقف يشير إلى ثغرها
طيب مفيش حاجة لحبيبك تصبره لحد ما يرجع
دفعته للخارج وهي تضحك ياله روح