فاطمه ابراهيم كامله

ولبس شميز أبيض ع بنطلون كلاسيك وساعة كلاسيك ونظارة شمس رافعها ع رأسه 
القهوة ي حمزة 
تسلم ايدك ي سحورة 
مزاجك رايق أوي النهاردة 
خد رشفة من القهوة يعني حاجة زي كدا 
تصدق بقيت أحس فعلا إن البت وعد دي وجودها كان شؤم علي البيت 
شرق وهو بيشرب أول ما جابت اسم وعد ليه بتقولي كدا 

مش عارفه مكنتش مرتاحة كدا من ساعة ما جت أول ما دخلت البيت في ناس تدخل بإبتسامة تنور البيت ودي داخلة مكشرة وساكتة 
اه صحيح فكرتيني هي لما جت مين كان معاها 
سواق عربية جدك هو إلا جابها وأول ما دخلت كأنها كانت بټعيط عيونها حمرة كدا ووشها في الأرض جدك كلمني وقال أطلعها أوضتك وفعلا دا الا حصل 
يعنى هي مكنتش تعرف أني نايم فوق !
تقريبا لأ بس أصلها حتي ما فتحتش النور دي حطت الشنطة وضوء القمر كان منور الأوضة بنور خاڤت قعدت ع السرير ع طول وعملت نفسها نايمة أول ما لقتني لسه واقفة معاها في الأوضة شكلها كانت بتطردني البت دي 
ضحك حمزة وهو بيشرب أخر شويه في الفنجان
سلام ي سحورة
في الشقة عند وعد 
قامت وهي ماسكة رأسها بۏجع ي ربي دماغي ھتنفجر أيه ريحة البرفان هتخنق كح كح ! 
أفتكرت إلا حمزة عمله معاها إبتسمت بسرحان وبعدها دموعها نزلت بقوة وهي بتبص لنفسها في المراية بدأ صوت عياطها يعلي ودموعها تنزل پقهرة بصت حوليها لقت شنطة هدومها فتحتها بسرعة ومن جيب سري فيها طلعت تلفون ورنت ع رقم 
ألوو 
بعياط أنت فين ليه سبتني لوحدي مكنش دا وعدك ليا 
فيه أيه بس ي وعد حمزة عمل فيكي حاجة !
أرجوك تعالي هو قالي أنه هيطلقني أول ما أنت تظهر 
فهميني طيب فيه أيه 
أنا لازم أختفي وجودي غلط أنا شقلبتله حياته كلها 
ممكن تهدي وتقوليلي حصل أيه دا حفيدي وأنا عارفه كويس عمره ما هيفكر يأذيكي هو عصبي أه ومتهور بس صدقيني لو عرفك كويس هيحب..
قاطعته پقهرة لأ متقولهاش بالله عليك كفاية إلا حصلي قبل كدا أنت قررت تساعدني وأنا وافقت ع كل تخطيطك علشان كنت متأكدة أنه هيبقي كاره وجودي وعاوز يتخلص مني بسرعة بس لو حصل إلا أنت بتقوله دا أنا ھموت نفسي قبل ما يعرف حقيقتي 
بعد الشړ عليكي أهدي طيب وكل حاجة ليها حل 
قسيمة الجواز وصلت حمزة وجه واجهني بأسئلة معرفتش أجاوب عليها 
أزاي يعني أنا مفهمك كويس هتقوليله ايه 
لما ببقي قدامه مبعرفش أكدب كلامي بيبقي ملخبط لما ببصله وبحس أني باخد نفسي بصعوبة وعاوزة أهرب منه بأي طريقة مقتنعش بأي حاجة قولتها 
يبنتي أديله فرصة وعمرك ما هتندمي هو دا إلا هيعوضك عن كل إلا مريتي بيه 
وعد !!! 
ألتفت پصدمة أول ما سمعت صوت حمزة وقع الفون من إيدها ع الأرض و ..
بدموع مش هقدر
وعد !!! 
ألتفتت پصدمة أول ما سمعت صوت حمزة وقع الفون من إيدها ع الأرض أتكسر 
وعد أنتي فين لسه نايمة ولا ايه 
زقت التلفون برجليها تحت السرير وفضلت واقفة مكانها مش قادرة تتحرك 
ايه دا أنتي صحيتي بنادي عليكى مبترديش ليه 
بعياط أول ما شافته أنا عاوزة أرجع إسكندرية 
پصدمة من حالتها فيه أيه بس مالك !!
أنت ملكش ذنب في كل دا أنا غلطت لما وافقته في قراره أنا مستهلش أكون مراتك أنهارت في العياط 
طيب فهميني حد زعلك أنا أشتكتلك ولا قولتلك أمشي وبعدين ما أنا من ساعة ما شوفتك لسانك طويل ليه دلوقتي بقيتي حساسة كدا
بعدت عنه وهي بتضحك من كلامه 
أيوا كدا روقي وغسلي وشك دا وتعالي أنا لسه مفطرتش هنفطر سوا 
وهي بترشف من العياط أيه دا أنت هتفطر معايا بتاع أيه إن شاء الله ! 
رفع وشها بإيده بستغراب يبنت الغدارة! الشهادة لله أنتي غلبتي الحرباية في تغيير لونها مالك ببنت المچنونة ما أنتي كنتي حلوة من شويه وطيبة !!
أطلع براا 
هي دموعك بتنزل تغزي لسانك فبيطول ولا ايه!! 
أيه دا الشتيمة دي ليا أنا ! 
وكمان غبي أنت شايف حد غيرك هنا ي معقد ي مختل 
تصدقي خسارة فيكي الأكل ي واطية ماله الفطار مع سحر أحسن من الفطار مع بومة زيك 
پغضب أنا بومة ! 
ايوا بومة دا الجبس نفسه مش طايقك أنا ماشي
خرج وقفل الباب بدفعة قعدت ع السرير وهي حاطة