حكايه مشوقه علي كامله
هنعمل إيه
على تمام
دخلت بسمة وأمها لبيتهم
بسمة أنا هرتاح شوية ياماما أنا تعبت
جميلة تمام ياحبيبتي
بسمه دخلت أوضتها ونامت على سريرها الصغير ونامت بعمق
الفصل 3
رواية_بسمتيبقلم_حليمة_عدادي
في نص الليل حس كريم إنه عطشان دور على الميه جنبه مالاقاش خرج من الأوضة علشان يجيب ميه
وهو ماشي جنب أوضة علي سمع صوت أنين خارج من الأوضة خبط على الباب ملاقاش رد كريم دخل الأوضه
مالاقاش منه رد غير أنين خارج قرب منه شافه عرقان كريم حط إيده على رأس علي حرارته كانت مرتفعة
كريم إيه دا حرارته مرتفعة أوي أعمل إيه دلوقتي مافيش مستشفى قريبه
كريم مكنش عارف يعمل إيه خطرت على باله فكرة
في بيت جميلة
فاقت جميلة على صوت خبط على الباب قامت بسرعة لقت بسمة واقفه قدام باب أوضتها
جميلة ماتخافيش يابنتي
جميلة وقفت ورى الباب مين
كريم أنا آسف إني بخبط عليكم في الوقت المتأخر دا أخويا تعبان أوي أرجوكي ساعديني
جميلة ماتخافش يابني روح وأنا جايه وراك يلا يابسمة خلينا نروحلهم
بسمة ياماما إنتي صدقتي كلامه إحنا لسه مانعرفهمش
غيروا هدومهم بسرعة ولحقوا بكريم
لما وصلوا كان الباب مفتوج جميلة خبطت سمعت صوت كريم من جوا
كريم تعالي ياطنط إحنا جوا
دخلت جميلة وبسمة وراها
شافوه قاعد جنبه
كريم حرارته مرتفعه ومش عارفه أعمل إيه
بسمة ډخله الحمام بسرعة حطه تحت الميه وبعدها خرجوا
كريم هنعمل إيه دلوقتي
جميلة إنت روح للصيدلية هات له دواء خافض للحرارة
كريم الصيدليه بعيده خليكوا
معاه لحد ماأرجع
جميلة إطمن يابني إنت روح بسرعه
كريم خرج يجري كان خاېف يحصل حاجة لعلي
بسمة حاضر هشوف لو لقيت حاجه بالمطبخ
بسمة دخلت المطبخ دورت لقت اليمون عملتله عصير
جميلة إشرب يابني العصير هيفيدك
علي بصوت تعبان مش عايز
بعد وقت جه كريم ومعاه الدواء
كريم أنا جبتله الدواء هينزله الحرارة
بسمة ساعده يقعد علشان يأخذ الدواء
كريم مش عارف اشكركم إزاي لولاكم مكنتش هعرف أتصرف إزاي
جميلة ماتقولش كدا إحنا ماعملناش حاجة أي حد مكاننا كان هيعمل كدا
بسمة حطت الكمدات على رأسه وسرحت وهي بصاله من أول مرة شافته وصورته ماراحتش من بالها
كريم وجه كلامه لبسمه متشكر أوي تعبتكم معايا
بسمة ماردتش عليه كان كل تفكيرها مع علي وكزتها أمها
جميلة بسمة خلينا نمشي مافيش داعي للشكر يابني دا واجب بسمة يلابينا شدتها من ذراعها
بسمة في إيه ياماما
جميلة هنمشي دلوقتي والصبح إن شاءالله هنيجي علشان نطمن عليه
كريم مرة ثانية شكرا
جميلة الشكر لله يابني
جميلة خرجت وبسمة وراها سرحانه علي مش راضي يروح من بالها لحد مادخلوا البيت
جميلة في إيه يابت مالك من لما دخلنا وإنتي سرحانه
بسمة مافيش ياماما أنا بس نعسانه هدخل أنام بسمه دخلت أوضتها
جميلة ماهتمتش ودخلت أوضتها
بسمة فردت جسمها على السرير لكن ماجلهاش نوم كل ماتغمض عينيها تشوف صورته قدامها
بسمة فاقت على أذان الفجر كلمت صاحبتها هما متفقين اللي تصحى الأول تكلم الثانية علشان يصلوا سوى
جوري بنعاس مين الغبي اللي بيتصل دلوقتي
بسمة اصحي ياكسولة علشان تصلي
جوري بسمة أنا آسفة نسيت
بسمة المهم جوري أنا عايزاك بكرة بالليل تيجي لعندي
جوري تمام هحاول إني أجي إنتي عارفه بابا من يوم موضوع عمتي وهو متعصب
بسمة ماشي حاولي
بسمة قفلت مع جوري ودخلت الحمام اتوضت وأدت فرضها وقرأت وردها اليومي وخرجت علشان تجهز الفطار لقت أمها واقفه في المطبخ
بسمة أنا كنت جايه أجهز الفطار
جميلة مش مشكلة تعالي افطري علشان تنزلي شغلك وأنا هاخذ الفطار للشاب وأخوه واطمن على على حالة الراجل التعبان
بسمة مش عارفه ليه فرحت
بسمة بجد ياماما هتاخذيلهم الفطار أنا جايه معاكي
جميلة وشغلك يابنتي كدا هتتأخري
بسمة مش هتأخر لسه بدري
كريم فاق بص على علي لاقاه فايق
كريم بقلق علي إنت كويس حاسس بإيه دلوقتي
حط إيده على رأسه يتأكد من حرارته كانت حرارته نزلت
علي ماتقلقش أنا بقيت كويس
سمعوا خبط على الباب
علي بإستغراب مين اللي هجيلنا بدري كدا
كريم يمكن دي طنط جميلة قالت إنها هتيجي علشان تطمن عليك
قام كريم علشان يفتح الباب كانت جميلة
كريم بإبتسامة أهلا وسهلا إتفضلوا
جميلة أخوك عامل إيه دلوقتي جبتلكم فطار أتمنى تقبلوه مني
كريم بتقولي إيه ياطنط أنا مش هنسى اللي عملتوه معانا إمبارح إتفضلوا
جميلة بإبتسامة حمدالله على سلامتك يابني عامل إيه دلوقتي
علي الله يسلمك أنا بقيت كويس الحمدلله
جميلة خذ الفطار كله إنت وأخوك ولو احتجتوا حاجة انده عليا
أما بسمة مش عارفه جرالها إيه كلما تشوف علي ماتقدرش تبعد عينيها عنه
كريم طب اقعدوا إفطروا معانا ياطنط جميلة
جميلة لا يابني إحنا مستعجلين بالف هنا
كريم تسلمي تعبناكي معانا
علي أنا متشكر وآسف تعبناكم معانا
بسمة ردت بسرعة مافيش تعب ولاحاجة
بسمة اتكسفت بسبب تسرعها في الرد
جميلة عن أذنكم لازم نمشي يلابينا يابسمة هتتأخري
