محمد طه

خدي المفاتيح اللي مع الباشا.. وشوفي معاكي 100 جنيه إديها للباشا.. عشان يديها لسواق التاكسي اللي هيعاودو فيه _ضحي...والله يا ريسه مش معايه..بس أنا عندي فكره _سهام بابتسامه...أنا بحب أفكارك أوي يا ضحي.. سمعينا فكرتك _ضحي...سواق التاكسي اللي هيركبو معاه.. يخلوه يتفرج شويه ع المدام قصاد الأجره _سهام بابتسامه...هما سواء دفعوا أو ما دفعوش.. كده كده هيتفرج.._وتعلي صوتها_ إرميهم برااااااا _نعمان أول ما يخرج من الفيلا..يقلع الجاكت والبنطلون.. ويديهم لمراته تلبسهم _نعمان بغل...ما أبقاش نعمان إن ما ډفنتك صاحيه _في الفيلا_ _سهام...بقولك إيه يا ضحي..تقلبي الفيلا دي.. على أي فلوس أو دهب ومجوهرات.. وتنقلي كل اللي تلاقيه من هنا.. عشان أكيد هيرجعو تاني _وتطلع التلفون وتتصل بسامر_ _سهام برومانسيه...ها يا حبي..أبعتلي أرقام إصحابك _سامر...هتبدي بمين _سهام...هنبتدي بالرقاص بتاع الكباريه.. وابعتلي عادل على هناك يراقب الكباريه.. من بعيد لبعيد ويكون مستعد لأي تدخل _سامر...خلي بالك من نفسك _سهام...ولما أنا أخلي بالي من نفسي.. أنته هتخلي بالك من إيه _سامر...هبعتلك الأرقام..وأنا آسف إني.. قولتلك خلي بالك من نفسك _بقلم...محمد طه عبد المجيد _سهام بابتسامه...أحبك وأنته متعصب.. الضحيه الأولي هتكون عندك الليلة.. وفر عصبيتك ليها _نعمان ومراته_ _نعمان ومراته خرجوا من الفيلا..وواقفين جنب سور الفيلا _نعمان...هاتي تلفونك أتصل بسليم يتصرف _هدي...تلفون إيه يا نعمان..أنا خارجه من الفيلا ملط.. كل حاجه جوه..البت دي لازم تكسرلها عينها.. قدامي يا نعمان..وترميها تحت رجليا تترجاني أسامحها _نعمان...كل اللي هقدر أعمله فيها هعمله.. بس المصېبه دلوقتي إن كل ثروتي بقت ملك ليها.. ما بقاش فاضلنا غير اللي عند أختي وأختك _هدي...بعد ما كنا إحنا اللي بنديلهم.. دلوقتي إحنا اللي هناخد منهم _نعمان...ناخد منهم إيه يا هدي.. وهما كانو يمتلكو إيه..دي فلوسنا وحقنا.. دول كانو شحاتين..كانو شحاتين يا هدي _هدي...يعني إحنا اللي كنا أولاد ذوات.. ما إحنا كنا شحاتين _نعمان...بس إحنا اللي فكرنا.. إحنا اللي إيدينا إتعاصت پالدم _هدي...يا ريتنا ما فكرنا..الناس دي.. مش هتسيبلنا حتي الهدوم اللي تسترنا.. ودي مجرد بدايه.. رمو مراتك عريانه ف الشارع وقدام عنيك _نعمان بكره وغل...أعرف بس مين اللي ورا البت دي _هدي...ما يمكن هيا البت دي الزعيمه بتاعتهم.. أنته ما سمعتش البت اللي معاها جوه بتقولها يا ريسه _نعمان...يا هدي شغلي دماغك معايا شويه.. اللي حصل كان من 27 سنه.. يعني البت دي مكنتش لسه إتولدت.. وبعدين هيا قالتلي بلسانها.. إنها هتخليني أقابل اللي معاها ف الحلقه الاخيره.. بس أنا مش هصبر للحلقه الاخيره.. وهكتبلهم النهايه ف نص المسلسل _هدي...نصه ولا آخره..هنتصرف إزاي دلوقتي.. وأنته هتفضل واقف بمنظرك دا كده _نعمان بعصبيه...يعني مش أحسن ما إنتي.. اللي تبقي واقفه عريانه _وياخد نعمان مراته ويروحوا ورا الفيلا.. عند الباب الخلفي للفيلا.. ونعمان ينط من فوق الباب ويدخل الفيلا........ المشهد 24 ليلة_بكى_فيها_الحاضرون _وياخد نعمان مراته ويروحوا ورا الفيلا.. عند الباب الخلفي للفيلا ونعمان ينط من فوق الباب.. ويدخل الفيلا ومن غير ما سهام وضحي يحسوا.. بيه يقدر يوصل للفلوس والدهب.. وأخد منهم على قد ما قدر.. وخرج من غير ما حد يشوفه _في الفيلا_ _ضحي...طيب ليه يا ريسه..ما إحنا شايفينه.. ليه سبناه يدخل ويخرج وياخد اللي هوا عايزه.. كنا مسكناه وقلعناه ملط هوا كمان _سهام بهدوء...إتعلمي يا ضحي.. إحنا نكسب جوله..وهوا يكسب جوله.. بس الجوله اللي هوا يكسبها.. تبقي تحت عنينا وبرضانا.. وبعدين هوا دلوقتي زي المدبوح اللي بيفرفر.. وإحنا لو دوسنا عليه..روحه هتطلع.. وإحنا مش عايزين روحه تطلع دلوقتي.. المهم دلوقتي إحنا عايزين نجهز ونستعد.. لحفله الليله..عشان خلاص.. وقت الهزار خلص..والجد هيبدأ _عند سامر_ مخبأ سري_ _سامر...عادل تروح تراقب الكباريه من بعيد لبعيد.. وتخليك على إشاره من سهام أو ضحي _عادل...أوامرك يا رياسه..أخيرا الحفله هتبدأ _سامر...هتبدأ..وكل واحد هياخد حقه.. والشحاتين هيرجعو لأصلهم من تاني.. والليله هتكون أول ليله ف لليالي الحساب.. الليله ليلتك يا وليد باشا _عادل...أنا مش عارف يا رياسه.. أنته كنت عايش ف وسط الناس دي إزاي _سامر...كنت أعمي..ما كنتش شايف غير الجانب الحلو.. اللي هما عايزيني أشوفه وبس.  كنت طيب ذياده عن اللزوم.. كنت فاكر إنهم بيحبوني.. كنت مصدق إنهم أهلي _في الفيلا_ سهام وضحي_ _ضحي...مش كنتي تنامي شويه..وتريحي نفسك.. عشان الليله هتبقي صباحي _سهام...مفيش وقت للنوم يا ضحي.. إنتي مش شايفه اللي بيحضرلنا ف جيش.. إحنا لازم نكون سابقين _ضحي...يا ريسه دا لو حضر جيوش مش جيش واحد.. ولا هيعرف يعمل حاجه _سهام...أوعي تستهيني بعدوك.. ولازم تعمليلو ألف حساب.. واللي زي نعمان دا غبي وغشيم والنوعيه دي.. لازم تعمليلها ألف حساب وأنتي بتتعاملي معاها _ضحي...وربنا يا ريسه إنتي مدرسه _سهام وهيا بتديلها التلفون...طب خدي إتصلي.. بعريس الليله عشان يجهزلنا نفسه _بقلم...محمد طه عبد المجيد _ضحي تاخد التلفون وتتصل ب وليد_ _ضحي...وليد معاكي يا ريسه _سهام بدلع...ليده..فاضي الليله _وليد لسه