ايمان حجازي

علي الاطلاق ..
مش عايززززززه اكلم حد .. قول للباشا انه ميفرقش معايا وانه ولا حاجه في حياتي اساسا عشان اكلمه ..وخليه يتهني بالفلوس اللي اخدها ميشغلش باله بعيال .. انا مش محتاجه حد في حياتي ولو احتجت حد هيكون هو اخر واحد ممكن الجأ له مفهوم يا استاذ عبدالله .. كفااايه بقه كفاااايه عايزين مني ايه تاني ..!!
ثم دخلت غرفتها واغلقت الباب پعنف اصدر صوتا مزعجا وارتمت علي سريرها تبكي پعنف ...
استمع عبدالله عبر هاتف اللواء جلال علي كل حرف نطقت به مرام وهو في حاله صډمه .. لا يدري ماذا فعل لكل ذلك أكل هذا من اجل ان رفض الاعتراف بحبها ! .. ماذا حدث لصغيرته!! وما هذه اللكنه التي لم يراها مسبقا !!فهو يعلمها جيدا لذلك ادرك ان شيئا ما قد حدث معها ..

عبدالله انا مش فاهم هي مالها ولا حصل ايه لكل ده ..
قالها جلال وهو ينتبه انه مازال علي الهاتف ردد عبدالله وهو ما زال مصډوما ومفطور الفؤاد علي صغيرته 
انا راجع بكره بالكتير .. مش هقدر اسيبها اكتر من كده .. سيبوها انا هسيب كل حاجه وارجع لها ..
طب وفرحك يا عبدالله !
فرحي اي يا جلال بيه ! دا كتب كتاب بس مفيش اي حاجه هتحصل دلوقت .. خلاص انا خدت قراري انا جاي بكره ..
أغلق جلال الهاتف ونظر خلفه وهو يزفر في حنق ليجد كل من سمر وادهم وسيف وزوجته السيده فريده متجمهرين بعد ان سمعوا صړاخ مرام الذي وصل صداه في كل اركان المنزل ..لتبادر سمر وهي ك من سكب فوقها دلو من الثلج بابا .. هو عبدالله هيتجوز !
اردف جلال في ضيق ايوه كتب كتابه النهارده علي بنت عمه .. وهيرجع بكره عشان مرام ..
اسرح سيف بالحديث وهو فرحا بزواج عبدالله حيث اعتقد ان العقبه الكبري بينه وبين مرام

________________________________________
قد تمت ازاحتهاوياخدها ليه يا بابا ! .. هو مش خلاص هيتجوز ..!!
والده اي يا سيف ! .. مش هو المسؤول عنها بالقانون ولا ايه ! 
ردد سيف وهو يهز رأسه غاضبا يا بابا خلاص المفروض ملوش دعوه بيها واديك شفت هي عملت ايه ! .. هي كمان مش عايزه ترجع معاه يبقي ملوش لازمه .. وان كان علي القانون ف القانون بتاعنا واللي عايزاه مرام هنعمله ..
قال جلال وهو غير مقتنع بما يردده سيفعايزني اعمل ايه يعني ازور القانون عشان خاطر سيادتك ..!!. ثم ان انت مالك اساسا بالموضوع ده متتخدلش في اللي ملكش فيه تاني ..
وتركهم صاعدا للأعلي وذهب خلفه سيف ايضا الي غرفته وهو يحدث نفسه 
لا .. مستحيل اسيبها بعد كده مش هترجع معاه وبكره يشوف اما ييجي انا هعمل ايه 
وترك سمر وهي بوجه خالي من التعابير امام ادهم الذي لم تشعر بوجوده علي الاطلاق من هول ما سمعت فدار بذهنها 
يعني معقوله كل ده مع مرام ومكنش حب وهو بيحب بنت عمه وهيتجوزها .. يعني اي .. كل اللي بعمله راح علي الفاضي وهتيجي واحده تاخده مننا احنا الاتنين .. 
ثم قالت بصوت سمعه ادهم وهو يراقب ردود افعالها منذ ان علمت بأمر زواج عبدالله ازااي !! 
قال ادهم وهو ينظر لها ولكن بنظره حيره تلك المره حضرتك بتقولي حاجه يا انسه سمر !!
انتبهت له سمر وبوجه عابس قالت لا حضرتك مفيش حاجه .. 
ثم همت بالذهاب الي ان استوقفها ادهم مره ثانيه قائلا في اهتمام انتي كنتي بتكلمي مين من شويه علي الموبايل هنا ..
اردفت سمر بتوتر دي .. دي .. اميره صاحبتي.. عن اذنك ..
وقف ادهم مذهولا مما سمع وما قامت به سمر للوقوع بينهم فهو منذ الوهله الاولي ويدرك الحب المتبادل بين مرام وعبدالله وكان كل ما يشغل تفكيره تلك الفتره الاخيره هو ان سمر خجوله ولا تستطيع الحديث او الوقوع بالحب بتلك السهوله بل لم تنتبه له من الاساس .. ولكنه ادرك اليوم ما يحتل تركيزها فبات واضحا امامه انها تحاول التفرقه بينهم...
هي قد وقعت بحب عبدالله بالفعل وهي من خططت للوقوع بينهم بمكالمتها المزيفه والتي وصلت مرام الي تلك الحاله.. فعزم علي مراقبتها وكشف مخططتها وعلي ايضا طردها من قلبه قبل أن تحتله.....
تم عقد قران عبدالله علي ابنه عمه رحاب داخل قصر عائله الحسيني الحديث واقيم حفلا متواضعا بسيطا بناءا علي رغبه عبدالله وايضا ظروف مرض والدها حيث كان عبدالله لا يريد شئ سوي رؤيه ابيه سعيدا وعلي الرغم من ان هذا الزواج لن يصبح زواجا كاملا فقط اسما.. ولكن قرر عبدالله تفادي اي مشاكل لأجل خاطر عمه الذي كرس حياته في تربيته هو واخوته .. و قرر أيضا مصارحتها بالحقيقه منذ البدايه بأنه متزوج بأخري ولا يحب سواها.. وفي الزفاف كان