حكايه يارا

الفيزياء اللي بتتهزقي فيه كل مره بذمتك فيه حد يطلع الزمن بالسالب ده لو نيوتن سمعك كان طلع علي الشجرة اللي وقعت منها التفاحه واڼتحر
نور بنرفزه .. لو سمحت متغلطش الموضوع بس إن أنا والفيزياء مش بنستلطف بعض وبعدين كملت كلامها وقالت ..
وبعدين الدور والباقي علي اللي كان فاكر إن البنزين بتاع الكيميا هو نفسه بتاع العربيات 
لحظة إدراك إني عندي نفس الاعتقاد ده
بلال وبيحاول يغير الموضوع..أعتقد المفروض نفكر في طريقه للهروب من هنا بدل مانتخانق مين فينا أذكي
نور اتنهدت بهدوء ..عندك حق بس لازم نعرف ايه السبب انهم ومفيش أي حاجه مميزه فينا

بلال بتفكير . يمكن تجارة 
نور بتريقه ..وهي لو تجارة ياذكي واحد زيك الهيكل العظمي بتاعه باين ليه ده لو قصدين يخسروا مش هيعملوا كده طيب انت عارف يابلال انت بتفكرني بمين
بلال باستغراب ..بمين
نور بضحك ..بالعيال اللي بيحطوها علي علب عشان يحذروا الناس من أضرار الټدخين اللي هو لو دخنتوا هتبقوا شبه الواد ده
بلال بنرفزه ..ما كفاية تنمر بقى أنا ممكن أرد عفكرة بس محترم إنك بنت وحساسه
نور بجدية .. خلاص متزعلش المهم أنا تقريبا استنتجت هما أنا ليه
بلال بتساؤل ..ليه
نور بخجل ..عشان احم عشان يعني يستخدموني في الحاجات بتاعت أعوذ بالله أنا عارفه والله 
بلال بصلها بقرف وقال.. انتي فعلا بس للشفقه 
مثيره للشفقه
نور ..مش مهم المهم إني مثيره
عدي الوقت وجيه الليل 
نور بزهق ..اووف ايه الملل ده
بلال بزهق هو كمان ..أنا فعلا حاسس بملل اووي بقولك ايه ماتيجي نتكلم في أي حاجه عشان الوقت يعدي
نور .. مش عارفه طيب اتكلم انت
بلال بتفكير ..امممم صحيح نفسك تدخلي كلية ايه
نور بحب .. صيدله وانت 
بلال بتفكير ..هتصدقيني لو قولتلك مش عارف
نور باستغراب ..بجد مش عارف نفسك تكون ايه
بلال اتنهد ..مش عارف أوقات بحس إني اتولدت ساده كده معنديش أي مواهب أو مجال معين بحبه بذاكر وبعمل اللي عليا وزيادة في تالته ثانوي بس مش عارف في الأخر هوصل فين
نور ..طيب انت لسه قدامك السنه طويله ممكن تحدد شغفك مثلا مادة معينه بتحبها أو مجال أول لما بتسمع عنه عيونك بتلمع بدون سبب
بلال ..اممم تفتكري اننا هنخرج من هنا وهنحقق كل أحلامنا دي
نور پخوف بتحاول تداريه ..مش عارفه أنا يمكن بهزر وبمثل إنه مش فارق معايا حاجه بس الحقيقة إن أبسط شعور ممكن أكون حاسه بيه دلوقتي هو الړعب
بلال ..هتصدقيني لو قولتلك وأنا كمان وبعدين حاول يغير الموضوع واتكلم بجوع .. أنا ھموت من الجوع مش قادر استحمل اكتر من كده
نور بتعب ..وأنا كمان والله جعانه اووي لدرجة إني بدأت أتخيلك ورك فرخه متحمر وبينادي عليا عشان أفترسه
بلال پخوف علي نفسه ..لا فوقي كده الله يخليكي 
نور بتعب ..
مش قادره وبعدين أنا مش فاهمه عصابة ايه دي اللي مبتسألش علي اللي ايه قلة الزوق دي خلاص راحت هيبتها
بلال ..تفتكري ممكن يجيبولنا أكل ايه وبعدين اتكلم بتفكير والإبتسامة علي وشه ..الله لو يجيبوا لينا مكرونه بالبشاميل جوسي كده وسايحه في بعضها
نور والإبتسامة علي وشها .. المكرونه بالبشاميل دي للعيال التوتو اللي زيك أنا عايزه ممبار
بلال بصلها بقرف وقال ..ممبار فيه بنت في دنيا تكون بتحب الممبار
قطع كلامهم باب المستودع اللي فتح ودخل منه 
صلاح ومنعم
صلاح اتكلم ..عاملين ايه ياشباب أتمني المكان والخدمة ينالوا اعجابكم
نور بتريقه .. ايه سمعني تاني كده قولت ايه قال خدمه قال ده انتو مهانش عليكم تعزموا علينا بكوباية مايه حتي
منعم پغضب ..ماتخرسي يابت انتي مش عايز اسمع صوتك
نور بضيق .. جرى يا أونكل منعم انت مشخصنها معايا كده ليه كل ده عشان قولتلك إن راسك شبه القلقاسه 
ماهي دي الحقيقه أعملك ايه
منعم اتعصب ولسه لكن صلاح منعه وقال .. خلاص بقى يا منعم انت هتعمل عقلك بعقلها
وبعدين انت ناسي احنا جايين ليه
منعم بتذكر .. اه صحيح الصورة وبعدين وجه كلامه لنور وبلال ..انتي وهو اقعدوا جنب بعض عشان أخدلكم صورة وابعتها للباشا
بلال بتساؤل .. باشا مين
منعم بعضب .. ملكش دعوه وبعدين يلا نفذوا اللي قولت عليه
منعم فعلا أخد صوره لبلال ونور مع بعض وبعتها للراجل اللي امره 
وبعد ثواني موبايل منعم رن وكان الراجل اللي بعتله الصوره
منعم رد ..ايوة يا باشا الصورة ها وصلت
الراجل پغضب وصوت عالي .. مين اللي في الصوره دول يا منعم مش دول الواد والبت اللي المفروض 
منعم پصدمه ..ايييه أمال مين دول