احببت مجنونه

بس هزار تقيل شويه عامله ايه دلوقتي يا مي 
مي هزرو معاه ب سهام والسيوف في غزوات الكفار انا مش حاسه برجليه ااااااع اهو جه خبيني ونبي 
هشام خلاص بقا ياخي وانزل مش شايف حالتها عامله ازاي 
ياسمين انت لقيتها لسه عايشه جيت تموتها يعني ما تبطل استعباط 
مراد مالكم انا جاي اصالحها تعالى مټخافيش 
مي لا ونبي ياسمين انتي حلمتي انك انتي بټموتي وحلمك هيتفسر فيه ونبي متخلهوش ياخودني 
مراد اوبا نزلتلك اهو تعالي مټخافيش والله مش هعملك حآجه 
هشام ياخي البت خاېفه منك سيبها بقا 
مراد أبدا لازم اصالحها 
مي وربنا مسمحاك دنيا ودين وهطلعلك صدقات لما ټموت بس سيبني ونبي 
مراد صدقيني مش هعمل حآجه تعالي بس تعالي هاتى ايدك 
مي يعني مش هتخلي رماح يدهسني 
مراد ههههههههههههه لا مش هخليه يدهسك رفاااعي خد رماح 
مي هو رفاعي ده ملوش اهل يسالو عليه..
ياسمين تفتكر هيصالحها بجد ولا هيعملها حآجه تانى 
هشام لا متقلقيش.. ياسمين تعالى عاوزك 
ياسمين ايه 
هشام تعالى بس رماح ششش اهدي 
ياسمين ايه ده هتعمل ايه 
هشام هوباا هنركب الحصان تعالي مټخافيش 
ياسمين لا لا طبعا مستحيل بقولك بخاف منهم 
هشام انتي هيفوتك كتير لو مجربتيش 
ياسمين لا لا وانت انزل هيوقعك 
هشام لو تبطلي جدال هتبقي عسل هاتي ايدك 
ياسمين هيوقعني 
هشام يلا هاتي ايدك..
مدت ايدها وركبت قدامه علي الحصان وهي خاېفه 
هشام خليكي واثقه بيه واهدي مش هتوقعي
ياسمين ماشي
مراد ايه ده الحقي شوفي 
مي ايه ده ينيلك امال من الصبح خاېفه ليه ي يي شوف البنت بتضحك وفرحانه وانا اللي كنت ھموت علي يد الحم.... 
مراد ايوه كملي 
مي ولا حاجه 
مراد امم طيب انتي بتحبي ال Ice cream اقصد الجيلاتي صح 
مي ايوه اوووي تعرف انا ممكن اكول عشر طوابق منه 
مراد طوابق اللي هي اطباق مش ادوار شقه صح 
مي هيهي خفه 
مراد اممم طيب في محل جمب الاسطبل بيبيع الحاجات دي تعالي هجبلك عشر طوابق ههههه
بيت ياسمين
الأم ياربي اتأخرو ليه النااس تقول علينا ايه ده مهما كان لسه ملبسش دبل ولا اتكلمنا في تفاصيل الله يعيني عليكي يا ياسمين انتي اللي بتاخري بحجة انك تعرفيه كويس بس لأ انا لازم اتكلم معاه لاما يلبس دبل وخطوبه رسمي لاما خلاص مفيش جواز من اصله 
في الاسطبل
هشام تعالي مټخافيش بينزلها بأديه 
ياسمين احم م متشكره 
هشام مالك 
ياسمين هه مالي 
هشام مش عارف شكلك مسهم كده انتي كويسه 
ياسمين ايوه كويسه بس لازم امشي اتأخرنا اوي 
هشام تمام ماشي تعالي نشوف فين الباقين 
مراد عشر طوااابق اهم اتفضلي 
مي هيييي متشكره اوي تعرف انا بجيلاتي ده ممكن اسامح اللي اكل ورثي مش اللي خضني وبس 
مراد ههههههههههههههه خلاص تعالي كل يوم اخضك واجيبلك جيلاتي 
مي لا ياعم الله الغني اهم جم ياسمين احنا هنا 
هشام شوفي الجزم بياكلو من غيرنا 
ياسمين هههه
هشام يابنتي مالك 
ياسمين مفيش حآجه بجد يلا نمشي...
هشام هي مالها غريبه فعلا كل شويه بحال.....
مي شوفتي اسمه ايه ده جابلي ايه خدي واحد بس .. ياسمين! بت انتي سمعاني 
مراد شكلها داخت من الف بالحصان 
مي ههههه تصدق صح هو بيدوخ اصلا تعالي عاوزاكي استنا هنا انت
مراد ماشي باي هشااام! تعاله 
هشام كله تمام صالحت مي خلاص 
مراد ايوه خلاص بس ايه ياعم المنظر اللي انا شفته ده راكبه قدامك والحصان بيجري وماسكها واكنها عيله هتوقع وشعر يفرفر والله ما كان ناقص غير موسيقى تيتانيك في الخلفيه 
هشام ههههه بطل بواخه البنت صديقه مش اكتر بس مش عارف مالها اتغيرت مره واحده دي مش عادتها ديما تتكلم بس دلوقتي مسهمه كده واكنها خاېفه تتكلم معايا 
مرا مش عارف مااالها اه طيب يلا بينا بقا علشان اتاخرنا 
هشام لا استنا تقصد ايه 
مراد ولا حآجه ياعم يلا بينا 
فى اول الشارع
ياسمين كفايه هنا يا هشام احنا هنكمل مشي
هشام ليه يابنتي ما نكمل للأخر 
ياسمين لا معلش علشان الناس متتكلمش كتير يلا بينا يا مي 
هشام ياسمين انتي كويسه 
ياسمين ايوه يا هشام كويسه والله.
مي تلاقيها لسة مفاقتش من الجري بالحصان 
مراد خلاص ياعم هي هتبقا كويسه دلوقتي يلا مع السلامه يا بنات 
مي انت هتيجي تخطبني سوريآ زي ما اتفقنا ولا هتيخلا بيا 
هشام ههههههههههههه انت عملت ايه لما سبناكم ياعم 
مراد جيبتلها عشر طوابق جيلاتي ههههههههههه
خلاص متقلقيش بكره هجيب الحجه ونقابل ابوكي بس متصدقيش احنا هنتخطب قدام النااس شهرين وبس انتي اصلا مش ستايلي لكن هعملها لله 
مي ولا انت استايلي كمان بطولك واسطبلك الغبي ده...
_قولوا رأيكم فالتعليقات يحبايب قلبي
احببت_مجنونة 
البارت_5
في الشارع
مي_ مالك 
ياسمين _ انا مضايقه من نفسى اوي يامي 
مي _ ليه يعني ايه اللي حصل 
ياسمين _علشان اللي بعمله ده ذنبه ايه هو علشان يتحمل مغامراتي اللي ملهاش لازمه
مي_ شوف شوف مين بيتكلم يابت ده انتي كنتي ھتموتي وتعيشي المغامرات دي ثم انتي ايه اللي مضايقك اذا كان هو حابب يعمل كده 
ياسمين _ مش عارفه بقا كمان بيحصل تجاوزات انا معرفش عقلي راح فين وركبت قدامه علي الحصان فجاءه لقتني بمدله ايدي عااادي كده 
مي _ اممم تصدقي غررريبه فعلا ههههه 
ياسمين _ بتضحكى ليه تقصدي ايه يابت 
مي _ الله ايه بضحك مضحكش يعني 
ياسمين _ لا متضحكيش وغوري من وشي 
مي _ هو انا قاعده في شارع ابوكي امشي انتي لو عاوزه 
ياسمين _ ماشي يا ساهله يابتاعت مراد نسيت ابهدلك انتي ازاي تروحي معاه الاسطبل لوحدك وااازي تخليه يجبلك جيلاتي 
مي _ نسيتي تقولي ازاي يبهدلك اسكوتي متفكرنيش ياسمين انا اه عاوزه اتفسح واخرج بس ده ميضمنش انا مش عارفه ازاي همشي معاه الاتفاق هو

ليه مش كيوت زي هشام
ياسمين_ ههههه هشام كيوت
مي _ اه كيوت ومحترم معملش فيكى اللي عمله مراد من اول مره 
ياسمين _ عندك حق لا وكمان باله طويله. بالك لو حد غيره على اللى بقولهوله كل شويه كان ڤضحني مع ماما واحمد اخويا 
مي _ اممم قولتيلي 
ياسمين _ ميييي امشي من وشي انتي بقيتي رخمه ودمك مش خفيف ع فكره 
مي _ ههههه الله هو انا اتكلمت انتي ليه علي راسك بطحه 
ياسمين _ مي لا ونبي متعمليش كده بجد بتلخبطيني وخصوصا اني عارفه ومتاكده ان مفيش حآجه في قلبي من نحيته 
مي _ افتكر لو مفيش حآجه في قلبك من نحيته تلمحاتي مش هتلخبطك 
ياسمين _ اسكوتي اسكوتي بلاش فلسفه انااااا مش بحب هشام ولا هحبه 
مي _ زعقي اكتر في واحد هناك لسه مسمعش استني اندهولك تقوليلوه 
ياسمين _ ما انتي اللي بتستفزيني 

في العربيه
هشام _ترارارارا بهوااك واتمنا لو انساك وانسا روحي وياك 
مراد _ يا سيدي ياسيدي ايه الحكاية 
هشام _ حكاية ايه يا فكيك 
مراد _ بتغني وطربان ايه الدنيا 
هشام _ مفيييش اي حآجه بدندن فيها ايه دي 
مراد _ اه بتدندن طيب 
هشام _ ها ناوي علي ايه 
مراد _ ناوي علي ايه في ايه 
هشام _ مي يابني هتروح بكره ولا لا 
مراد _ يييييه دا انا نسيت خالص تصدق انا متردد ازاي هقول ل ماما وبعدين يطلع الموضوع لعبه ما انت عارف هي ھتموت وتجوزني 
هشام _ ههههه طيب والله ياريت انت مبتجوزش ليه صحيح 
مراد _اتجوز واحده ست انت اټجننت يا هشام 
هشام _امال هتجوز واحد راجل يعني 
مراد _ لا ياعم مش ناقصه زن وشغل لو مهتم كنت عرفت لوحدك انا خلقي ضيق 
هشام _ ههههه طيب ما دا حلو بردو انت بس اللي بتحب الحريه شويه 
مراد _ ياعم عدي سيبك مني انت ناوي علي ايه مع ياسمين 
هشام _ ولا حآجه هما شهرين وخلاص كل حآجه هتنتهي 
مراد _ نفسي اعرف ايه جابرك على الحكاية دي يعني تسيب شغلك ومصالحك علشان تحقق أحلام واحده متعرفهاش 
هشام _ طيب وفيها ايه ما انا كمان بتفسح معاها وبعيش معاها حلمها ده 
مراد _ بس كده
هشام _ بس كده ايه 
مراد _ يعني مفيش سبب تاني كده ولااا كده 
هشام _ عاوز تقول ايه 
مراد _ ولا حآجه 
هشام _ طيب ايه انا رايح بكره ل ياسمين اعدي عليك علشان تروح لاهل مي ولا ايه 
مراد _ مي مين 
هشام _ يخربيتك انت لحقت تنسا 
مراد _ايوه ايوه افتكرت اي القرف ده مش مصدق اني هروح اتقدم للبت دي حتى لو كدب دي شبر ونص وقفت جمبها موصلتش لنصي يا هشام 
هشام _ ههههه معلش تعاله علي نفسك شويه 
مراد _ ماشي ياعم
بيت ياسمين 
ياسمين _ استر أكيد مستنياني وهتنفخني انا هتسحب واروح انام واقولها راجعه من بدري 
الام _ ايوووه اتسحبي على اساس اني مش هشوفك تعالي هنا 
ياسمين_ ماما وحشتيني اووي اااه يا ماما ما تعرفي اللي حصل لبنتك 
الام _ حصل ايه انطقي الواد عملك حآجه 
ياسمين_ ياااريت ياريت يا ماما اعااا 
الام _ يامصيبتي ما تنطقي وقعتي قلبي
ياسمين _ عارفة الدريس اللبني اللي اشترناه انا وانتي ب 500 الشهر الفات الحلو ابو حزام ورد ده 
الام _ اه مالو ما تخلصي 
ياسمين _ عدينا جمب محل هدوم انا والبت مي بعد ما سيبنا هشام ف لقينا واحد شبه بالملي هناك دخلت اسأل علي السعر تعرفي قالي بكام 
الام _ نعم يختي دريس ايه. دريس ايه يابت خدي 
ياسمين _ الشبشب لا يا ماما ونبي ونبي 
احمد _ يارب علي الدوشه مالكم 
الام _ اسكت انت تعالي هنا يابت قوليلي ايه اخرك احسنلك 
ياسمين _ ماهو انا لما لقيته ب سعر اقل منه ب 150 جنيه تعبت وجاني هبوط وقولت هي ايه فلوس حرااام وشوحت كده 
الام _ واد امسكهالي وهاتها 
احمد _ حاضر جالك يوم وانا كنت مستنيه تعالى هنا 
ياسمين _ اعاااا ماماااا بلاش احمد ايده دبش ونبي 
احمد _ مش هسيبك ماما تحبي ارميها من البلكونة 
ياسمين _ احمد سيبني وانا هعملك كيك ونبي وقف بقا تعبت 
احمد _ وقفي عندك كيكة شيكولاته وانا اسيبك 
ياسمين _ وعليها فرواله وموز وتدافع عني 
احمد _ وتحطيلي عليها كريز وانا اهديها من نحيتك
ياسمين _ اتفقنا 
الام _ ياسمين تعالي عاوزه اتكلم معاكي 
ياسمين _ ماما انا عارفة اني اتاخرت انا اسفه بس والله الوقت سرقنا 
الام _ خلاص اللي حصل حصل بس انتي لازم تعرفي ان الوضع ده مينفعش هشام لازم يعمل خطوه مجرد الكلام والموافقه مينفعش الناس تاكل وشنا 
ياسمين _ يا ماما انا مش عاوزه ارتبط رسمي غير لما اعرفه كويس 
الام_ محدش قالك متعرفهوش انتو تتخطبو رسمي وبعد كدا معاكم لسنه تعرفو بعض ولا انتي يعجبك الحال المايل 
ياسمين _ يا ماما ماهو 
الام _ مش عاوزه اسمع كلمه هو اكيد هيجي بكره زي كل يوم وانا هقوله الكلام ده بنفسي 
ياسمين _ مش هيجي بكره بيقول مش هيقدر 
الام _ خلاص وقت ما يجي 
ياسمين _ ماشي استأذنك تليفونك اكلم مي 
الام _ اهو عندك يلا تصبحي علي خير 
ياسمين _ وانتي من اهله 
ياسمين _ آية الورطة دي كدا مش هينفع انا لازم اكلمه واقوله