أختي والمريا بقلم رين

قبل ما أمشي لقيت نفسي بقولها وأنا بمسح دموعي بكل تلقائية 
م ستحيل مستحيل 
أول ما روحت البيت لقيت أختي قاعده بتلعب فضلت أبص عليها وأنا مش فاهمه الغلط فيا ولا فيها دخلت أوضتي وقعدت أفكر يمكن أنا كتبت شئ غلط عملت حاجه غلط مع الأسف مكنتش لاقيه أي حاجه نهائي فضلت قاعده على الأرض بعيط وأنا غضبانه من نفسي وعلى اللي عملته في أختي الصغيرة ولقيت نفسي بقول بكل هدوء 
المشكلة فيا أنا أنا 
شوية وبردو لقيت نفسي بقوم من على الأرض ووقفت قدام باب الشقة مستنيه حد هيرن الجرس وفجأة لقيت صاحبتي ساندي جايه وجابت الورق اللي كانت أخدته مني وقالت  
إنت عرفتي إزاي إني جيت!
رديت عليها وقولت بعد ما بلعت ريقي من الخۏف لأني مش مصدقه أي حاجه بتحصل حرفيا وقولت 
سمعت صوتك على السلم فحسيت إنك إنت اللي جايه وطلع تخميني صح !!
ضحكت وبعدين قالت 
شكرا يا رين على الورق بجد إستفدت منه كتير!!
أخدت الورق منها وفجأة لقيتها بتقولي بصوت هادي أوي 
أنا لاحظت حاجه غريبه أوي في الورق بتاعك!!

رديت عليها وقولت 
لاحظتي إيه يا ساندي !
ردت وقالت 
إنك متهيألي لما بتسرحي في المذاكره بترسمي عين يعني الورق كله مرسوم فيه عين كتير أوي وده غلط يعني سمعت خرافه زي كده وبصراحه مش فاكراها المهم هي حاجه مش كويسه بلاش تعمليها!!

فضلت أفكر شويه في كلامها حتى إني مردتش عليها ولقتيها بتودعني ومشيت قفلت الباب وبدأ كلام ساندي ومارينا يتكرر في عقلي بعدها بدأت أفتش في كل ورقي ولقيت نفسي برسم العين دي كتير أوي وممكن تكون هي دي العين هي
السبب إني أشوف كل اللي بشوفوه ده مكنتش أعرف إيه الحل ولقيت نفسي باخد الورق كله بشكل هستيري من على المكتب أي ورق كنت راسمه فيه العين دي وحړق ته كله بقيت اليوم مطلعتش من الأوضة وكنت قاعده على الأرض وسانده ضهري على السرير ونمت في مكاني من العياط والتعب بعد يومين فعلا حسيت بتغيير في حاجات كتير بدأت تحصل منغير ما آخد بالي حسيت إن المشكله إتحلت وإن الغلط كان فيا أنا حتى إن أهل بابا جم زارونا وأنا مكنتش أعرف أي حاجه ولا حسيت بأي حاجه ورحت صالحت أختي الصغيرة اللي ظلمتها وكنت أنا السبب واإعتذرتلها وقولتلها لما كانت قاعده بتلعب يعد ما طلبت مني إني ألعب معاها 
أنا آسفه زعلتك الفتره اللي فاتت ممكن يكون بسبب ضغط الإمتحانات حقك عليا !!
ردت وقالت 
هسامحك بس لو ساعدتيني وأنا ببني البرج بتاعي بالكوتشينه!!
ضحكت وبدأت أساعدها ولقيتها بتسألني 
تفكري لو حطيت آخر كوتشينتين هيقع البرج كله ولا لا!!
كنت خاېفه من إجابتي وقتها ورديت عليها وقولت 
هيقع!!
بعدها حطت آخر كوتشينتين بحذر وقالت 
غلط موقعش!!!
ضحكت وقولت لما إتأكدت إني بقيت كويسه ومش بشوف أي حاجه من المستقبل تاني 
أحسن حاجه إنو موقعش!!
نهاية الجزء الثاني والأخير من إسكربت أختي والمرايا
ما رواه قلمي 
بقلم رين 
إسكربت تخيلي 
أختي والمرايا 2