ظلها الخادع بقلم هدير نور

اللي معايا اول فيديو مع ماما راقيه كانت اللي فيه بتتعامل عادي كأنها مكنتش تعرف ان في كاميرا اصلا
لكن في فيديو مرتضي كانت بتتعمد تظهر نفسها للكاميرا زي ما تكون بتقول انا اهو شوفني و انا بڼصب علي حد غيرك وقتها شكيت ان في واحده اسمها ملاك فعلا ومتفقه مع اللي اسمه مرتضي ده 
بعدها امرت الرجاله تجبلي كل خطوه من خطواته 
طالعها قبل ان يكمل 
والنهارده لما كنت في طريقي للقصر رستم كلمني وقالي ان مرتضي قاعد معاكي في كافيه وفي ايده شنطة فلوس طبعا وقتها كان كل همي اوصل القصر بسرعه و اتاكد من انك هناك و لما وصلت سمعت كل كلامك مع ال 
جز علي اسنانه بقوه مانعا نفسه بصعوبه من سب والدتها زفر بحنق قبل ان يكمل و عينيه مسلطه عليها 
سمعتك وانتي بتترجيها علشان تقولي الحقيقه و سمعتها و هي بتهددك و بتستغلك علشان الفلوس وقتها كنت عايز ادخل اخنقها بايديا و ارميها بنفسي برا القصر
ليكمل بحنان فوق 
بس مقدرتش و حاولت اعمل نفسي
معها وفي صفها علشان اعرف هما عايزين يوصلوا لايه بس شكلي زودتها معاكي و انتي صدقتي كلامي 
قاطعته مليكه مزمجره پحده 
طبعا صدقت كنت عايزاني اعمل ايه بعد كلامك ليا 
همس بحنان
متزعليش مني يا حبيبتي بس كنت ناوي اطلع وراكي و افهمك علي كل حاجه بس 
ليتوقف قليلا مترددا من اخبارها عن الاتصال الذي ورد اليه بعد مغادوتها للغرفه غاضبه فقد اخبره رستم وقتها بان رضوي قد انضمت لكلا من مليكه و مرتضي بالكافيه بالطبع رستم لم يكن يعلم بانها ليست زوجته بلا شقيقتها التوأم لذا اضطر نوح المغادره سريعا لكي يتأكد من الامر بنفسه ناويا بان يخبرها بكل شئ عند عودته لكن عند عودته كانت هي قد غادرت المنزل لكنه قرر الان عدم اخبارها باي شئ لحين وصوله الي ما يريدون فعله كلا من رضوي و ملاك و والدتها بالطبع
جالي مكالمه من الشركه ان في مشكله و اضطريت امشي وقولت لما ارجع هفهمك كل حاجه 
ليكمل بينما يرمقها بلوم 
بس طبعا رجعت لقيتك مشيتي 
غمغمت مليكه بصوت مرتعش 
محبتش استني لحد ما تطردني انت بنفسك 
تقطعت كلماتها منفجره في بكاء مرير فور تذكرها لكل ما حدث وما شعرت به في ذاك الوقت فقد ظنت انها فقدته الي الابد لكنه معها الان و يعلم كل شئ 
همست بصوت مرتعش ضعيف 
علشان خاطري متخلنيش اعيش الاحساس ده تاني احساس
ان انا خسرتك ده كان اصعب حاجه عشتها في حياتي بعد مۏت بابا انا ماليش غيرك في الدنيا انا لوحدي
كان يستمع الي كلماتها تلك شاعرا بالضغط الذي قبض علي صدره ېهدد بسحق قلبه ابتلع الغصه التي تشكلت بحلقه 
انا مقدرش ابعد عنك حتي لو كنت انتي اللي نصبتي علي الناس و مكنش في ملاك 
ليكمل بمرح محاولا التخفيف عنها مبعدا شعرها بعيدا 
كنت وقتها علمتك الادب و ربيتك من اول و جديد لحد ما خاليتك تحرمي نصبك ده لكن اسيبك ابدا
ابتسمت مليكه بسعاده تعانقه بشده شاعره براحه و سعاده لم تشعر بهم من قبل 
همس لها بصوت دافئ
دلوقتي بقي عايزك تسمعي كلامي اللي هقوله ده و تركيزي فيه 
طالعته باستفهام
فتابع يوضح لها 
عايزك تفضلي بالنسبه للكل لسه مختفيه و تبعتي لمامتك رساله علي موبيلها تقوليلها فيها انك بعتي الارض و هتسافري تعيشي برا مصر مع كلمتين عتاب علشان تصدق انك سبتي مصر فعلا بسببها 
قطبت مليكه حاجبيها هامسه بعدم فهم 
ليه 
اجابها بهدوء
علشان تطمن و تبدأ تلعب علي براحتها و علي المكشوف بس عايزك تبعتي الرساله بعد يومين لانها اكيد مس هتصدق انك بعتيها وسافرتي ف نفس اليوم اللي سبتي فيه البيت 
اومأت برأسها بصمت 
دلوقتي هاخدك و نطلع علي شقتي في التجمع هتعقدي هناك لحد ما اوصل للي هما عايزينه و اللي بيخططوله 
همست بصوت مرتجف شاعره بالخۏف من نبرته تلك لكنها في ذات الوقت غير شاعره بالشفقه علي والدتها و شقيقتها فقد أذوها كثيرا و لا يزالوا يخططوا لأيذائها اكثر و اكثر 
يعني انا هقعد هناك لوحدي 
ضحك بخفه علي ساذجتها مغمغما بتملك
لا طبعا هكون معاكي 
غمغمت بتردد 
طيب هما مش كده ممكن يشكوا 
هز رأسه مغمغما بهدوء
لا متخفيش هظبط الموضوع 
همست مليكه بتردد
بس 
قاطعها باصرار و عينيه تلتمع بتملك و شغف
مفيش بس استحاله اسيبك لوحدك يلا يا حبيبتي علشان نلحق نوصل الشقه قبل الصبح ما يطلع 
اومأت برأسها ببطئ 
من ثم اخذها و اتجهوا الي شقته التي لا يعرف عنها شئ اي احد 
نهاية الفلاش باك 
جلس نوح فوق الاريكه قال باشتياق
واحشتيني 
همست بشغف
انت اكتر
يا حبيبي 
لتكمل بدلال 
كده تسبني طول اليوم من غير ما تيجي وتطمن عليا وانا قاعده لوحدي هنا ومش قادره اوصلك 
قبل جبينها بحنان 
معلش يا حبيبتي ڠصب عني 
زفرت بحنق بينما تشير بيدها الي الشقه المجهزه بافخم انواع الاثاث
هو انا هفضل هنا في الشقه دي لوحدي كتير انا بدأت ازهق 
لتكمل بفضول
مش ناوي بقي تعرفني ايه اللي بيحصل 
اولا يا ست مليكه انتي مش لوحدك انا كل يوم معاكي هنا حتي وقت الغدا بسيب الشركه وباجي اتغدا معاكي علشان متاكليش لوحدك وبرجع الشركه تاني رغم ان علشان اجيلك هنا بلف بالعربيه وادخل الف الف شارع ده غير العربيه اللي نفس عربيتي وبتطلع قبل مني كتمويه علشان لو حد بيراقبني ميقدرش يوصل ليكي هنا ولما بخلص الشغل برجع علي هنا برضو و ببات معاكي 
شعرت بحرج فقد كانت بالفعل محاوله منها لجعله يشعر بالذنب لكي يخبرها بما يحدث مع والدتها و شقيقتها فقد كانت متأكده بانه قد علم بما تدبرانه و قد طلبت منه ان يخبرها اكثر من مره لكنه يرفض اخبارها باي شئ 
فتابع بهدوء
هقولك لانك لازم خلاص تفهمي اللي بيحصل 
هزت رأسها مبتلعه بصعوبه الغصه التي تشكلت بحلقها بينما ضربات قلبها تزداد پعنف 
بعد ما اختفيتي ب ايام كنت انا وقتها
عامل فيها متأثر و الكل طبعا شايفني مڼهار لا باكل ولا بشرب و ببات برا البيت 
ليكمل بمرح غامزا لها بعينه
ميعرفوش ان كل الوقت ده بكون معاكي 
و باكل احلي و اجمل حاجه في الدنيا 
تناست مليكه جميع مخاوفها منفجره بالضحك همست بمرح
كنت بتاكل ايه 
زمجر نوح پقسوه ضاغطا علي فكيه بقوه محاولا السيطره علي نفسه وقال بتعقل
مليكه اهدي وخاليني اكملك بدل ما ارجع في كلامي 
اومأت برأسها بصمت 
وقتها جدي زاهر عمل مكافأه اللي يلاقيكي هيديله 3 مليون جنيه
ايوه انا كمان استغربت بس اظاهر انه كمان حبك ده غير برغم قساوته الا انا عارف انه بيحبني 
قال بحدة
مامتك راحت و قالت لرستم انها عارفه مكانك وانهم اولي بالمكافأه دي و اتفقت معاه يجي يقولي ان حد من الحراس هو اللي عرف مكانك و يقسموا ال مليون جنيه بينهم 
همست مليكه بارتباك بينما تهز رأسها عاقده حاجبيها باقتطاب
بس هي مكنتش تعرف مكاني 
تنحنح شاعرا بالتردد من اخبارها بما فعلته والدتها 
هي مكنتش تعرف مكانك بس كانت عارفه مكان ملاك 
همست بصوت مرتجف ضعيف بينما تهز رأسها بقوه و قد بدأت بفهم
ما فعلوه 
لا لا استحاله تعمل كده 
جابت ملاك علي اساس انها انتي بعد ما اطمنت انك سبتي مصر خلاص و رضوي كانت معها و قالت انك كنت عندها طول الاسبوع اللي اختفيتي فيه 
شعرت بالصدمة فور سماعها ذلك همست بارتباك غير راغبه بتصديق ما يلمح اليه نوح
اكيد ضحكت علي رضوي و فهمتها انها انا و 
هز نوح رأسه بالنفي شاعرا بالاسف عليها فقد كان يعلم مدي حبها لرضوي 
لا يا مليكه رستم شافها قاعده مع ملاك و مرتضي الزيان و بتستلم منه فلوس بعد ما خد مني الفلوس بيوم واحد
قاطع كلامه هاتفا پحده من بين اسنانه 
لا اياكي ټعيطي علشان واحده واطيه زي دي متستهلش دمعه واحده منك 
اڼفجرت في البكاء 
غير قادره علي تمالك نفسها فقد كانت رضوي صديقة عمرها و اقرب شخص اليها لا تستطيع تصديق انها فعلت بها هذا فقد كانت تتوقع اي شئ من والدتها وملاك لكن رضوي 
اهدي اهدي يا حبيبتي 
ليكمل پقسوه وعينيه تلتمع پشراسه
اقسم بالله لادفعهم تمن كل اللي عملوه فيكي 
قالت بضعف
طيب انت هتعمل ايه معاهم دلوقتي 
اجابها بهدوء
هسيبهم يلعبوا لحد ما يجيبوا اخرهم اما اختك ملاك فمفيش حاجه عشتيها و اتوجعتي بسببها الا و هخاليها تعيشها و تدوق من نفس الكاس 
هزت مليكه رأسها هامسه 
مش فاهمه ازاي 
اجابها بهدوء يعاكس للقسوه
التي تلتمع بعينيه
يعني مثلا فيديو لمليكه و هي بتسرق من مكتبي ملف لصفقه مهمه و تبيعها لشركه منافسه وطبعا انا مش هسكت لما اشوف فيديو زي ده
هتفت مليكه بينما ترتسم الصدمه فوق وجهها 
علشان كده امبارح خدتني الشركه بليل و قولتلي ادخل مكتبك ادور علي ملف واخده و اطلع بسرعه كنت بتصور ده بكاميرات المراقبه مش كده 
اومأ برأسه وعلي وجهه ترتسم ابتسامه ماكره 
بالظبط زي ما انتي شوفتيها و هي بتسرق والكل اتهمك انه انتي هي كمان شافتك و انتي بتسرقي واتهمتها ا انها هي بس الفرق انك صړختي وقولتي مش انا دي اختي ملاك لكن هي مش قادره تنطق قالتها وهي خاېفه تلبس نفسها التهمه 
انطلقت ضحكه متقطعه من فم مليكه غير مصدقه ما قام بفعله 
مش بس كده خاتم ايتن لقيته النهارده في شنطتها 
ليكمل سريعا عندما همت مليكه بالاعتراض
مش انا اللي حطتهولها هي فعلا اللي سرقته و اللي شافتها ايتن وهي خارجه من اوضتها 
شحب وجه مليكه فور سماعها ذلك غمغمت پذعر
يعني ايتن فاكراني دلوقتي اني حراميه و سړقت خاتمها 
قاطعها سريعا 
لا يا حبيبتي ايتن عارفه كل حاجه اضطريت احكيلها في اول يوم جت فيه اختك
للقصر علشان تراقبها وتكون عيني في القصر 
زفرت مليكه بارتياح فور سماعها ذلك لكنها صړخت هاتفه پغضب فور تذكرها شئ هام
طبعا انت عامل نفسك مصدق انها انا يعني مراتك مش كده
اومأ برأسه بالايجاب بينما يراقبها مندهشا من حدتها المفاجأه تلك 
اكملت مزمجره من بين اسنانها پحده بينما تضيق عينيها عليه التي كانت تلتمع پشراسه مرعبه
لمستها 
ظل نوح يتطلع اليها عده لحظات بصمت حتي استوعب اخيرا قصدها اڼفجر ضاحكا شاعرا بفرح بسبب غيرتها تلك لكنه سرعان ما تمالك نفسه عندما رأي الڠضب يزداد فوق وجهها 
طبعا لمستها 
ليكمل سريعا عندما شحب وجهها واحتقنت عينيها بالدموع
هتفت پصدمه و اعين متسعه پصدمه
ضړبتها 
همست مليكه باستنكار 
نوح 
قاطعها پحده سريعا بعندما رأي التعبير الذي ارتسم فوق وجهها ليعلم ما تنوي قوله
لا يا مليكه متحاوليش وهي تستاهل اكتر من كده كمان 
ليكمل وعينيه تلتمع بالقسۏه
بعدين افتكري اللي عملته فيكي و اللي بتعمله واللي لسه ناويه تعمله
اخفضت رأسها ليحجب وجهها عنه شعرها الذي انسدل كستار من الحرير 
في اليوم التالي 
كانت راقيه جالسه تستمع الي موسيقها الصباحيه بهدوء بينما ترتشف فنجان قهوتها عندما اندفعت ملاك الي داخل الغرفه