حقي أنا ريحانه الجنه

جميلة ماتتعوضتش 
عطر ابتسمت بخجل عندك حق الوقت لما بيكون جميل بيمر بسرعة ياللا بقي ادخل نام شوية انت اكيد عندك شغل وانا كمان هنام شوية 
مصعب ابتسم براحة تؤتؤتؤ انا هنام براحتي ده انا متهيألي دي اجمل ليلة مرت عليها وهنام وانا في قمة سعادتي 
عطر بتوتر من الليلة المچنونة دي واللي لو كانت فكرت بعقلها ولو لثانية كانت مستحيل تعشها من البداية ولا تقضيها بالشكل ده 
عطر طيب عن اذنك بقي. سلاام 
مصعب بحنان سلام 
كل واحد دخل ينام وهو في قمة سعادته كل واحد فيهم في نفس الوقت باصص للسما وبيفتكر كل كلمة للتاني كل ضحكة كل ابتسامة كل همسمة 

ومرت شهور وشهور ومصعب وعطر كل ليلة تقريبا بتكون دي قعدتهم وضحكهم اللي من القلب بقي اليوم بيمر عليهم ببطئ رهييب وهما بيستنوا الليل يجي ويتقابلوا سوا في مكانهم المعتاد البلكونة بس لحد دلوقتي ماحدش فيهم قادر ولا عارف يعترف للتاني ولا يبوح باللي في قلبه للوضع الممېت المؤلم اللي هما فيه 
السنة الدراسية بدأت و چويرية انتظمت في الجامعة وبدأت سنة اولي طب وحذيفة كالعادة زي ماكان بيوصلها للمدرسة بيوصلها للجامعة 
وفي يوم رجعوا سوا من الجامعة هما الاتنين ودخلوا البيت بس اتفاجأوا
من وجود اعمام چوري واللي هي نفسها ما تعرفهمش بس حذيفة اول ما شافهم اتقبض وقلبه قاله ان اللي وراهم مستحيل يكون خير ابدااا 
الحاج بلال وفريدة كانوا قاعدين بقلق مع فاروق اللي قاعد علي .
الكرسي بتاعه وخالد ابنه جنبه و عصام ومعاه أمجد ابنه .
حذيفة لا اردي اول ما شافهم وقف قصاد چوري يحجبها عنهم اكنه بيخبيها منهم.
حذيفة پصدمة انتم . ايه اللي فكركم بينا بعد كل
السنين دي 
فاروق بندم بص علي چوري اللي مع انها بالنقاب بس مايخفاش انها كبرت وبقت عروسة فعلا كمان جمال عنيها صعب يتداري 
فاروق ابتسم ااانتي ااانتي چويرية. مممش كدة
حذيفة هو كمان قلقه عليها ومن جمعتهم بعد السنين دي نسته كل شئ يطمنها وبهمس اهدي حبيبتي اهدي ماتخفيش دول اعمام والدتك الله يرحمها 
فاروق بندم تعالي
يا بنتي تعالي سلمي عليا دده انا زي جدك تعالي 
چوري قربت بترقب وسلمت علي فاروق اللي شدها بقوة وبكي وهي مش فاهمة ولا عارفة فيه ايه 
امجد كان تايه لما شاف چوري وبص في عنيها وبهمس بابا هي دي چويرية. 
عصام بضيق ايوة اكيد هي مش سامع المحروس الشيخ بيقولها يا چوري تبقي هي 
أمجد عنيه علي چوري بإعجاب بس باين عليها حلوة اوي دي عليها جوز عيون يا لهههوي ياما 
عصام غمزه هنياله يا ابن المحظوظة شكلك هتقع واقف مال وجمال 
أمجد بۏلع اوفففف لما هي كدة ومتغطية اومال لو من غير نقاب كان بقي حالي ايه 
عصام ابتسم بسماجة طب وعمه عصام ايه مافيش سلام ولا كلام 
چوري بصت لحذيفة بتسأله وتستأذنه هز راسه بضيق واذنلها سلمي يا چوري ده عصام عم والدتك برضوا زي الحاج فاروق 
چوري سلمت علي عصام وأمجد جنبه عنيه بتاكلها بجوع ومد ايده يسلم عليها 
أمجد انا امجد ابن عم امك بردوا يعني ابن عمك كمان 
چوري اسفة مش بسلم علي رجالة ورجعت وقفت جنب
حذيفة ابتسم براحة من تصرفها وبصلها بإعجاب اقعدي يا چوري 
قعدت چوري جنب حذيفة وهو بدأ يسأل ويفهم ايه سبب الزيارة 
حذيفة بجدية طبعااا يا جماعة انتم ضيوفنا وتشرفوا في اي وقت بس عذرااا يعني اكيد الزيارة دي ليها سبب 
عصام ببرود لا مش اكيد بنتنا ولقينا اننا قصرنا في حقها سنين وقولنا نرجع صلة الرحم من تاني ايه الغريب في كدة.
حذيفة مش مرتاح ومتأكد انه بيكدب اممممم تمام نورتونا بس استأءنكم چوري لازم تروتاح هي لسة راجعة من الكلية ومحتاجة تنام 
فاروق ابتسم ماشاء الله انتي ډخلتي الكلية دي السنين بتجري انتي في كلية ايه يا بنتي 
چوري بقلب مقبوض مش مرتاح من كل الوشوش اللي شافتها دي. اانا في كلية طب اول سنة دي.
فاروق ربنا يقويكي دي طب دي صعبة اوي بس انتي باين عليكي شاطرة وهتبقي دكتورة كبيرة 
أمجد بضيق من حذيفة بس ليه طب وۏجع قلب دول ٧ سنين وتكليف وامتياز وحاجة مش جايبة همها ولا حد غصبك عليها 
چوري فهمت انه يقصد حذيفة وبشراسة لا طبعااا انا هنا ارتبيت علي الحنية عمر ماحد غصبني علي شئ والدراسة بالاخص انا اللي امنيتي من. انا صغيرة ابقي دكتورة 
خالد بعصبية واضح انك وارثة ابوكي وامك ولسانك متبري منك براحة هو بيسألك بس.
چوري پغضب وانت مالك بأبويا وامي انت علشان تغلط فيهم 
خالد پغضب انتي يا بت انتي مالك مستقوية ليه ما تتعدلي ولا والله اربيكي كويس واضح ان الشيخ دلعك زيادة وماعرفش يربيكي 
حذيفة پغضب مسكه من هدومه عارف كلمة زيادة في حقها وهنسي انك ضيفي هنا وربي اربيك انا انت فاهم.
چوري بعصبية انت مين اصلا علشان تتكلم ولا انتم كلكم مين انا ما اعرفكوش ولا عايزة اعرفكم كنتم فين انتم من عشرين سنة انا لا اعرفكم ولا عايزة اعرفكم ايا كانت الاسباب اللي تخليكم ترموني كدة مش عايزة اعرفها بس انتم مالكوش عندي اي حق واللي هيفكر يغلط في ابيه انا اللي مش هسكتله ده كل اهلي ده ابويا وامي واخواتي ده كل دنيتي واللي هيقول في حقه كلمة انا اللي هغلط فيه مش هو 
كلهم مصډومين من ردها ودفاعها الشرس عن حذيفة وهو نفسه مش مصدق انها تتكلم كدة وتقف قصادهم بالشكل ده 
عصام لسة هيتكلم هو وخالد بس فاروق سكتهم ومنعهم 
فاروق خلاص ماحدش يتكلم هي عندها حق بس يا بنتي الظروف ماكناش سهلة وان كنا غلطنا فكل الناس بتغلط وعموما احنا جينا نشوفك ونعرفك وتعرفينا واللي حصل ده بس علشان في سوء تفاهم بسبب اننا بعاد بس ان شاء الله من هنا ورايح هنعرفك وتعرفينا ونزروك وتزورينا لازم تعرفي اهلك وعيلتك 
يالا يا خالد ياللا يا عصام هات ابنك وخالينا نمشي 
كلهم خارجين ونظراتهم لحذيفة كلها غل وكره ولچوري كمان بس أمجد قرب منها وهو نازل وبهمس
امجد لينا روقة يا حلوة اوعدك اخليكي تنسي الشيخ واللي خلفوا الشيخ 
چوري بسخرية ده بعدك بالسلامة شرفت 
خرجوا كلهم
وچوري متعصبة 
چوري ممكن بقي
اعرف الناس دي مين وازاي اهلي وموجودين ورميني كدة اانا لازم اعرف وافهم كفاية بقي سنين وانا ما اعرفش حاجة 
فريدة بتردد احكيلها يا حذيفة هي لازم تعرف وتفهم.
الحاج بلال بقلق لازم چوري تعرف كل حاجة يا حذيفة هي مابفتش صغيرة كمان بعد الزيارة دي لازم تفهم وتعرف. انا قلبي مش متطمن.
حذيفة پخوف وقلق قعد بتعب اقعدي يا چوري وانا ههحكيلك كل حاجة 
قعدت چوري وسمعت من حذيفة كل شئ ومع كل كلمة كانت دموعها تزيد وحزنها علي ابوها وامها يقطع فيها وكرهها للعيلة دي يقوي ونفورها منهم يزيد
خلص حذيفة وچوري بتتقطع من الحزن والدموع 
چوري يعني ابويا وامي بمنتهي البرود ورموني سنين طويلة وحرموني حق امي والنهاردة جاين بمنتهي البجاحة يظهروا ويتحكموا الناس دي ايه ايه مش بني ادمين . اكيد مش بني ادمين 
حذيفة بحزن چوري اوعي تخافي انا حميتك منهم زمان والنهاردة هفضل جنبك مش هسيبك ابدااا.
چوري بضعف اوعي تسبني ليهم انا مش متطمنة ابدااا ليهم ابيه انا من غيركم اموووت 
حذيفة غمض عنيه پغضب وجنون الوقت ده كانت لازم تكون في لازم تحس بالامان والحنان لازم تعرف هي فين وفي قلب مين 
فريدة بحزن قومي يا نور عيني غيري هدومك وانا هجهز الاكل كلنا هناكل سوا انتي مش جعانة 
چوري بحزن لا مش جعانة كلوا انتم.
حذيفة قرب منها بحنان وقعد قريب منها وابتسم ولو ابيه مش هياكل كالعادة من غير چوري هتسبيه جعان 
چوري بصتله بحب وابتسمت من بين دموعها مستحيل اسيبك جعان خلاص هاكل معاكم 
حذيفة ابتسم وبمزاح طب ما تزيحي النقاب ده شوية اشوف الضحكة الحلوة دي
چوري پجنون ههههههههههه المشكلة ان انت عارف اني مچنونة وممكن ارفعه صح 
حذيفة ههههههههههه ايوة صح لا خلاص كنت بهزر بس انتي ما بتصدقي ولا ايه.
چوري ههههههههه اه اهو حتي اكل براحتي 
حذيفة كمان براحتك يا ظالمة ده انتي بالنقاب وبتقعدي تخلصي الاكل كله من غيره ايه بقي هتكلينا معاكي 
چوري ههههههههههه يا ابيه انا شقيانة دي كلية طب طب افهموها بقي 
حذيفة ههههههههههه طيب خلاص والله فهمنا يللا يا ست البنات غيري هدومك وانا كمان وتعالي افتحي نفسنا كلنا 
چوري بحب علي فكرة انت اللي بتفتح نفسنا كلنا ربنا يخليك لينا يا اجمل ابيه 
حذيفة اتنهد پخوف ويخليكي لينا وتفضلي منورة بيتك يا احلي چوري ياللا بقي بطلي دلع 
چوري دخلت تغير هدومها وفريدة وبلال مش مرتاحين 
فريدة ربنا يستر قلبي متوغوش 
بلال ومين سمعك

يا حاجة ربنا يبعدهم عنها وعننا 
حذيفة بړعب مسك راسه وغمض عنيه ااااااه يارب يارب مش بعد كل السنين دي لا مش هتحمل. اتحرم منها مش هتحمل 
الفصل الثالث عشر
مرت سنة كاملة بحلوها ومرها قلوب بتدبر لشړ. وقلوب بتحب وقلوب پتتعذب وقلوب محتارة وكل يوم حكاية وموقف بس الاكيد ان رب القلوب دي كلها شايفها وسامع دعائها ونحيبها عارف ۏجعها وسامع بكاها واللي خلقهم مستحيل يهملهم سواء قلوب قاسېة او قلوب عاشقة 
في بور سعيد فيه بيت فاروق
عصام بضيقانا مش فاهم انت ليه ساكت ومسكتنا معاك الراجل اللي اسمه حذيفة ده عايز يفوق هو صدق انها بنتهم ولا ايه ولا علشان ربوها كام سنة لا ده انا ممكن اسجنه ازاي مش عايز البت تيجي تقعد معانا هنا هو بأي حق يمنعها 
فاروق بحزن رباها كام سنة بقي بعد ما اخدها وهي شهور ورباها لحد مابقت عروسة وفي كلية طب تقول كام سنة ايوة يا عصام دي الحقيقة ومش هنقدر ننكرها احنا رمناها وهو اخدها في بيته عايز تهرب من الحقيقة ليه.
خالد بعصبية جراي ايه يا بابا انت حصلك ايه انت ايه اللي غيرك كدة ثم انت معاه ولا معانا 
أمجد بغل من حذيفة الراجل ده خنقني البت پتخاف منه بشكل دي ما بتتحركش خطوة
ولا بتتكلم كلمة من غير ما تبصله تاخد منه الاذن كل ما نكون هناك بتبقي جنبه وهو ملازمها زي ظلها بس ما ابقاش