عايزة بنتي
انت في الصفحة 1 من 7 صفحات
فاطمه بدموع
عاوزه بنتي يا باشا البنت لسه عمرها اسبوع ازاي تتخطف مني بالشكل ده
الظابط
اهدي يا ست انتي احنا هنكثف البحث عنها وان شاء الله هنلاقيها
انتي شايفه االدنيا زاحمه ازاي
وقبل ما ابدا حكايتي انا اسمي فاطمه عندي 23سنه
حكايتي بتبدا لما اتجوزت منصور جوزي
الي اول ما اتجوزنا هو بيخليني اشتغل معاه في الاسواق علشان ده هو مصدر رزقنا
منصور
مالك يا بطه صاحيه عامله ليه كده شكلك تعبان خالص
فاطمه
شكلي كده يا سي منصور داخله علي دور برد شديد
ثواني اقوم اجهز علشان اجي اقف معاك علي الفرش
منصور
لا يا حبيبتي متعبيش حالك انا هروح والي ربنا يرزقني بيه اخدك واهو
اكشف بيكي لو جيت ولقيتك لسه تعبانه
فاطمه بتعب
ماشي يا حبيبي احاول اكل اي حاجه علي ما قد ان مش جايلي نفس نهائي واظاهر كده جاي ليا برد في معدتي
منصور
ربنا يسترها انا همشي انا علشان مش هتاخر
وهوصي امي عليكي قبل ما امشي علشان تطلع تطل عليكي لحد ما اجي
وراح سايبها ومشي وهيه دخلت جوه تستريح شويه
واول ما نزل راح مخبط علي امو
في اي يا منصور مالك جاي علي الصبح كده بتخبط انت مش عارف ان نايمه في الوقت ده
منصور
معلشي يا اما بس فاطمه تعبانه عاوزك تبقي تطلعي تطلي عليها لحد ما اجي من
السوق
انتي عارفه انها ملهاش حد غيرنا
الام بلويه بوز
بطل يا واد نحنحه تلاقيها بتعمل كده علشان ما تنزلش معاك
الست من دول لما بتتوعد علي كده مبقدرش تسيطر عليها بعد كده
منصور بضيق
مش وقتو كلامك ده يا اما ابقي طلي عليها لا تكون محتاجه حاجه
وبلاش تضايقيها بحاجه كفايه الي فيها
الام
طب يا عم النحنوح روح انت انا هكمل نومي وابقي اطلع اشوفها
ومتنساش لما ترجع عدي عليا تسيب فلوس
منصور
ان شاءالله يا اما وادعي ربنا ييسرها معايا
وراح سايبها ومشي
والتعب زاد عليها اكتر فلما ما استحملتش اكتر من كده راحت واخده بعضها ونزلت عند حماتها
الي اول ما شافتها قالت
الحما
مش هنخلص منك ولا من جوزك هو انا معرفش انام في ام البيت ده
ما انتي نازله كويسه اهوو امال جوزك بيقول تعبانه ليه
فاطمه بتعب
مش قادره يا حماتي دخليني انا حاسه ان هقع من طول
الحما
يبقي الي في بالي يا بت شكلك حامل
ادخلي نامي جوه لحد ما اجيب ليكي الدايه وهيه هتقول اذا كان حصل الي في بالي ولا لا
وفي مكان تاني
سيد پحده
بقولك اي يا فوزيه اما كتر خيري لحد كده
انا مش هفضل قاعد كده من غير ما يبقي ليا حتت عيل يبقي في ضهري لما اكبر
فوزيه بدموع
حرام عليك يا سيد هو كان بمزاجي يعني
ربنا الي عاوز كده ودي حاجه مش بايدي
سيد
وانا مليش فيه انا ه عملت الي عليا وزياده
ووديتك بدل الدكتور عشره وكلهم قالو انك ما بتخلفيش اخليكي علي زمتي ليه
فوزه بقلق
وانت ناوي علي اي يا سيد
سيد
ناوي ان اطلقك يا فوزيه كفايه عليكي لحد كده
روحي وانتي طالق ومتورنيش وشك هما تاني
فوزيه بدموع
اي الي عملتو ده يا سيد اروح فين ولا اجي منين وانت عارف كويس ان مليش اهل
ولا ليا مكان اقعد فيه
سيد
حاجه ما تخصنيش اتصرفي انا خارج عاوز ارجع مش الاقيكي علشان لو حيت ولقيتك مش هيحصل طيب
وراح سايب ليها البيت ومشي
وفي الوقت ده بتيجي حماتها
الحما
مالك يا بنتي بټعيطي ليه وصوت سيد كان عالي
فوزيه بدموع
سيد طلقني يا
حماتي طلقني
