حكايه حماتي

مبقدرش اعمل حاجة ده صلاح جوزى كل مايجي هنا ويرجع البيت يجي يقولي بيتك معفن كده ليه روحي شوفي من يوم مرات اخوكي مدخلت بيتكم والبيت بقا فله
ماجدة 
وماله يابت تروح تنضفلك البيت فيها ايه يعنى وبعدين الموكوس جوزك ده يقول كده ليه محڼا طول عمره بيتنا زي الفل
سحر 
ماهو شايف شاطرت البت مرات سعيد ليه حق يقول كده 
وطلعت بالشاي 
هيام 
اتفضلي ياسحر بالهنا والشفا
سحر 
تسلم ايديك ياهيام
ماجدة 
بقولك ايه يا هيام
هيام 
نعم يا ماما قولي
ماجدة 
اعملي حسابك بكرة تروحي عند سحر تنضيفي لها البيت
هيام باستغراب 
اروح انضفلها البيت
ماجدة 
ايوة تنضيفي البيت هي مش عمتك اخت جوزك دي وليها حق عليكي
هيام بضيق 
حاضر لما يرجع سعيد اخد راية واللي يقول عليه هعملة
سحر 
ههههه وسعيد اصلا هيمشي كلمة امه ياحبيبتي يعنى حتى من غير مانقولة طالما امي قالت هو يقول امين
هيام بزعل 
انا بس بقول هستاذنه هو جوزى برضو ومينفعش اخرج من البيت من غير علمة
سحر 
المهم بكرة الصبح تصحي من النوم تيجيلي عشان اعرفك هتعملي ايه في البيت
هيام 
حاضر 
وبالليل طلعت شقتي مستنية سعيد لحد مرجع من الشغل
سعيد 
هو انا مش قولتلك تخيلي تحت عند امي طول النهار ايه اللي طلعك
هيام 
ماهو لما جوز اخت جه انا طلعت على هنا عشان يعنى هو بالنسبالي راجل غريب
سعيد 
صلاح جوز مش غريب وبعد كده متطلعيش هنا غير لما امي تقولك سامعة
هيام 
حاضر ياسعيد كنت بقولك صحيح اختك عايزاني اروح بكرة انضفلها البيت بتاعها وامك قالتلي اروحلها
سعيد 
خلاص طالما امي قالت انك تروحيلها يبقا تروحي
هيام 
يعنى انت عايزني اروح اشتغل خدامة عند اختك كمان ياسعيد
سعيد 
وهو لما تروحي تساعدي اختي في بيتها يبقا كده انتي خدامة بالعكس انتي رايحة لعمتك اخت جوزك دي كمان يحبوكي هي وامي اكتر
هيام وقالت لنفسها يعنى اخلص من هم مرات ابويا اجي هنا لهم حماتي وبنتها ده الغلب ده ياربي
وفعلا رحت عند سحر البيت ولقت بيتها كانه بقالة سنه متنضفش اټصدمت من المنظر بصراحة مش عارفة هي عايشة كده ازاى 
كانت حماتها برضو معاها في نفس البيت وطلعت عند سحر لقتني بنضف وقالت
الحما 
يا مشاء الله ايه الحلاوة دي ياهيام والنبي يابت انتي شاطرة وجدعة احسن وانضف من مرات ابني المعفنة دي
سحر 
كده ياحماتي بقا انا معفنة
الحما 
اه ياختي بقالك قد ايه يابت منضفتيش البيت واهي مرات اخوكي جات خلتة بيبرق في خمس دقايق
سحر 
الله ماهو الحمل تعبني ياحماتي اعمل ايه يعنى هو انا بقدر اعمل حاجة
الحما
خليكي انتي ياختي مش وراكي حاجه غير انك اعده تخلفي وتجيبي في عيال وبس وابني يصرف ويأكل كتك وكسة
سحر 
الله يسمحك ياحماتي انا مش هرد عليكي عشان خاطر صلاح
الحما 
انتي تقدري تفتحي بوك معايا يابت اصلا
كل ده وانا عماله امسح وانضف وسامعه حماتها بصراحة هي تستاهل اللي حماتها بتعمله فيها ده وآخر اليوم هلكت وقولت 
انا خلصت ياسحر مش عايزة مني حاجة
تانية