ايمان صالح

زي ما هو عايز مش عايزه البس كده
طيب انتي عايزه اي يا شهد !
عايزه افسخ الخطوبه دي انا اتخنقت
يعني اي
زي ما سمعت يعني يا تمشي زي ما انا عايزه يا لا
يبقي لا
مشي پغضب و طبعا ماما زعقتلي و اتخنقت معايا خدت الشبكه و رجعتهاله و خدها بس حسيت بحزن في عيونه للحظه و نزل رأسه بسرعه وانا كنت ماشيه زعلانه بس بردوا انا بحبه بس مش هغير حياتي انا بقيت بصلي بس ده كفايه اوي لحد كده مش هغير نمط حياتي
رغم أن حياتي كانت هاديه وبدأت اقرب من ربنا بس رجعت تاني و سبت الصلاه و لسه لما اشوف ادهم قلبي بيوجعني
رجعت ل شلتي تاني و قابلت طارق زميلي

شهد انا كنت عايز اقولك حاجه
قول يا طارق
انا بحبك يا شهد و من زمان
اي
انا بحبك و عايز اتقدملك
انت عارف يا طارق انا لسه فاسخه خطوبتي و محتاجه وقت
اكيد هسيبك زي ما انتي عايزه
ماشي يا طارق
هستناكي في الحفله بتاعتنا بليل
اوكي
مشيت وانا بفكر طارق صاحبنا في الشله من زمان تعليم عالي وابن ناس كده و مرح و ظريف غير ادهم تماما
جه الليل قلعت الحجاب و ليست لبس شيك وانا بحاول انسي ادهم تماما ماما زعقتلي بس بردوا هعمل زي ما انا عايزه طلعت و روحت عندهم و قعدنا مع بعض بس طارق قالي عايزني في حاجه مشيت معاه شويه وبعدها اتكلم و مسك ايدي وقالي بحبك يا شهد و مصدقت فسختي خطوبتك
بعدها الدنيا لفت بيا تماما اصوات كتير و دوشه محستش بحاجه غير لما فتحت عيوني و لقيت نفسي في مكان غريب بصيت پخوف علي نفسي لقيتني زي ما نا بصيت لقيت طارق قرب مني
انا فين
ابتسم بخبث انا جبتك هنا عشان نكون براحتنا
اتكلمت وانا بحاول اداري خۏفي يعني اي
يعني نكون مع بعض و نقضي الليله حلوه مع بعض
انت بتقول اي رجعتي ل اصحابي
قرب وشه مني ما احنا مع بعض مش انتي عارفه اني بحبك يبقي اي المشكله لما نقرب دلوقتي أو بعدين 
انت مچنون وسع
مسك دراعي جامد و قرب شعري و قرب مني مچنون بيكي و عايزك
زقيته جامد و حاولت أخرج بس معرفتش حاولت افوقه وازعق بس مسكني وانا مش قادره عليه شريط حياتي بيكر قدامي ادهم اللي كان عايز يغيرني للأحسن وانا متغيرتش حاول ياخدني ل بره الأمان وانا مرضتش حاول يبعدني عنهم وانا رفضت حاول و حاول وانا كنت غبيه وقررت منهم فوقت لنفسي و زقيته و طلعت بره بس مسكني قبل ما اتكلم كان في حد مسكه و ضربه جامد و نزل فيه ضړب بغيظ و ڠضب وانا واقفه علي جنب بعيط محستش بحاجه وانا بحاول افتح عيوني بصعوبه دماغي بتلف بيا محستش غير و ادهم بيلحقني بعد ما سابه وانا فقدت الوعي !
فتحت عيوني لقيت ماما قاعده جنبي وانا بحاول افتكر اللي حصل حاولت اقوم بس ماما مسكتني و عطتني مياه و قالتلي ادهم جابك و حاولت تعرف منه حاجه بس مقالش غير أنه شافها في الشارع دايخه حاولت تكلمني بس انا متكلمتش قعدت تلات ايام وانا بعيط و مش عارفه يعني خلاص كنت هضيع نفسي بأيدي !
بعدها قومت صليت و دعيت ربنا فتحت شات ادهم القديم و قرات كل حاجه