قصه جميله كامله

الحديث فقالت
هو صحيح ليه اسمك كابو ملوش علاقة ب يونس
ابتسم يونس قليلا ثم قال
عشان أنا كنت اكبر واحد فى أنس و هايا لما جيت اعيش معاهم فكان لقبى الكبير بتاعهم يعنى
اممم عشان كده
ومن ساعتها بقى الكل يعرفني بكابو
ماشى يا سيدى
فى تلك اللحظة اقتربت فتاة منهم ثم قالت بلهجة بها شوق
مش ممكن كابو وحشتنى جدا
نظر لها يونس بإندهاش بينما هزت آسيا قدمها بتوتر كبير فلاحظ ذلك يونس وابتلع ريقه ثم وجه نظره للفتاة مرة آخرى
انتى تعرفينى
عقدت الفتاة حاجبيها ثم قالت
اخص عليك يا كابو بتعمل نفسك مش عارفنى
ثم تابعت بدلال وهى تجلس بجواره وتضع يدها أسفل ذقنها ثم قالت بهيام

ازعل منك وكده عاوزك تصالحنى بقى
شعر يونس بالضيق ثم قال
انتى مين حقيقى معرفكيش
ثم نظر إلى آسيا التى كانت على وشك الأنفجار فى وجهه
معرفهاش
فنظرت له آسيا بكل الڠضب الذى بداخلها ثم قالت
انتى مش ملاحظة إنى قعدة معاه ممكن بقى تبطلى مياعة وتمشى من هنا بدل ما امشيكى بالعافية وع نقالة
ابتلع يونس ريقه ولم يتحدث فنظرت تلك الفتاة إلى آسيا بتحدى ثم قالت
وع ايه الطيبة احسن
بعد ذلك ارسلت فى الهواء ل يونس ثم غمزت له بمشاكسة وقالت وهى تشر بيدها على اذنها
هبقى اكلمك افكرك مين أنا
ثم تركته ورحلت فحدقت آسيا ب يونس بعينان مشتعلتان ثم تحدثت
مين الهانم دى شكلها مش مظبوطة
هز يونس رأسه بأقتناع ثم قال
فعلا بس معرفهاش
بطل كدب
معرفهاش حقيقى أول مرة اشوفها
طب احلف كده لو أنت صادق
صمت يونس للحظات قليلة كأنه يتذكر شئ ما ثم نظر تجاه تلك الفتاة التى رحلت ثم قال براحة
والله ما اعرفها
اتسعت حدقتى آسيا ثم قالت
أنت بتفتكر تعرفها ولا لا هما كتييييير اوووى كده
بس مبقتش أعرف فكى التكشيرة دى وحقيقى البنت دى بالذات معرفهاش
أنا هحطك تحت المراقبة
رفع يونس أحدى حاجبيه بعدم تصديق ثم قال
أنا هعدى الكلام ده بمزاجى وإنك مش عارفة تتحكمى فى اعصابك دلوقتي
نظرت له شذرا ثم عقدت يدها نحو صدرها ولم تتحدث فهز يونس رأسه بآسى
فى تلك اللحظة اقتربت تلك الفتاة اللعوب من سيارة ما ثم أستقلتها ونظرت للذى
يقود السيارة ثم قالت
نفذت اللى قلتلى عليه بالحرف
ابتسم عزت بسعادة وقال وهو يخرج النقود من حيب بنطاله
ماشى يا قمر وده كده حقك زى ما اتفقنا
تمام يا باشا
اخذت قمر النقود ثم ترجلت من السيارة فأمسك عزت هاتفه ثم بحث فى الصور التى معه على الهاتف حتى توقف عند صورة له ول آسيا فى يوم خطبتهم وهى ترقص معه وتنام على صدره ابتسم قليلا ثم ارسل لها رسالة عبر هاتفه بها الصورة وفوقها تلك الكلمات
وحشتينى اووووى
وصلت تلك الرسالة إلى آسيا اتسعت عينان آسيا بعدم تصديق ثم نظرت إلى يونس پخوف وتوجس فشعر يونس بتغير ملامح وجهها فقال
مالك 
ابتلعت ريقها ثم هزت
رأسها بالنفى لتخبره بإنه لا يوجد شئ لم يصدقها ولكنه لم يتحدث كثيرا فنهضت هى وتحدثت
عاوزة اروح تعبانة شوية من الشغل
زى ما تحبى
قالها ثم وضع النقود على الطاولة ووقف وذهبا سويا إلى السيارة الخاصة بها واستقلوها معا وقبل ان يقود يونس السيارة
أنتى زعلانة من موضوع البنت بس صدقينى معرفهاش
هزت رأسها نافة ثم قالت
أنا عارفة إنك كنت صايع وبتاع بنات وموافقة بيك والقرار ده خدته فى فترة طويلة وحسيته فى فترة أطول وعارفة إنه هتقابلنا مواقف كتير زى دى
اومال قلبتى وشك ليه
نظرت له ثم قالت
يمكن عشان كان نفسى تبقى أول واحد فى حياتى بس
أنت ظهرت متأخر
ابتسم عليها ثم غمز لها بمشاكسة وقال
أنسى اللى فات
هزت
رأسها بالإيجاب ثم ترجلت من السيارة وذهبت تجاه المنزل فظل هو يراقبها من بعيد وظهرت على وجهه ابتسامة جميلة
فى صباح اليوم التالى
بعد انتهاء المحاضرة الأولى ل برنسيس نظرت ل فاروق ثم قالت بضجر
أنا زهقت بقى من المحاضرات دى والدراسة
كلها شهر والجامعة وايامها هتوحشنا
تفتكر
طبعا بس أنا عاوزك فى موضوع مهم
خير
ابتلع فاروق ريقه ثم أخذ نفس عميق ونظر فى عينيها فشعرت هى بقلق ولكنها استمعت إليه جيدا وهو يقول
أنا عاوزك تقابلى اللى عقدك كده
شعرت برنسيس بالخۏف وارتعشت يداها ونظرت فى عينيه
ل ليه
عشان دى خطوة مهمة يا برنسيس فى حياتك مش معقول هتعيشى طول حياتك خاېفة من الرجالة لازم يبقى فيه وقفة ببنك وبين نفسك
وانا لما اقابله هقوله ولا هستفاد ايه
قدامك حلين يا تسامحى وتنسى يا تفشى غلك وتديله قلم وترتاحى من اللى أنتى فيه ده
لم تقتنع برنسيس بما قاله فاروق ففهم فاروق ذلك من نظرة عينها فتابع
أنا هبقى معاكى فى كل خطوة وهراقبك من بعيد وأنتى بتكلميه مش عاوزك تخافى خالص
بحنان فشعرت هى بتوجس من تلك الخطوة فأكمل حديثه
بعد الامتحانات لازم تاخدى الخطوة دى
بعد مرور شهر كامل
بدئت امتحانات برنسيس و فاروق بينما شجع منصف هايا على أن تذهب للجامعة وتواصل دراستها وأن تنجز إختبارتها وأن تتخطى الحزن الذى كان فى قلبها آثر مۏت شقيقها وما اكتشفته بعد ذلك
إما أصالة فقد كانت تفكر فى طريقتها الجافة مع منقذها فهى لم تشكره بطريقة تليق به كما يجب لم تكن حالتها النفسية تسمح لذلك كم تود أن ترجع بالزمن للخلف كى تشكره كما يجب
بينما محمد تحدث مع والد رحمة لخطبتها وقد اتفقا على أن خطبتهم ستكون بعد انتهاء الأختبارات
بينما يونس و آسيا اصبحت علاقتهم كل يوم تزداد متانة وثقة وحب وقد اتفقت معه آسيا على أن زواجها منه سيكون بعد تلك القضية التى تعمل عليها ولكن والداها وشقيقها كانا على علم بعلاقتها ب يونس وانهم فى فترة خطوبة حاليا وسيتزوجوا فى القريب
فى يوم الأجازة الخاص ب آسيا ارتدت فستان لونه فيروزى ظلت تنظر فى المرآة لنفسها فقد كان الفستان طويل كما أمرها يونس بأن لو رأها بفستان قصير مرة آخرى سيرتكب جناية لذا قررت أن تنفذ ما يريده اطلقت لشعرها العنان وقد غطى جميع ظهرها نظرت للمرآة ثم زفرت بضيق وزمت شفتاها وتمتمت
برده مش هيرضى اخرج كده أنا بسمع كلامه ليه وبخاف منه ليه اوووووف ماهو مش معقول اخرج مع خطيبى وانا عاملة شعرى كحكة مستفز يا يونس
عقدت شعرها مرة آخرى ثم أخذت حقيبتها وهبطت بالأسفل لتخرج نحو الخارج وقبل أن تستقل سيارتها استمعت إلى صوت سيارة فنظرت خلفها وجدتها السيارة الخاصة ب يونس ابتسمت كثيرا ثم ذهبت تجاه سيارته واستقلتها بعد ذلك تحدثت
مش قلنا هنتقابل فى المطعم
ما احنا هنتقابل فى المطعم
بس متفقناش انك تيجى تاخدني
إن كان عجبك
ثم بدء فى قيادة السيارة فهزت هى رأسها بآسى على جنونه ذاك بعدها وصلوا إلى المطعم وجلسوا على أحدى الطاولات وضعت وجهها بين كفين يدها وهى تتأمله وهو يختار لهما الطعام من ثم طلب من النادل الطعام ونظر لها فوجدها لا ترفع عينيها عنه فتحدث بمشاكسة
وحشتك اوووى كده
شكلى موحشتكش أخر مرة شوفتك فيها كان من أسبوعين
ثم زمت شفتاها بطفولة فأبتسم على هيئتها تلك وتحدث
كان عندى شغل مهم
وأنتى عارفة ده غير إن أخوكى مش حابب إننا نتقابل ع طول
ماشى
بس وحشتيني
لمعت عينيها ولكنها حاولت أن لا تظهر ذلك له لترد عليه
باين
ده