زواج لم يكن في الحسبان بقلم امل احمد

هنا وشوية حاجات كدة تعرفيها 
مي وانا مستعدة لأي حاجة 
يامن يعجبني حماسك يا...... اسمك ايه
مي مي 
يامن ياا مي ميعادنا بكرة الساعة الحادي عشر عايزأشوف كل شغلك من البداية لحد الآن هاتي معاك كل الصور اللي عملتيها 
مي أوك 
بعد أن ذهبت مي اختفت ابتسامتة تحولت ملامح وجهه إلي الجمود فما السبب
ف المساء
علي البحر يجلس آسر ومي
آسر مش بتردي على تلفونك ليه 
مي مكنتش فاضية يا آسر روحت الجلسة وبعدين روحت أستوديو الدمنهوري 
آسر تعملي ايه هناك 
مي هشتغل معاهم 
آسر بس اعتقد الاستوديو ده مش أي حد يشتغل فيه غير المحترفين وبس ولو قبلوا حد بعد مدة طويلة مش بالسهولة دي 
مي بملل هو إحباط وخلاص يا آسر أنا ماشية لأن اليوم النهاردة كان متعب 
آسر وهو يمسك مي من ذراعها مالك أول مره تتصرفي معايا بالأسلوب ده 
مي سيب أيدي يا آسر 
فترك آسر يدها وأردف براحتك يا مي أمشي 
وبالفعل أخذت مي حقيبتها ورحلت
بعد خمسة أشهر تغير أحوال الجميع 
بدأت رغد تسير على قدميها ولكن بمساعدة المشاية وانتهت إجازة يونس وعاد لعمله وكانت نادية مع رغد لا تتركها إلا وقت النوم فقط
أما مي فاليوم هو آخر جلسة نفسية لها مع حبيبة لأنها تعتبر تعافت من عقدتها وأقتربت من والديها ونجحت في إصلاح وجهه نظرهم أصبحت علاقتها مع آسر فاترة وقلت فرص اللقاء بينهما لانشعالها بعملها الجديد وبسبب سفر آسر لرحلة عمل خاصه به
ف العيادة النفسية 
حبيبة مبسوطة بيكي وبتغيرك يامي أتغيرتي فعلا خلال الشهور دي 
مي حقيقي مكنتش متخيلة كده الفضل لربنا ثم ليكي شكرا بجد
حبيبة ده شغلي يا مي أتمنى تكوني قدرتي تعرفي قيمة نفسك كويس لان قيمتك الشخصية مبتتغيرش سواء كنتي في حالة رضا أو عدم رضا لأن تقبل الذات دي أهم خطوة ف رعاية النفس وأن كل شخص فينا لازم يشوف نفسه أنه مش أقل من حد أتمنى تستمري على الخطوات اللي بدأتي فيها 
مي هستمر وهكمل وهقفل صفحات الماضي وهبدأ الحاضر والمستقبل بصفحات جديدة 
حبيبة براڤو موفقة يا مي 
مي ممكن طلب 
حبيبة طبعا 
مي عايزة أحضنك ينفع 
حبيبة ينفع تعالي 
نهضت مي من على الكرسي واحتضنت حبيبة 
بعد لحظات ابتعدت عنها 
حبيبة ثواني لحظة وفتحت درج مكتبها وأخرجت علبة شوكلاتة وأردفت خدي يا مي 
مي بإستغراب ايه المناسبة 
حبيبة عادي أنا متعودة مع كل حالة تتعافى لازم أكافئها 
مي وهي تمد يدها وتأخذ العلبة أنتي ألطف شخصية قابلتها في حياااتي كلها شكرا لتعبك ومجهودك معايا 
حبيبة بابتسامة العفو يا مي مع السلامة
وهنا انتهى دور حبيبة ف حياة مي الرواية عموما 
في القاهرة
يجلس يونس بمفردة وينظر

لهاتفة لصورة زوجتة أردف أنا آسف عارف اني انشغلت عنك بس ڠصب عنى خلاص يا روحي حبيبك هيرجعلك قريب أوي علاقة الجواز المزيفه باقي لها تلات شهور وكل حاجة تنتهي 
محمد من خلفه هو ايه اللي هينتهي يا يونس
يونس بتوتر علاج رغد يا بابا هو اللي هينتهي 
محمد وانت حالك هينتهي امتي وتخرج من اللي أنت فيه أمتىونظر لصورة مريم الموجودة على هاتفه
يونس مش فاهم يا بابا قصدك ايه
محمد كفاية ضياع وقت يا يونس ده العمر واحد اللي بيروح مش بيرجع 
يونس تاني الكلام ده أنت عارف اني مستحيل أحب تااااني مش عارف 
محمد ليييه يا ابني ټدفن نفسك بالطريقة دي وف ايديك تصلح حالك وتمشي في حياتك هتفضل محاصر بالذكريات لأمتى
يونس صعب وانت أكتر واحد عارف حبي لمريم كان إزاي 
محمد الماضي مش بيرجع يا ابني لو قعدت متعلق بالماضي مش هتعرف تعيش الحاضر ولا المستقبل ......
ف غرفة رغد 
نادية أخبار يونس معاكي 
رغد كويس يا ماما واعتقد شوفتي اهتمامه ازاي 
نادية أنا مش قصدي كده قصدي علاقتكم مستقرة مرتاحة معاه يا رغد 
رغد أيوة يا ماما مرتاحة ليه ف ايه
نادية بطمن عليكي هو غلط 
رغد لا مش غلط بس مستغربة سؤالك 
نادية بصراحة خاېفة يعني يحصل حمل وأنتي لسة مش مستعدة تتعبي أكتر وبصراحة وضعك لسه ميسمحش بكده
رغد بإستغراب حمل ! لا طبعا مفيش الكلام ده 
نادية يعني ايه مفيش الكلام ده واحدة متجوزة طبيعي يحصل حمل في أي وقت 
رغد بثقة اطمني مفيش حاجة هتحصل 
نادية بشك ايه الثقة دي أوعي يا بت لتكوني بتاخدي حاجة تمنع الحمل 
رغد الموضوع مش كده خالص 
نادية طيب فهميني هتخبي على أمك 
رغد خلاص بقا يا ماما متشغليش بالك 
نادية وهي تضيق عينيها مخبية عني ايه يارغد قولي 
رغد معنديش حاجة أخبيها أنا كويسة ومرتاحة 
نادية لا في يبقى هو معترض على الموضوع ده بس ده أبسط حقوقك أنا هخرج أتكلم معاه 
رغد وهي تمسك يد والدتها استني يا ماما الموضوع مش كده خالص خلاص هقولك بس ده سر بينا قبل ما اقولك مش عايزاكي تتصرفي تصرف يلخبط الدنيا ممكن 
نادية أنطقي يا رغد فيه ايه 
رغد وهي تفرك يدها بتوتر أخذت نفسا عميقا أردفت مفيش حاجة حصلت بيني وبين يونس خالص مقربش مني أصلا أنا لسه بنت 
نادية پصدمة ..............
نادية پصدمة وصوت عال نهارك أسود ومنيل لسه بنت 9شهور عايشين ف بيت واحد زي الإخوات
رغد بعد إذنك يا ماما واطي صوتك يونس وأبوه بره عشان خاطري ليسمعوكي
نادية خاېفة من ايه أنتي جبتيه يا بت 
رغد وهي تحرك رأسها بنعم 
نادية عشان كده ساكتة وجلست بجانب رغد على الفراش وأكملت حبتيه في الفترة القصيرة دي 
رغد بصدق لااا أنا بحبه من زمان من أيام الثانوي 
نادية بذهول يا لهوي ومخبية عني أخص عليكي بس مش ده المهم عايزاة يحبك 
رغد ياريت بس إزاي 
نادية أنا هقول لك .............
ف الإسكندرية
مي وهي تجلس مع يامن 
أردف أهم حاجة عشان تبقي محترفة في التصوير في كام حاجة كده تعملي حسابهم 
مي بتركيز ايه هما 
يامن أول حاجة الإضاءة والإختيار الدقيق المناسب للصور والأهم الإضاءة الخلفية المناسبة للصورة اللي عايزة تصوريها 
تاني حاجة حسك الفني في إنتاج الصور بالمواصفات الفنية المناسبة تكوني عارفة كويس أوي إن 
التصوير الليلي غير التصوير النهاري في كل حاجة 
تالت حاجة قدرتك الإبداعية في تصوير الصور من عدة زوايا عندك فكرة عن معدات التصوير 
مي بصراحة لا معنديش 
يامن تعرفي وتتعلمي لأنه ضروري 
مي مفيش مشكلة أتعلم 
يامن الموهبة موجودة بس عايزة تدريبات أكتر من كده مع المعلومات اللي أضفتها ليكي عشان تنضمي لفريق العمل موفقة 
مي شكرا لحضرتك يا أستاذ يامن أن شاء الله هحاول انفذ كلامك 
يامن منتظر شغلك الجديد مش هحدد ميعاد وقت لم تخلصي ابعتيهم أشوفهم لو عجبوني هتستلمي شغلك مع التيم بتاعك 
مي أوك
ف القاهرة 
يونس بعد إذنك يا بابا سبني أعمل اللي أنا عايزة ممكن 
محمد رغد مش وحشة يا يونس قرب منها وهتحبها
يونس أنا معترف انها مش وحشة بس يا بابا .....
محمد بمقاطعة يا حبيبي الله يهديك الحياة مش بتقفل بابها في وش حد أحيانا الفرصة التانية تكون حياة جديدة رغد مراتك وليها حقوق وواجبات عليك أقعد أتكلم معاها مش هتخسر حاجة وانا شوفت

الشهور اللي فاتت عملت واجبك معاها بس مش كزوج لا كنت متعاطف مع حالة رغد أنا فاهمك وعارفك كويس أوي وقفتك مع رغد كمساعدة مش دعم زوج لزوجتة جسمك مع رغد. بس قلبك وعقلك مع مريم وذكرياتها
يونس وهو ينظر لوالده ولا يتكلم لأن معه حق في كل كلمة 
محمد قرب منها أتكلم معاها
يونس أتكلم معاها في ايه 
محمد اتكلموا في الدين و المعتقدات بتحب ايه پتكره ايه 
اتكلموا في المسؤوليات والواجبات مين عليه ايه 
اتكلموا في طريقة اللبس اللي بيرتاح فيها كل واحد فيكم الأكلات المفضلة عند كل حد فيكم الحاجات دي 
مش هقولك الجواز ومستقبل الحياة الزوجية لانكم انتم الاتنين مش مستعدين للخطوة والعلاقة دي لان ظروف جوازكم جت فجأة صاحب رغد يا يونس أسمع مني يا ابني
يونس بضيق مش قادر يا بابا تعلقي وحبي لمريم غير عادي انا مكنتش متخيل أنها هتروح مني كده وفجأة 
محمد دي أقدار مكتوبة يا يونس لو كل شخص ېموت عزيز ليه يوقف حياتة كانت حياة كل الناس وقفت حاول تخرج من اللي أنت فيه لانه صعب تستمر على وضعك ده طول العمر
بعد أن أنهى حديثة
نهض من جانبة وأردف عموما براحتك يا يونس أعمل اللي يريحك أنا نصحتك وأنت حر
ف غرفة رغد
رغد لاااااا مستحيل أعمل كده بتقولي ايه لا طبعا أنا فكرت من جميع الجهات لقيت الموضوع مش هينفع 
نادية اسمعي كلام أمك تكسبي 
رغد أنتي عايزاة ياخد عني فكرة غلط 
نادية أنتي عايزة تشيلني يا بت ده جوزك يا هبلة ومش عيب ولا حرام أسمعي الكلام وبس 
رغد هشوف هقدر ولا لاء
نادية مفيش حاجة أسمها هشوف اسمها حاضر هنفذ 
رغد حاضر يا ماما ربنا يستر بقى
ف الإسكندرية 
أمام البحر 
آسر من خلف مي أردف كنت متأكد اني هلاقيكي هنا 
مي آسر جيت امتي
آسر وصلت الفجر واضح كده أن التصوير أخدك مني 
مي بصراحة أيوة 
آسر معترفة كمان 
مي لان ده فعلا اللي بيحصل 
آسر أتغيرتي أوي 
مي الفضل لله ثم ليك أنت والدكتورة حبيبة ليها السبب الأكبر مش هنساة طول عمري كفاية قربتني من ربنا 
وقربتني من أهلي عارف بقى ناقص ايه عشان ارتاح 
آسر ايه يا مي 
مي أقابل رغد واعتذر منها دي مهما كانت صاحبتي وعشرة عمر وأبدأ معاها صفحة جديدة بكل حب تيجي معايا 
آسر عند رغد لاااااا وجوزها العملاق دة مش بعيد لو شافني يموتني لاااا مش رايح تاني غير كدة كمان أروح معاكي ازاي ورغد أصلا لحد دلوقتي متعرفش أصل علاقتنا 
مي بذهول انت روحت ل رغد وشوفت جوزها أمتي 
آسر أيوة واټخانق معايا وبهدلني 
مي بتذكر أوعى يكون يوم الجلسة لم كان وشك متبهدل أنت بتكدب عليا يا آسر 
آسر ڠصب عني بصراحة مكنتش عايز أقولك 
مي ليبيه يا آسر مصارحتنيش 
آسر مش عارف يا مي يمكن الوقت مكنش مناسب عموما أنتي عرفتي الحقيقة عايزة تشوفيها روحلها 
مي جبان أنا فعلا هروح لها أطمن عليها
ف القاهرة 
ف المساء يدق جرس الباب فيذهب محمدلفتح الباب وجد أمامه مي 
محمد انتي مين يا بنتي 
مي انا مي صاحبة رغد هي موجودة 
محمد أيوة اتفضلي 
دلفت مي للداخل وجدت يونس أردفت ممكن أشوف رغد
يونس ثواني أبلغها 
وذهب للغرفة وطرق الباب ودلف 
يونس صاحبتك بره 
رغد صاحبتي مين 
يونس صاحبتك اللي جت قبل كده 
رغد مي ډخلها 
يونس وهو يخرج من الغرفة ويسمح ل مي بالدخول
مي وهي ټحتضنها رغد عاملة ايه حمدالله على سلامتك 
رغد الله يسلمك وحشاني خالص فينك 
مي موجودة واتجهت ناحية نادية وأردفت أذيك يا طنط 
نادية اهلا يا حبيبتي نورتينا 
مي تسلميلي
ووجهت نظرها لرغد وأردفت أنا آسفة اني بعدت عنك طول الفترة دي سامحيني بس ڠصب عني 
رغد ولا يهمك المهم انك بخير وكويسة 
مي بحب صادق أنا بخير طول ما أنتي كويسة يا رغد 
رغد مالك يا مي حاسة انك متغيرة ف حاجة مضايقاكي 
مي لا أبدا مفيش وأخذت نفسا عميقا وأردفت بالعكس