اية حمام حصريا
انت في الصفحة 1 من 6 صفحات
هو الرز عامل كدا ليه
معلش يا حمزة سرحت شوية ف الشعرية إتحرقت
دي مش أول مرة
بتعلم يا حمزة وقولت سوري كان ڠصب عني
تتعلمي إيه بقالنا 5 شهور ولسة مبتعرفيش تطبخي فيه ست بيت كدا أصلا
حمزة أنت ليه أوڤر كدا مش أول مرة علفكرة ولو مش عاجبك هقوم أعمل لك غيره
ولا غيره ولا زفت وعلشان مش أول مرة ف أنا زهقت
عملت كيك بتحبه ممكن تدوقه
بلاش لا يكون محروق هو كمان أو جيباه من برا ما أنت لسة بتتعلمي!
هو ليه رد كدا الجملة وجعتني حتى لو أنا فاشلة بس مكانش مفروض يرد بالطريقة دي فين جبر الخاطر ڠصب عني عيني دمعت من سخريته سيبت الطبق جنبه وخرجت روحت الأوضة التانية
قرأت أذكار الصباح وورد القرآن بعدين قومت أجهز له هدومه والفطار قام لبس وفطر ومشى وكلامه كان محدود
هو أكيد كل دا مش بسبب الرز أكيد فيه حاجه تانية مغيراه من ناحيتي حاولت أفكر في طريقة أصالحه بيها حتى لو مش غلطانة بس أنا مش هستحمل نعيش بالشكل دا بعت له ماسدج إني رايحة المول وروحت جبت له ساعة شيك وجيت جهزت البلكونة بطريقة لطيفة واستنيته لما جه
الله يسلمك
غير هدومك وصلي المغرب وتعالى البلكونة
دخل يغير هدومه من غير ما يرد وأنا دخلت أستناه في البلكونة لحد ما حسيت بيه قرب
إيه رأيك
بقالنا كتير مقعدناش كدا وكمان جهزت فيلم كرتون جميل وجايبالك هدية وبقول لك متزعلش حقك عليا لو زعلتك
آية أنا مش في المود دا أنا جاي من الشغل تعبان ويادوب أتغدى وأنام
طب تعالى بس أقعد وإحكيلي تعبان من إيه وحط راسك على كتفي كدا وصدقني هتكون كويس
فضل باصص في عيني بصة قلقتني حاول يقوم تاني لكن وقفت قصاده أمنعه
حمزة مالك بجد فيه إيه هو أنا عملت حاجة مزعلاك مني للدرجة دي
معملتيش يا آية بس بجد محتاج أنام
يعني هو لما هقعد معاك دلوقتي هترتاحي يا آية دماغك هترتاح مهم عندك راحتك ومش مهم خالص أنا تعبان أو زي الزفت
والمفروض لما تتعب تحكيلي وتشاركني علشان أنا مراتك ودا من حقي إنما متعاملنيش كإني نكرة دوري كله زي الجارية أنضف وأطبخ
أقول لك مش نايم أنا نازل
وقبل ما أرد عليه كان سابني ونزل قعدت أعيط هو معقول يكون مش بيحبني!!
طب ممكن يكون بيخوني!!
أسئلة كتير بتدور في مخي ومش لاقية لها تفسير
قعدت مستنياه لحد الساعه 11لكن مجاش المفروض إن بكرة الجمعة ومعزومين عند مامته!
بعد حوالي ساعتين لقيته جه ودخل نام علطول
فضلت أبص عليه وهو نايم حسست بإيدي على وشه وشعره لكن حسيت
