ضحي كارم
لما قعد مع بابا قاله سناء هي اللي هتعوضني عن مراتي اللي ماټت يعني عايزني سد خانة
حافظة مش فاهمة يا ربي سد خانة إيه ! دا هيتجوزك يابنتي
لاء و قولي لأخوك سناء بح مش موافقة و بطل تزن عليها و ريح دماغك عشان متكسرهلكش
هي إيه
دماغه.
أعرف كريم من زمان كنا في الجامعة مع بعض أنا و هو و أخته كنا زمايل و مع بعض دايما في كل الخروجات و في كل الحفلات كنت موجودة قدامه طول الوقت كنت دايما جانبه لكن مكانش شايفني كنت دايما مستنيه منه كلمة كلمة واحدة بس بحبك
دخلت الشركة اللي إحنا التلاتة برضو متعينيين فيها أو بمعنى أصح اللي أنا اتعينت فيها من بعده عشان أبقا قريبة منه أبقا جانبه و شيفاه دايما و يا ريتني ما مشيت ورا قلبي عشان الشخص اللي حبيته من تلات سنين حب بنت مدير الشركة و اتجوزها و كنت بشوفهم كل يوم و هما داخلين من باب الشركة كان قلبي پيتحرق زي الفحمة و بيتعصر و ېصرخ من غير صوت لكن عمري ما اتمنيت ده يحصل عمري ما اتمنيت إنه هو قلبه يوجعه بالشكل ده .
صباح الجبنة الكيري يا معذبة تفكيري
رديت عليه و كتبتله
بلدي أنت أو على فكرة
بعتلي ايموشن ضحكة و بعدين كتب
طب تيجي نشرب اتنين قهوة يمكن تحبيني في سهوة
ف كتبتله
تيجي تحل عن دماغي يمكن معملش فيك شاكوة
شكوة مفيهاش ألف
لفيت بالكرسي و قولتله...
أنت مش وراك شغل
لاء ورايا كرسي
اتنهدت و قولتله
عايز إيه يا كريم
بجد مش عارفه
ده مكان شغل
الأماكن بتتغير لكن القلوب لاء
و من إمتى ما لو سما مراتك متوفتش مكنتش هتشوفني أصلا!
بس أنا مبتكلمش عني
..
قرب و هو واقف قدامي و هو بيحط ايديه الاتنين على ايدين الكرسي بتاعي و قال
للحظات بنكون عايزين ننسى كل حاجة و نتاخد و نعيط للحظات بنكون مش عايزين كلمة عايزين من حد بنحبه.
مبحبكش
علي صوتك
رفعت صوتي و قولت پغضب
مبحبكش سمعتني مبحبكش
قرب دماغه من دماغي و قال
حطي عينك في عيني و قوليها
إذا تفوه فمي بتلك الكذبه كيف ستكذب عيني و هي تفيض بحبك !
حطيت وشي في الأرض بحاول اداري عيوني رفعلي وشي خلا عيني قصاد عيونه و قال بصوت واطي قريب للحزن
للأسف المرادي مقدرتش أمسك دموعي و نزلت دمعه من عيني على إيديه ف زقيته بسرعة بعيد عني و شديت شنطتي و جريت لبرا مكتبي و أنا بعيط ف خبطت في إسراء اخته
