العنيد والمتمردة

انت لسه عايز تتجوزني 
هو حد قالك اني بطلت ولا اي منه ريحي نفسك خالص هتجوزك يعني هتجوزك
بتتكلم بصوت واطي دانت تنح بشكل 
_سمعتك ع فكره
وصلها البيت ودخلت تتسحب علشان امها متقفشهاش
فجأه النور اتفتح ووالدها ووالدتها كانو قاعدين مستنينها
والدتها اهلا بالرقاصه
والدها خلصتي شغل ف الكباريه ولا لسه 

منه اتخضت ههه اي ياجماعه انتو صدقتو دانا كنت بهزر استهدو بالله كدا والصباح رباح
وهي داخله ع اوضتها والدتها قالتلها يكون ف علمك احنا حددنا معاد الفرح مع أهل خالد
منه اټصدمت فرح اي هما مكنوش طفشو
والدها لا اطمني احنا عرفنا نتصرف وفي حاجه كمان مفيش خروج بره البيت لحد معاد الفرح وورينا بقى هتعملي اي تاني
دخلت ع اوضتها ټعيط وقفلت الباب وراها جامد
رمت نفسها واستسلمت خلاص
_______
نهار يوم جديد
منه طول اليوم نايمه وملهاش نفس لأي حاجه حتى الاكل بطلت تاكل
والدتها ووالدها صعبان عليهم حالها وخايفين يكونو بيظلموها معاهم
والدتها دخلت تتكلم معاها 
هتفضلي عامله ف نفسك كدا كتير موبايلك مبترديش عليه وحتى الاكل مبتاكليش
منه بترد بأكتئاب ماما سيبيني زي مانا وصحيني ع معاد الفرح
_يابنتي حرام عليكي نفسك اي بنت ف الدنيا حلمها أنها تتجوز وتكون اسره وتعيش حياتها مع شخص بتحبه
راحت شاده الغطا من عليها و قاعده ع السرير بس أنا مش عايزه اعمل اسره أنا عايزه اعيش الحياه بحريه تعرفي ياماما اقولك حاجه أنا شايفه الجواز زي الۏحش بيفضل ينهش ف لحم البنت لحد ماتخلص من شغل البيت لتربية عيال حتى الزوج أنا الي هشيل مسؤوليته
والدتها ابتسمت مين قال كدا ياقلب ماما الجواز داه يعني حب وأمان وحاجات كتير حلوه دي سنة الحياه يامنه ولازم منها يابنتي وبعدين خالد جدع ابن حلال وطيب وهيخاف عليكي وانا هبقى مطمنه عليكي معاه
منه شدت الغطا تاني ع وشها واترمت ع المخده أنتو ليه مش عايزين تصدقو أن خالد عايز يتجوزني عند
_عند اي يابنتي هو الجواز في عند
هبه صحبتها دخلت عليهم
_اي جماعه جو الاكتئاب الي ف الاوضه داه
_تعالي ياهبه عقليها علشان خاطري
_حاضر ياطنط سيبهالي انتي بس أنا هاخدها ونخرج
_لا خروج اي دا باباها حالف عليها مفيش خروج من البيت 
هبه مستغربه انتو حابسينها ولا اي
والدتها خرجت وهبه شدت الغطا من ع وش منه
_قومي يابت انتي بلاش دلع 
_مش عايزه اقوم ياهبه سيبيني دلوقتي
_مش هسيبك قومي فرفشي كدا
_فرفشي انتي وسيبيني ف الي أنا فيه 
هبه حاولت معاها بس مفيش نتيجه
خالد بيحاول يتصل بيها بس هي مبتردش 
حاول أنه يروحلها البيت علشان يشوفها بس هي بترفض تقابله
خالد عرف من والدها أنه مانعها من الخروج
________
خالد قاعد مع محمد صاحبه
_مش عارف اعمل اي يامحمد اول مره اكون خاېف عليها كدا
_انت بتحبها 
_هكدب لو قولت لا 
_طب ماقولتلهاش كدا ليه
_انت عارف الكبرياء بيعمل اي
_بس الحب مفهوش كبرياء فهمها انك بتحبها وأنك مش متجوزها عند ولا حاجه 
_افهمها فين بس دا والدها حابسها ف البيت والموبايل مبتردش عليه مفيش حل غير اني اروح انده عليها من البلكونه
محمد ضحك هههههههه
_بتضحك ع اي انت كمان
_فكرتني بفيلم روبانزل ويوجين
خالد ابتسم تصدق انها بتحب الفيلم دا اوي 
وبعدين سرح شويه 
_محمد أنا لقيتها خلاص وقام سابه ومشي
_طب فهمني طيب لقيت اي انت يابني 
مردش وسابه ومشي
_ااه من الحب وعمايله
__________________
خالد راح ع بيت منه واتأكد أن كل اللي ف البيت نامو
نط من فوق صور الجنينه ووقف تحت بلكونتها وقالها 
_دلدلي شعرك ياروبانزل
سمعت الصوت قامت من تحت الغطا مخضوضه
بتبص من البلكونه لقيت خالد تحت 
خالد دلدلي شعرك ياروبانزل
منه اول لما شافته فضلت تضحك
خالد ابتسم وقالها وحشتيني
يتبع.......
9
خالد واقف لمنه تحت بلكونتها
_اي اللي انت بتعمله داه يامجنون
خالد ابتسم وحشتيني ومش عايزه تردي عليا ولا عايزه تشوفيني مفيش قدامي حل غير كدا
منه بتضحك ع شكله
_طب امشي يلا من هنا 
_لا مش همشي انزلي 
منه اتخضت
_انزل فين انت مچنون 
_نطي ومتخفيش لو اتكسرتي مية حته بردو هتجوزك
افتكرت موضوع الجواز وزعلت
خالد حس انها زعلانه 
_ع فكره بقي لو منزلتيش أنا هطلعلك وهتبقى ڤضيحه
_انت مچنون تطلع فين وبعدين بابا مانعني من الخروج ودا كلو بسببك
_طب حقك عليا متزعليش مني ها انزلي بقى
_انزل فين انت بتهزر 
_طيب بما إنك مش هتنزلي هطلع أنا 
وبيحاول يطلعلها 
منه اټصدمت
_خلاص خلاص خليك هنزل
منه بتحاول تنزل
_براحه لتقعي 
منه بتتكلم بكل ثقه واثق الخطا