اسمي بسمه
انت في الصفحة 1 من 3 صفحات
انا اسمي بسمه ماما مدرسه وبابا موظف وعايشين في حي شعبي حياه عاديه
ماما طول اليوم بره البيت تخلص المدرسه تطلع علي الدروس الخصوصيه وترجع اخر اليوم تعبانه ومش طايقه حد يكلمها وبابا يرجع من شغله العصر يتغدي ويرتاح شويه وينزل يقعد مع صحابه ميرجعش غير علي النوم واخويا الصغير طول اليوم في الشارع مفيش رقيب عليه ولا حد يقول له بتعمل ايه ولا رايح فين
ماما وبابا اتجوزو كبار في السن بابا كان ٤٠وماما ٣٦ وخلفونا ورا بعض فرق بين كل واحد والتاني سنتين علشان كده ماما كانت مدلعانا علي الاخر مفيش طلب نطلبه الا ويكون موجود عمرها ما رفضت لحد فينا اي طلب
انا مكانش في دماغي غير اني اخلص دراستي واشتغل عمري ما حبيت حد ولا كلمت حد زي باقي البنات الي في سني رغم ان ظروفي كانت تسمح لي اتعرف كل يوم علي واحد بس انا مش في بالي الموضوع ده
اول مخلصت كليتي اتقدم لي واحد من منطقتنا انا مكونتش اعرفه لكن هو قال انه متابعني من فتره ولاحظ اني محترمه وموءدبه ومش بروح هنا ولا هنا من البيت للكليه ومن الكليه للبيت
بس انا رفضت مكونتش عايزه ارتبط دلوقتي كنت عايزه اشتغل واطور نفسي
لما رفضته هو مستسلمش فضل كل مخرج الاقيه في وشي ويمشي ورايا ويحاول يكلمني ويجيب لي هدايا ويبعت لي ناس يكلموني عمل المستحيل علشان اوافق اتجوزه فضل علي الحال ده سنتين بصراحه مخبيش عليكم انا كنت مستمتعه بالحكايه دي شايفه واحد بيحبني وھيموت عليا وبيحاول يعمل اي حاجه علشان بس اوافق عليه
هو كان بيحاول يرضيني باي شكل رغم اني كنت بهزوءه وعمره ما شاف مني معامله حلوهلما اختفي فجاه حسيت اني ندمت علي الاوقات الي ضيعتها ندمت علي السنتين الي سبته يجري ورايا فيهم من غير ميشوف مني اي اهتمام
جربت اكتر من مره اتصل بالرقم الي كان بيكلمني منه لقيته مقفول حاولت اسال الناس الي كان بيخليهم يكلموني كلهم قالو انه اختفي
