ليلي كامله

كده عشان بدل ما تكونى ضيفة تبقي صاحبة بيت لكن ده بعدك كلها اسبوعين و اطلقك
قربت منى و لقيت دموعها ب تلمع_ انت مش فاهم حاجة يا يونس انا عمرى ما كنت اتمنى أشوه سمعتى كده
_اومال ليه ب تعملى كده
مش يمكن أكون ب أساعدك
_تساعدينى ب إنك تخربى حياتى انت مستفزة!! و دى كمان لو عاوزة تقوليها ل بابا قوليها ما بقاش يهمنى

لاء طبعا الست المحترمة اللى ما تطلعش أسرار جوزها برا يا يونس بعدين انا مش ه أخرب حياتك و ان كان على دينا مش ه تعرف إنك اتجوزتنى
_ده من غير رأيك ه يحصل و ه تشوفي يا ليلى انا ه أعمل ايه
فى الوقت ده ماما دخلت و لقيتها ب تزغرط مبروك يا حبيبى عملت لكم الأكل
_انتوا مش طبيعين بجد مش انتى كنت كرهاها
ماما ما تقدرش تكرهنى يا يونس انا بقيت مرات إبنها ولا ايه يا ماما
هو كده يا بنتى انا ه انزل انا بقى
زهقت من اللى شوفته و قررت انام يمكن اصحى و ألاقي كل ده كابوس إلا ما أجى أنام لقيتها نامت جنبى!!
_سريرك حلو يا يونس تصبح على خير يا حبيبى
ان شا لله ما تصبحى يا شيخة
أستغربت اوى من جراءة ليلى و لكن الغريب ان ليلى كمان كانت ب تتعامل ب طيبة شديدة ب تكسب رضايا ب اى طريقة بس ساعة لما تقلب على حد يبقى يا ويله!
و ده حصل لما كنا عازمين أهل دينا عندنا ليلى كانت ب تقدم العصير و وقع على رجل دينا شوية لا يذكروا لكن دينا رد فعلها كان فعلا قاسې.
معلش يا ست دينا انا اسفة و اللهى ه أنضفهه ليكى أوام
تنضفيه يا غبية انت عارفة ده ب كام بس انت ه تعرفي منين يا مقشفة!!
_خلاص يا دينا كفاية!!
انت مش شايف اللى عملته يا يونس
_قولت لك خلاص يا دينا
لاء مش خلاص تيجى تعتذر لى حالا
_تعتذر ده ايه ده وقع منها نقطتين دينا انت زود
انا أسفة يا ست دينا!!
أندهشت جدا من ليلى إزاى تعتذر ب السهولة دى
و لما كنا على الأكل دينا كانت ب تاكل و فجأة من غير مقدمات الشوربة وقعت على رجل دينا ف صړخت جامد و العجيب ان ليلى بعيد لكنى كنت مركز و شوفت عنيها على الطبق قبل ما يحصل حاجه!!
جرينا على المستشفى و دينا رجليها أتشوهت خالص!!
_انت عايزة مننا ايه قوليلى عايزة ايه
انت ايه شيطانة
انا عملت ايه بس يا يونس كل ده عشان وقعت العصير على رجلين دينا ما انا اتأسفت
_انت عارفة انت عملتى ايه شوهتى رجليها
بس يا يونس كفاية ليلى ما لهاش دخل اصلا فى اللى حصل
_انا شوفتها ب عينى ب تبص ل الطبق
لاا ده انت مش طبيعى بقى إظاهر إن اللى حصل مأثر عليك و ب تتهم بيه البنت الغلبانة اللى قعدت سنين أدور عليها
معلش يا عمو انا ه أهديه
أصيلة يا بنتى
بابا مشي و لقيت ليلى ب تقعدنى على كرسى و قالت ب الراحة
بس أهدى يا يونس انت محتاج تهدى
نزلت ل مستوايا و لمست وشى ب الراحة و بصت لى فى عينى كنت بهدا لاء انا ب أتوه و مش فاكر كنت مضايق ليه

انا مش وحشة كده يا يونس الۏحش هو اللى ب يجبر البريئ يظهر ب وش كله شړ
_انت مين يا ليلى
بصت لى تانى فى عينى و كانت بريئة اوى بس كانت ب تشدنى ل دنيا تانية سارة_بكرى
انا مراتك يا يونس
_طب انا ه اسألك السؤال ب صيغة تانية عاوزة منى اى
عاوزاك تكون سعيد طبعا انت الوحيد اللى ممكن أعمل اى حاجة عشانه لأنك أنضف واحد عرفته من بعد ما بابا ماټ.
حطت إيديها الأتنين على وشى و قربت وشها من وشي.
مش ب أقول لك بابا حكى لى عنك كتير
و من غير ما أحس لقيت نفسى ب أقرب منها عشان تكون مراتي فعليا!!
و عدت فترة بسيطة و أتجوزت انا و دينا و فى
الفرح عينى كانت على ليلى اللى كانت متألقة