رحاب القاضي
انت في الصفحة 1 من 7 صفحات
السلام عليكم يااحلي متابعين في الدنيا يارب تكونوا بخير وسعاده وراحة بال انهارده جيبالكم قصة احداثها حقيقيه وحصلت بالفعل بس في الاول نصلي علي رسولنا الكريم اللهم صل وبارك عليك ياشافيعي يا رسول الله ومننساش الايك ياحبيبي قلبي ودلوقتي يلا بينا نبدا حكاينتا
وقبل ما نبدا حكايتنا النهارده اعرفكم علي بطلتنا واللي اسمها نور وعندها 21 سنه عايشه هي واخوها الصغير اللي عنده 12 سنه مع مرات ابوها وابوها في شقه حلوه جدا
وفي يوم صحيت من النوم علي صوت مرات ابوها لما دخلت عندهم الاوضه وزعقت فيهم وقالت بعصبيه
ما تقومي يا اختي كل ده نوم انتي والمنيل علي عينه اخوكي
نور قامت مفزوعه وقالت
في ايه يا مرات ابويا مليون مره اقولك بلاش تدخلي تزعقي كده كل يوم الصبح ياسين بېخاف حرام عليكي
فايزه
حرمت عليكي عيشتك يا اختي انتي من علي الصبح كده هتحللي وتحرمي عليا قومي فزي شوفي الفطار اللي هيتجهز
نور
حاضر يا مرات ابويا دقيقه واحده هصحي ياسين واجي اجهزلكم الفطار
فايزه
يا اختي اخوكي ده بقي طولك سيبيه يصحي واحده وبطلي والنبي دلع فيه وكلام فاضي هتخربي الواد يا منيله
يوووه حاضر يا مرات ابويا هبقي ابطل ادلع فيه ممكن بقي تطلعي عشان اصحيه
فايزه
هو انا يعني مسكاكي ما تصحيه يا حبيبتي اديني طالعه عشان بس مش عايزه مشاكل علي الصبح
وطلعت فايزه ونولر قالت لنفسها
مش عايزه مشاكل ازاي وانتي اكبر مشكله في حياتي
قام اخوها وهو بيضحك وقال
ههههههههه انا صاحي وكنت عامل نفسي نايم عشان هي لما بتشوفني صاحي بتيجي و تمسكني من ودني اووي او تشدلي شعري
نور
يا قلب اختك انت انا مش هخليها تعملك حاجه تاني وحشه اطمن يا قلبي اختك معاااك ومش هتسيك خالص
ياسين
ايوه يارب فايزه بس هي اللي تسيبنا وانا وانتي وبابا نعيش لوحدنا عارفه والوليه البراويه دي بحسها شبه شكوكه سعات
ههههههه يا لمض انت ايه اللي عرفك شكوكه اصلا
ياسين لوي بوزه وقال
يا اختي من القعجه في البيت والهم رموني علي التلفزيون
نور
طيب قومي يا خالتي عشان تغسلي اسنانك وتروحي المدرسه
ياسين
قايمه يا عين خالتك قاايمه
قام ياسين ونور فلت تضحك عليه وعلي شقاوته وخفت دمه معاها وبعدين قامت عملت الفطار ورجعت غيرت هدومها عشان تروح الجامعه واول ما طلعت عي واخوها من اوضتهم لقيو بابهم ومراته قاعدين بيفط
بيفطرو وفايزه قالت
فايزه
بقولك ايه اعملي سندوتش لاخوكي وانتي مالكيش فطار النهارده
ليه بس كده يا فايوخ البت عندها جامعه وطول اليوم اكيد هتكون تعبانه لو ما فطرتش
فايزه
تعالي يا اخويا كمان اديني قلين انا حره اربيهم زي ما انا عايزه وانتو تسمعو الكلام
صلاح پخوف
خلاص يا حبيبتي اللي تشوفيه انا تحت امرك فيه
غملت نور سندوتش لاخوها وقالت
اطمن يا
بابا انا اصلا مش جعانه كملو انتو فطاركم
واخدت اخوها ونزلو وقالت نور
اسمع كل السندوتش ده دلوقتي والاكل اللي اجيبهولك دلوقتي ده يتاكل وقت البريك
ياسين
حاضر بس تعرفي يا نور انا مش عايز اتجوز انا بخاف من الجواز
نوؤر
ليه كده بقي پتخاف من الجواز وبعدين انت تعرف ايه عن الجواز عشان تخااف منه
يتسين
ما انا مش عايز اتجوز واحده زي فايزه وابقي خاېف منها زي بابا
ضحكت نور وقالت
هههههه يا ولد اسمها طنط فايزه وبعدين بابا مش بېخاف منها هو بس بيحبها ومش عايز يزعلها
ياسين
انتي ختضحكي عليا هي فايزه دي حد يقدر يزعلها دي تزعل بلد
نور ابتسمت وقالت
علي رئيك والله دي تزعل بلاااد كمان مش بلد واحده ربنا ينتقم منها
ووصلت اخوها المدرسه وراحت هي الجامعه بتاعتها
