رحاب القاضي
بسرعه وفي البيت كانت فايزه بتزعق مع جوزها وبتقوله
فايزه
وانا تعبت يا اخويا من شغل البيت وهي كلمه يا تقعد بنتك من الجامعه عشان تشوف شغل البيت يا تجيبلي شغاله
صلاح
اييه شغاله حته واحده يا ستي اللي بيتعيك سيبيه لما نور ترجع تعمله
فايزه پحده
وانا اسيب بقي الدنيا ټضرب تقلب لحد ما بنتك تتكرم علينا وتيجي
بقولك ايه انا هعمل شغل البيت لحد البنت ما ترجع من كليتها
فايزه
بشوقك يا اخويا وهبقي اخلي الواد اسلام ابني يقعد في المحل تحت مكانك لحد ما انت تخلص شغل البيت
وفي الجامعه كانت نور طالعه بعد ما خلصت محاضراتها ومعاها ريم صاحبتها اللي قالت
ريم
اهو خالد اخويا جه ما تيجي معانا بالمره اهو نوصلك في طريقنا
لا لا انا مش عايزه مشاكل والزفت ابن مرات ابويا قاعد طول النهار لي القهوه في اول الشارع
قرب منهم خالد اخو ريم وقال
ازيك يا نور عامله ايه
نور بتوتر
انا الحمد لله يا خالد كويسه بعد اذنكم عشان ما اتأخرش
خالد
طيب ما تستني اوصلك في طريقي انا معايا العربيه الجديده بتاعتي
نور
الف مبروك عليها بس شكرا جدا انا متعوده اروح بتاكسي بعد اذنكم سلام يا ريم
خف شويه شكلك مفضوح اووي قدام البنت
خالد
بحبها يا ريم ونفسي بجد توافق بيا واتجوزها واعوضها عن اللي شافته مع ابوها ومرات ابوها
ريم
طيب واخوها هي مستحيل توافق تتجوز وتسيب اخوها لجوز امها
خالد
قفلتيها يا ريم في وشي يلا يا اختي نروح
وركبت ريم العربيه مع اخوها ومشيو وفي بيت ابو نور اول ما وصلت ودخلت البيت لقيت اسلام ابن مرات ابوها قاعد في الصاله
جرا ايه يا حبيبتي ده بيته زي ما هو بيتك ويقعد براحته مش كفايه كان طول اليوم واقف مكان ابوكي في المحل
نور بسخريه
هه ويا تارا بقي قلب كام النهارده من ايراد المحل يا مرات ابويا
اسلام بتوتر
هاا بقي دي اخرتها يا نور اخص عليكي ده انا امين اووي وعمري ما اخون الامانه اللي امني عليها الراجل اللي بعتبره زي ابويا
وفر كلامك ده ليك ولامك انا داخله جوه اغير هدومي
فايزه
طيب انجزي يلا عشان تيجي تجهزي الغدا مش هنفضل قاعدين جعانين كده كتير
سابتهم نور ودخلت اوضتها ولقيت اخوها الصغير قاعد علي السرير وخاايف
نور
مالك يا ياسين يا حبيبي قاعد ليه كده
ياسين پخوف
لا لا ما فيش حاجه انا بس عندي مذاكره كتير
ما انت لو بتسمع كلامي يا ياسين وبتذاكر كل يوم بيومه ما كانش شكلك بقي كده
وراحت طلعت هدوم من الدولاب وقالت
بس ما تزعلش استني اجهز الغدا وبعد ما نتغدي نقعد نذاكر سوا
ودخلت نور غيرت هدومها وطلعت جهزت الاكل وطلع باباها عشان يتغدي معاهم وبعد الغدا قالت فايزه قدام الكل
فايزه
بقولك ايه يا صلاح احنا عايزين نفرح بالعيال بقي
صلاح بقلق
مم مش وقته الكلام ده يا حبيبتي انا بقول نشرب شاي ممكن يا نور تعمليلنا شاي
اسلام بسرعه
لا يا عمي انا بنفسي اللي هعمل الشاي وهعملك كوباية شاي بالنعناع من اللي بتحبها
صلاح
تسلم يا ابني ربنا يبارك فيك ويخليك يا رب
ودخل اسلام المطبخ وكان بيبص لفايزه بنظرات غريبه وفايزه بعدها قالت پغضب
فايزه
انا خلاص صبرت كتير وابني كبر وبقي سيد الرجاله وانا عايزه افرح بيه
نور
انا مش فاهمه انتي بتلمحي لايه يا مرات ابويا ما تتكلمي علي طول
فايزه
هقولك يا نور انا اتفقت مع ابوكي اننا نقرا فاتحتك انتي واسلام ابني ونعمل خطوبه قريب واهو يبقي زيتنا في دقيقنا
نور بعصبيه
بلا زيت بلا مايه يا مرات ابويا ويكون في علمك
