الفتاه الحزينه
لسه قايل من شويه إن الدنيا معتش سقعة
_ بستهبل بحور عشان اقلع الجاكت انا حر
قطمت قطمة من السندوتش انت عارف اني عبيطة هبل مش كده
_ اكيد عارف
طب اطلع برا بقي بدل ما افرج الدنيا علينا
_ انتي محدش يعرف يتفك معاكي بكلمتين امسكي
أي الي في الكيسه دييي
_ كيسه أوعا بقيتي عشوائية هذا هو زوقي
_ انتي لي بتسألي اسئلة تخليني اطفح عواقب افعالي لي بجد
شكرا مش عارفه اقولك أي
قعد جمبي _ أنا الي مش عارف اقولك أي ب ربنا ثم انتي كان ممكن اخسر اعز شخص بالنسبالي والي باقيلي انتي من غير ما تاخدي بالك انقذتي روحين مش روح واحدة أنا لو فضلت اشكرك عمري مش هقدر اوفيلك الي عملتيه معايا
برا!
ضحك _ تصبحي علي خير
وانت من اهله
طلع برا وانا خلاص عرفت الليلة دي اني وقعت واتأكدت اني حبيته! وقعت لشوشتي في مهندس! يادي القرف .
_ صباح الخير
صباح الخير ثواني هشوف هتلبس أي
_ اسمها هشوف هتلبس أي يجوزي يحبيبي
هلبس الدولاب في وشك لو متظبطش اصطبح
نقتله احلي بدلة عنده عشان كان عنده شغل مهم النهاردة
_ ها اي رايك
مش بطال ماشي حالك
ولي التقل ولييي التقل ما أقوله أنه القمر هو حبيبي والنجوم في عيون حبيبي هو انا هطلع اتقل من الست ام كلثوم ولا اييي!
مشي وفطرت وقعدت استناه كالعادة بس رجع علي غير العادة!
احمد احمد مالك انت مضړوب
_ اه اه حاسبي
جريت علي علبة الاسعافات وجبت منها القطن والمطهر كان بوقه پينزف وعينه وارمة
في اييي
_ مفيش وقعت في الشغل
وقعت انت شكلك حد ضاربك
_ خبطت في ترلة
ارتاحتي
يا اعمي امال ملبسينك نضارة لييي يخربيت القرف
_ انتي كده بتهوني عليا
عينك دي بټوجعك
_ لا وارمة من الشمس حاسبي دا انتي تنقطي
الف سلامه عليك يا احمد
مالك
_ ها مفيش تعبان شويه
طب ادخل ارتاح
_ الاوضه
اه امال اسيبك متلقح في الكنبة
_ طب منا متلقح كل يوم اشمعنا دلوقتي
صعبان عليا
_ مهو بتبدأ ب كده
متتلم بقي في نهارك دا هيحصل فيك أي اكتر من الي انت فيه
_ ماشي يروحي مقبولة منك
دخل نام علي طول كان شكله تعبان ف اطبخله بقي أنا شكلي هطبخله
فتحت الفريزر لقيت فرخة وكيس لحمه يلا استعينا علي الشقا بالله بعد ساعتين كنت عاملة اجمد سفرة بجد
احمد احمد اصحي
_ اي أي انتي كويسة
أيوة! يلا عشان تاكل
_ أكل! بس انا مجبتش اكل
لا منا الي طابخة
_ طابخة احيه
قام طلع بسرعة برا _ لي يمريم لي الفرخة دي كنت شايلها ل رمضان و.. دي لحمه
أيوة
_ يمريم ليييييي طب فين الشوربة
لا منا عملتها استيك
_ دا انا هخليكي استك في الايد دلوقتي معملتيش شوربة لحمة ليي
اقعد كل ومتصدعناش
قعد وشرب شوربه الفراخ ف وشه كرمش _ انتي حطيتي ملح
حطيت ميا
_ والله امممم طب مش هعصب نفسي المهم الفراخ
داق حته من الورك _ مين الشمام الي علمك الطبخ
كتاب أبلة نظيرة
_ دا أبلة بهيمة كنتي سبيني اطبخها أنا كنتي سبيني اۏلع مرمي علي السرير لي يمريم
انت هتقعد تولولي كتير
_ هناكل اي دلوقتي
لا منا طلبت بيتزاية ليا
_ وسيباني ادوق الاكل دا ليه
امال أنا واقفه في المطبخ ساعتين عشان خاطر مين وبعدين ازاي الاكل مش عاجبك طلقني
_ روحي منك لله أنا معتش متكلم معاكي اوعي من وشي
والله براحتك
_ احممم مريم ممكن توريني البتزاية دي بتتكلم عن اي
مش انت معتش متكلم معايا
_ فشړ يحبيبتي مقدرش الفراخ كانت تهبل
قعدنا ناكل واحنا بنستعوض ربنا في الفراخ وفيا كنت ملاحظة أنه متغير ساكت مش بيتكلم حاولت اعرف ماله بس الرد ب كلمه مفيش
مالك
