لو پتخاف من العفاريت

تسجيل بمجرد ما يكسب هتتمنتج وتتعرض بشكل كويس وخلصنا لكن في الحقيقة هي كاميرات بث مباشر على جميع تليفزيونات اليابان بث مباشر بيتابعه ١٧ مليون بني آدم! ١٧ مليون بني آدم بيتفرجوا على إنسان قاعد جوه أوضة وعشان يعني الإنسانية فغطوا باستيكر بتنجانة ومن هنا جه اسم ناسوبي البتنجانة.
مع الوقت مكنش فيه أكل مفيش نوم مفيش شرب قاعد محبو س في أوضة لا بيكلم ولا بيشوف حد فبدأت سلوكايته تتغير وبالتالي بتظهر على الشاشة والجمهور يضحك! وعشان منظمي البرنامج يضيفوا روح كوميديا كانوا بيحطوا مؤثرات صوتية عبارة عن أصوات ضحك لجمهور.

بعد ٣ أيام أخيرا الباب خبط وفرح ناسوبي أخيرا هيشوف إنسان ويكلمه ولقاه واحد من عمال البرنامج ومعاه أكل الأكل ده زود اضطرابه النفسي لأنه عبارة عن قطع جيلي صغيرة جدا تخيل واحد بقاله ٣ أيام ما أكلش ويلاقي جيلي فبدأ ياكله بنهم زي اللي أول مرة يشوف أكل وده زود مشاهدات وزود ضحكات الجمهور!
وبعد يومين كمان جابوا له ٥ كيلو رز بس رز ني مش مطبوخ حاول يطبخه لكنه فشل فأكله ني ففشل برضو لكنه حاول وخلطوا ببواقي الجيلي وسيحه على الڼار فأدى الغرض وأكل منه..
وكل مرة كان ناسوبي بيعدي من تحدي كان بيتم مكافأته بأشياء ملهاش قيمة ولا يقدر يستخدمها هو مش محتاج غير للأكل والشرب فاللي يبعت له عجلة واللي يبعتله صفارة واللي يبعت له كلب لعبة لدرجة أنه تعامل مع الكلب اللعبة على أنه شخص حقيقي وبدأ يتكلم معاه ويلاعبه كأنه إنسان وده طبعا كان بيزود الضحك عند الجمهور..
وشوية بشوية بدأ يدخل له أكل اكتر قطع لحم كان بيحطها على قلم ويحاول يشويها وطبعا ما بتستويش فياكلها نية وغيرها كتير وخلال الوقت ده كان جسده ضعف خس معظم وزنه فكانوا بيبعتوا له دكتور يبص عليه مش عشان خايفين عليه لا عشان يضمنوا بس أنه هيكمل ومش ھيموت من التعب الجسدي أو النفسي وهنا راح مرحلة جديدة لما جمع نص المبلغ تم الدخول عليه وهو نائم ونقلوه لغرفة جديدة بس فيها مكتب وتليفزيون وبلاي ستيشن بلاي ستيشن وان بتاع اليابانية ده فرح ناسوبي وسابوه ومشيوا.
الغريب إنهم ما اشترطوش عليه سابوا له هدوم عادي لما نقلوه لبسوه هدوم اصلا لكن لما بقى لوحده قلعها! ما بقاش قادر يتعايش إن جسمه يبقى عليه هدوم عاش ١١ شهر فمبقاش محتاج