حبيبي الهندي ايمان شلبي
ده انت مبقتش تعبدها دي رمز الحنان والعطاء دي حتي زي والدتك!
انتي يابت انتي ناويه تجلطيني
آريان حبيبي انت متأكد انك هندي
اه ليه
لا مفيش اصل اسلوبك يدل انك من عابدين
آريان وهو بيزوقها زقه بسيطه
انجري يابت من هنا روحي اعميلي ممبار
كمان لااااا ده ابو شيماء اتهور علي الاخر
امشي يابت من قدامي بدل ما ارزعك كف يلوحك
ليليان وهي بتلطم علي خدها
احيه يابو سوسو احييييه حد ينادي حد يكلم حد يجبلي جوزي الرقيق الحنين
ضحك علي رد فعلها وهو بيهز رأسه يمين وشمال بيأس
انا هنزل اقف مع عم منصور تحت شويه لحد ما تخلصي الممبار
خلصانه ياسطا
ياسطا في واحده تقول لجوزها ياسطا
انا عندك اعتراض
لا ياسيد المعلمين براحتك
حبيبي يابا الله يخليك
ليليااااان تعالي بسرعه
ليليان وهي بتخرج من المطبخ بقلق
ايه يانوران في ايه
نوران بلهفه
تعالي بسرعه شوفي آريان بيعمل ايه
طلعت تجري علي البلكونه كان آريان واقف وماسك راس الجاموسه وبيقرا قرءان وفجأه سلمتله رأسها واستسلمت لمصيرها من غير اي مجهود أو تعب!
منصور بذهول
ايه ده عملتها ازاي ديه ....انت عارف ان النوع ده مش بيستسلم بالساهل وكنت خاېف تهرب مني
لانك قبل ما تعمل كده لازم تقرا قرءان وتعمل شويه حاجات تخليها تسلمك نفسها هو ده الصح والحلال
منصور بفرحه
لا ده انت تيجي تشتغل معايا في العيد بقي!
من عينيا ياعم منصور تحت امرك
فوق كانت واقفه ليليان مذهول وفي نفس الوقت فرحانه
بقي معقوله
معقوله هو ده آريان اللي كان من سنه في نفس المكان بيحاول يهرب بقره لانه مقتنع انها بتتعبد وبس
رفع رأسه شافها واقفه من غير طرحه
برقلها وشاورلها تدخل هي ونوران
ليليان بهمس لنوران
احيه ده هيتحول اجري يا مجدي
دخلت نوران وهي مبسوطه وفجأه حضنت ليليان من غير اي مقدمات
ليليان باستغراب
يارب دايما ياحبيبتي بس ايه السبب
نوران وعيونها بتلمع بالدموع
لاني من وقت مۏت بابا وماما الله يرحمهم وانا محستش بالأمان إلا لما اتجوزتي آريان ...هو فعلا سند لينا واخ بيسمعني وينصحني وبيخاف عليا انا بعز آريان اوي اوي وبحبك اوي
حبيبتي وهو كمان بيعزك اوي اوي وانا بمۏت فيكي انتي مش اختي انتي بنتي الصغيره ربنا يخلينا لبعض يارب
الله اكبر الله اكبر الله اكبر لا اله إلا الله
الله اكبر الله اكبر ولله الحمد
يالا يالي لي بسرعه عايزين نلحق الصلاه!
قالها آريان بضيق من تأخير ليليان وهو واقف علي باب الحمام ولابس القفطان الأبيض بتاعه
قرب منها بقلق وحاوط وشها
مالك ياحبيبتي بټعيطي ليه
حطت الاختبار في أيده واترمت في حضنه وهي بترد بنبره كلها دموع
انا حامل
وحياه امك
قالها پصدمه وذهول وهو بيبعدها عن حضنه وبيحاوط أكتافها
ردت بابتسامه بسيطه
وحياه امي
شدها لحضنه مره تانيه وباس رأسها برقه
مبروك ياحبيبتي الف الف مبروك
نوران بفرحه
لولولولولي اخيرا هبقي خالتو الف الف مبروك ياقلبي
كانت لسه ليليان هترد بس سمعوا صوت ناس كتير بتصوت طلعوا يجروا علي البلكونه كان في عجل هربان وبيجري ورا الناس
آريان وهو بيبص علي مكان معين
نهار مش فااااايت
ليليان پخوف
ايه في ايه
بلع ريقه وبصلها بتوتر
بصراحه كده يعني انا قولت لاخويا راج يجي زياره علي مصر لانه وحشني وقولتله علي العنوان ....وبصراحه مكنتش اعرف هو جاي أمتي وبما أنه لسه متهداش للاسلام فقرر يتطوع وينقذ الإله المسكين زي أخوه ما عمل زمان!
ليليان وهي بتخبط علي وشها
ياختاااااااي هو انا كل شويه هعييد ده ايه الحزن
