اسرتي

معرفش حاجه 
امال باندفاع انتي كنتي عارفه انها ناويه على حاجه لسليم 
مريم ايوه كنت عارفه انها هتعالجه اكتر من كده لا عشان كده ساعدتها والله يا فاطمه ماعرف انها هتخطفه صدقيني 
فاطمه تحلفي على المصحف 
مريم احلف والله احلف ماكنت اعرف انها هتهرب وتاخده معاها انا حتى حذرتها وقولتلها كله الا سليم كفايه اللي حصل زمان قالتلي انها مش هتاذيه وانها هتساعده اصلها دكتوره مخ واعصاب واللي خلاني اتاكد انها لما قعدت في بيتك حبته واتعلقت بيه 
امال يا سلام والمفروض نصدق دكتوره مخ و اعصاب تحب واحده عاجز مبتحركش بيعتمد على اهله في كل حاجه شوفي ازاي 

نهى بس بقى يا امال انتي بتتكلمي عن اخوكي عن سليم الحنين الطيب 
امال وده اللي واجع قلبي ده لا بيهش و بينش صابر على اللي فيه عمره ما اشتكى ولا اتوجع يبقى ليه ليه يا نهى 
فاطمه بس كفايه اسمعيني يا مريم وبلغي بنت اختك لو كلمتك قوليلها فاطمه مش هتسيب ابنها هتدور عليه لو في اخر الدنيا ولحد اخر نفس هفضل ادور ويا ويلها يوم ما تقع في ايدي قوليلها كمان سليم امانه عندها لحد ما يرجع ولو زعلته باشاره مش بكلمه هاخد روحها 
خرجت فاطمه تتبعها بناتها بينما جلست مريم في مكانها تبكي نادمه على مساعدتها لازيس وتدعو الله ان يحفظها وسليم من كل سوء وشړ و ان تنجح في مسعاها
الفصل ٣١
نبضات القلب 
ذهب سليم مع ازيس الى المشفى حيث قابل زميلها الذي اطلع مسبقا على التقارير الطبيه الخاصه بسليم و مع ذلك اصر على تكرار هذه الفحوص الطبيه مره اخرى في المشفى وبالفعل بدا سليم في عمل الفحوصات التي استغرقت تقريبا اليوم كله وبعد انتهاء الفحوصات بدا سليم يشعر ببعض الدوار فلم ياكل شئ منذ ما يقرب اليومين وقد لاحظ الطبيب شحوب سليم فقام بجس نبضه ثم امر بادخاله احد الغرف وتعليق المحاليل المغذيه فورا كان سليم قد تاثر كما اوضحت سابق نتيجه عنده و رفضه الطعام وعندما بدا في استعاده بعض من قوته جاءت نتيجه الفحوصات تؤكد راي الطبيب سابقا مما جعل ازيس تتعجل اجرا العمليه خاصه انه لا يوجد مانع من اجرائها وقد تمكنت ازيس من الحصول على موافقه سليم بوضع ورقه الموافقه ضمن بعض الاوراق الازمه لاجراء الفحوصات السابق بدا الطبيب بتجهيز سليم للعمليه خاصه ان ازيس لم تبخل على سليم بدفع جميع نفقات العلاج والعمليه من مالها الخاص وقبل دخول سليم لغرفه العمليات قررت ازيس ان تتصل بالحاجه فاطمه ليسمع سليم صوتها ويطمئن عليها كما وعدته يرن هاتف المنزل في بيت فاطمه الساعه الثالثه فجرا تسرع فاطمه بالتقاط السماعه بينما استفاق جميع من بالبيت 
فاطمه الو سليم 
سليم وحشتيني وحشتيني خدي بالك من نفسك 
فاطمه انت فين يا حبيبي انت فين وانا اجيلك 
سليم متقلقيش عليه ادعيلي يا امي انا محتاج دعائكم اوي اوي 
فاطمه مالك يا سليم فيك ايه يا حبيبي قولي يا ابني انت فين وانا اجيلك والله لو زحف هاجيلك 
يمسك نبيل السماعه من امه المڼهاره سليم انت فين 
سليم نبيل خد بالك من ماما ونهى متنسيش يا نبيل ابقى احكي لابنك عني لو مرجعتش 
نبيل انت بتقول كده ليه انت هترجع وتشوف عيالي مش انا ربنا رزقني بتؤام اه والله عادل و رزان ان شاء
الله هترجع وتشيلهم وتحفظهم القران صح
سليم مبرووووك مبروك متنساش كلامي امك ونهى وامال امانه 
نبيل سليم متقفلش انت فين وانا اجيلك هجيلك هدور عليك لو في اخر الدنيا هجيلك متخفش يا سليم 
وينقطع خط الهاتف نبيل پجنون سليم سليم رد يا سليم 
اغلقت ازيس خط الهاتف بينما تنساب دموع سليم بغزاره اقتربت منه لكنه اوقفها بحركه من يده 
سليم اخرجي بره لو سمحتي سبيني لواحدي 
ازيس مينفعش اسيب روحي ازاي 
سليم ارجوكي انا عايز ابقى لوحدي 
ازيس انا هقعد بعيد مش هعمل اي صوت بس مش هخرج 
يضع سليم يديه على وجهه يا الله ما هذا الالم الذي شعر به في صوت امه ونبيل كيف تتحمل كل هذا و نبيل العادئ المتماسك دائما يمزقني ما الم بكم لكن كل هذا ليس بيدي 
يشعر بيد ازيس تمسح على راسه انا اسفه مكنتش اعرف ان كل ده هيحصل انا كنت عايزه اساعدك بس 
سليم تساعديني تصوري صوت امي كان عامل ازاي صوتها مدبوح مقهور وانا مش قادر اقولهم انا فين ولا نبيل اللي بدل ما يفرح بعياله ويعملهم سبوع صوت كانه كبر الف سنه مكسور 
ازيس ان شاء الله لما نعمل العمليه وترجع لهم واقف على رجليك ساعتها صدقني هينسوا كل الۏجع والالم ده والله هينسوا بس انا خاېفه ماما فاطمه متسمحنيش ممكن تبقى تخليها تسامحني 
سليم ازيس انتي بجد بتعملي كده ليه 
ازيس والله بحبك بص بصراحه الاول كنت مستغرباك ازاي رغم اللي انت فيه بتضحك وتهزر وبعدين بقى خطفت قلبي يا عسولي طيب وحنين و وقعتني في حبك 
سليم الذي لم يعتاد هذا الكلام بدا قلبه ينبض نبضات غريبه اول مره يحس الاحساس ده معقوله يجي اليوم اللي يسمع فيه الكلام ده ومن مين البنت اللي حبها من يوم ما اتولدت 
ازيس سليم سليم 
سليم ايه ايه يا شيخه فصلتيني تصدقي انتي انسانه غريبه حيرتيني بقولك ايه امشي من هنا امشي قبل ما احدفك بحاجه تعملك عاهه مستديمه 
ازيس هههههههههه ايه يعني ما انت اللي هتدبس فيه وهنا اتي الطبيب لياخد سليم لغرفه العمليات بينما لمعت عيون ازيس بالدموع 
سليم متبكيش 
ازيس حاضر 
سليم خدي بالك من نفسك 
ازيس هستناك ترجعلي بالسلامه 
دخل سليم حجره العمليات بينما اتصلت ازيس بخالتها مريم 
مريم الو مين 
ازيس انا يا خالتو
مريم انتي فين يا ازيس وفين سليم وازاي تهربي من غير ما اعرف 
لم تسمع منها اجابات بل بكاء
مريم مالك يا بنتي 
ازيس سليم يا خالتو 
مريم حصلوا ايه 
ا
ازيس في العمليات ادعيله ارجوكي ادعيله يرجعلي بالسلامه 
مريم عمليات ليه ردي عليه 
ازيس ادعي ربنا ينجح العمليه ويرجع يقف على رجله تاني 
مريم ازيس انتي فين بالضبط 
اغلقت ازيس الهاتف دون ان تجيب على خالتها
الفصل ٣٢
صور من الماضي الجزء الاول 
صوت المؤذن يصدح في مساجد القاهرة الشامخه بينما مريم متجهه الى بيت فاطمه تضغط جميع الاجراس دون توقف فلابد ان يستجيب احد لها وبالفعل بدات انوار البيت في الاشتعال ونزل نبيل ليري من الطارق في هذا الوقت 
نبيل انتي خير يا حاجه 
مريم فين فاطمه انا عايزه فاطمه حالا 
نبيل فوق اتفضلي انتي عرفتي حاجه عن سليم 
مريم دلوقتي تعرف كل حاجه 
تصعد مريم مع نبيل لشقه فاطمه التي كانت تقف على باب الشقه فزعه 
فاطمه مريم خير فيه ايه ابني حاصل حاجه 
مريم ادخل بس وافهمك كل حاجه 
دخلت مريم وفاطمه وجميع من بالعماره عند فاطمه 
فاطمه اتفضلي يا مريم انا سمعاكي 
مريم ازيس اتصلت بيه من ساعه كده وانا تليفوني بيسجل المكالمات عشان يعني لو حد من الولاد طلب حاجه ارجع المكالمه بدل ما انسى خد يا نبيل يا ابني تليفوني اهوه امك المكالمه
بالفعل اعاد نبيل تشغيل اخر مكالمه واستمع لما دار بين ازيس ومريم 
فاطمه يا حبيبي يا ابني عمليات عمليات ليه هو حصله ايه بنت اختك عملت في ابني ايه 
مريم اهدي يا فاطمه انا جايه اطمنك مش اقلقك في وقت زي ده واذان الفجر شغال اللي عرفته انها كلمت دكاتره زميلها في حته اسمها كالفورنيا مش عارفه فين دي وهما قالوا ان سليم يقدر يمشي هي متقصدش شړ لسليم 
نبيل و رامي كاليفورنيا 
مريم ايوه 
فاطمه تعرفوا فين البلد دي 
رامي امريكا 
نبيل بس قدره تخرجه من مصر لهناك ازاي 
نهى اكيد معها الجنسيه 
امال ممكن رامي تعرف حد هناك 
رامي ولو معرفش ممكن اكلم الناس هنا في الوزاره تكلم سفارتنا هناك ونعرف كل حاجه 
مريم المهم دلوقتي يا فاطمه نقوم نتوضى و نصلي سليم محتاج دعانا كلنا 
فاطمه اه يا مريم هو قال كده قال ادعولي كلكم قومي قوموا يا ولاد نصلي وندعي ينجيه و يقومه بالسلامه ويرده ليه سليم معافي 
الجميع اللهم امين 
نازل الرجال للمسجد بينما توضأت النساء في البيت و صلوا جماعه وكثف الجميع الدعاء وخصوا به سليم عندما كان الرجال في المسجد وجدوا عاصم يصلي هو الاخر فكانت صدفه خير من الف ميعاد عرف منهم اخر الاخبار والمستجدات بخصوص سليم واخبرهم ان لديه قريب يعمل في كاليفورنيا منذ زمن سيتصل به ليبحث هناك ويمدهم بالاخبار فاصر نبيل على عاصم ان يقوم بذلك من بيتهم حتى تطمئن امه وتهدا قليلا عادوا الرجال من المسجد وبصحبتهم عاصم والذي اعاد على اسماعهم ما اخبر به نبيل في المسجد وبالفعل اتصل بقريبه الذي ابلغه بانه خارج الولايه حاليا ولكنه سيتصل ببعض اصدقائه ويبلغه باي جديد 
فاطمه متشكره يا عاصم يا ابني 
عاصم على ايه بس انا معملتش حاجه حتى ماكدتش وجود سليم هناك 
نبيل طيب ممكن صاحبك ده يرد عليك امتى 
عاصم ان شاء الله ميطولش في الرد 
وهنا رن موبايل عاصم معلن وصل رساله سبحان الله انت شكلك مكشوف عنك الحجاب يا نبيل 
نبيل خير 
عاصم شوفي يا ماما فاطمه تسمحيلي اقولك ماما 
فاطمه اكيد يا ابني انت زي ولادي 
نبيل متقول بقى يا عاصم فيها ايه الرساله 
عاصم من يومين وصلت الدكتوره ازيس طاهر اخصائيه المخ والاعصاب ومعها حاله شبه مخډره او مغمي عليها على كرسي متحرك من النوع الحديث والنهارده خرجت ومعاها نفس الشخص بس واعي ركبت سياره اجره بيقول اديه فرصه لبليل هيجيب صورتهم والمكان اللي راحوا فيه 
فاطمه هو اكيد سليم ابني انا قلبي حاسس هو ربنا يطمنك يا عاصم يا ابني وينولك اللي في بالك 
عاصم شوفي يا ماما و انتم كلكم انا عارف انه مش وقته بس بعد دعوه ماما اتشجعت يمكن انول اللي في بالي 
فاطمه خير يا ابني 
عاصم انتي عرفاني من صغري وعارفه امي وابويا الله يرحمهم 
الجميع اللهم يرحمهم 
عاصم واخواتي يعني تعرفي اصلي وفصلي زي ما بيقولوا بصي انا يعني قصدي اقول اني يعني عايز اقول لكم اني 
علي الصغير ايه يا عمو شكلك عايز تجوز 
ضحك الجميع لشقاوه علي وهنا قال عاصم بالظبط يا علي 
نبيل تقصد ايه بالظبط يا عصوم 
عاصم يشرفني اتقدم لاختك والټفت ليجد امال ليتلجلج لا مش دي انا انا اقصد الانسه نهى 
رامي ايه يا عم حد يقدر يبص لدي كان يبقى فيها نهايته 
هنا تسرع نهى للداخل مرتبكه وخجله 
فاطمه استبشر خير يا دكتور بس اطمئن على سليم وان شاء الله خير 
استأذن عاصم في الانصراف مع
وعد منه باطلاعهم على اي جديد بخصوص سليم 
مريم استاذن انا كمان يا فاطمه لو جد جديد هتلاقيني جايه ولو عرفتم حاجه ابقي طمنيني ربنا يطمنكم عليه 
نبيل