عايزة بنتي

اروح فين يا حماتي انا ما ليش حد ولا اعرف حد وده بيت جوزي
وانا وارثه فيه 
حماتها 
جوزك راح يا حبيبتي والبيت ده بيتي انا وكل حاجه فيه مكتوبه على اسمي وانت كنت ضايفه عندي ودلوقتي انت بقيتي ضيفه تقيله وانا مش عايزاكي ولما فاطمه هدومها ومشيت من البيت وما لقيتش مكان تروحه غير عند نحمده 
فاطمة 
معلش يا نحمده هتقل عليكي كام يوم لغايه ما الاقي مكان اقعد فيه 
نحمده 
لو قلت الكلام ده ثاني هزعل منك وانا من بكره رجلي على رجلك لغايه ما نلاقي بنتك 
فاطمة 
انا خلاص حاسه اني مش هلقاها تاني 

نحمده 
ما تقوليش كدة خلي املك في ربنا كبير وان شاء الله ربنا هيجمعك بيها وفضلت فاطمه ومعاها نحمده يدوروا على البنت في كل مكان لكن ما قدروش يوصلوا ليها 
بعد حوالي شهرين 
نحمده 
بقول لك ايه يا فاطمه يا حبيبتي انت صرفت كل اللي معاكي وما فيش فايده والظاهر كده ان ربنا مش كاتبلك تلاقي بنتك انا بقول يعني من بكره تنزلي الفرش بتاعك
فاطمة 
تلاقي فوزيه دلوقتي جت مكاني ومش هعرف احركها منه وبصراحه معاها حق هي اولي بيه 
نحمده 
اسكتي هو انا مقلتلكيش مش البنت فوزيه حامل وجوزها لما عرف فرحان قووي قال لها خلاص ما فيش نزول ثاني شغل
فاطمة 
بجد الحمد لله ان ربنا كرمها انا فرحت ليها 
نحمده 
عقبال ما تفرحي برجوع بنتك 
فاطمه 
يارب بقول لك ايه نحمده الواجب بقى ان احنا نروح بكره نطمن على فوزيه ونبارك لها دي مهما كان برده كانت في يوم من الايام بتبيع زينا في السوق
نحمده 
والله يا بنتي انت طيبه وفيك الخير وربنا هيكرمك خلاص بكره بعد ما نخلص الفرش نروح 
عند فوزية 
فوزية 
الله يبارك فيكي يا حبيبتي انا قلبي وجعني عليكي هو على اللي حصل لبنتك ربنا يجازي ولاد الحړام
سيد 
سلام عليكم ازيك يا ست فاطمه انا والله عرفت اللي حصل بس بصراحه مشاغل الدنيا ما خلتنيش اجي ولا اطمن
فاطمة 
فيك الخير يا اخويا المهم طمني عليك وخلي بالك على فوزيه مراتك وما تخليهاش تنزل شغل
نحمده 
ما انا قلت لك يا فاطمه انه مش هينزلها شغل ثاني ولا انت خلاص الزهايمر مسكك 
فاطمة 
تصدقي لو قلتلك إني مبقتش عارفة النهاردة اي في الأيام 
سيد 
طيب انا هروح الشغل دلوقتي والبيت بيتكم بعد اذنكم يا جماعه وكمان بالمره هروح اطمن على امي بقى لي كم يوم ما شفتهاش
فاطمة 
السلام امانه للحاجه زينب قولها فاطمه بتسلم عليكي وقولها كمان معلش هي مقصره في حقك لانها سابت البيت 
سيد 
يوصل يا ست فاطمه انا كنت هروح واټخانق مع حماتك بس خفت من كلمه وانت مالك فرجعت تاني 
فاطمة 
ربنا يهديها مرمطتني وبعد شوية لما خلصو قاعدتهم 
فاطمة 
طيب يلا بينا يا نحمده عشان نسيب فوزية تستريح شوية 
نحمده 
يلا بينا يا حبيبتي واحنا من وقت للتاني هنيجي نطل عليكي واول ما اقوم يمشوا بيسمعوا صوت طفل صغير بيبكي 
فاطمة 
الصوت ده جاي من فين هو انت عندك اطفال صغيره هنا يا فوزيه
فوزية بتوتر 
ده ده ده عروسه لعبه اصل سيد اول ما عارف اني حامل جاب العروسة 
فاطمة 
معقول ده يكون صوت عروسة لعبة ده كانه حقيقي بالظبط
فوزية 
ها اصل اليومين دول محلات العرايس بقيت تعمل حاجات زي الحي بالظبط ماشي يا حبيبتي