عايزة بنتي

اتفضلي انت مع السلامه مع السلامه عشان ما اخركيش 
بعد مرور خمس شهور كمان 
نحمده 
وعلى فكره اخويا ابراهيم جدع وهيحبك بس انت وافقي وهو مش هيتاخر عنك في اي حاجه
فاطمة 
ايوه يعني نحمده بس انا جوزي ما كملش سنه مټوفي الناس هتقول عليا ايه
نحمده 
يا حبيبتي الحي ابقى من المېت وبعدين انت مش هتعملي حاجه لا غلط ولا حرام ده
شرع ربنا وعلى فكره حالك من حال ابراهيم هو كمان مراته مېته بقى لها سنه وسايبة وراها ولدين وانتي هتكوني زي امهم 
فاطمة 
وافترضي بعد ما اتجوزت اخوك ابراهيم ربنا كرمني والبنت رجعتلي ملك يا ترى هيوافق ان بنتي تعيش معانا ولا هيطلقني ويرميني في الوقت ده بيدخل ابراهيم بيقطع عليهم الكلام
ابراهيم 
لا مؤاخذه لو كنت قطعت عليكم الكلام بس يكون عندك علم يا ست فاطمه ان شاء الله بعد ما نتجوز هننزل تاني ندور على بنتك وانا معاكي ومش هسيبك 
فاطمة 
بجد يا ابراهيم يعني انت هتساعدني هيلاقي بنتي
ابراهيم 
ايوه طبعا بتكلم بجد انا اب وعارف غلاوه الضنا وكمان تعملي حسابك ما فيش ثاني شغل انت هتتفرغي لتربيه العيال وان شاء الله كده ربنا يكرمك ويبقى في طفل منك ها قلتي ايه موافقه 
نحمده 
موافقه طبعا هي تقدر تقول حاجه بعد الكلام ده كله 
فاطمة 
خلاص انا موافقه والخيره فيما اختاره الله 
ابراهيم 
يبقى خلاص بكره ان شاء الله نروح نكتب الكتاب وكمان هكتبلك مؤخر عشان تضمني حقك وانا يا ستي مش عايز مني غير شنطه هدومك وربنا يقدرني واراعي ربنا فيك وكل اللي عايزه منك انك تحافظي على عيالي وتربيهم كويس واعتبريهم عيالك بالظبط 
فاطمة 
وانا ربنا يقدرني واكون عند حسن ظنك وعيالك دول هحطهم في عينيا وثاني يوم بيكتب ابراهيم على فاطمه وبيلاقي فيها الزوجه الصالحه 
بعد مرور شهر 
ابراهيم 
صباح الخير يا فاطمه يا وش الخير انا من ساعه ما اتجوزتك وربنا كرمني احسن كرم ووسع في رزقي 
فاطمة 
ربنا يوسع في رزقك كمان وكمان
ابراهيم 
على فكره يا فاطمه انا مش ناسي الموضوع بنتك وربنا يعلم انا بدور عليها بس مش عارف اوصل لاي حاجه 
فاطمة بدموع 
انا خلاص يا ابراهيم استعوضت ربنا في بنتي لو ليا نصيبه اقابلها في الدنيا هقابلها لو ما ليش نصيب يبقى ربنا يجمعني بيها في الاخره ان شاء الله 
ابراهيم 
متزعليش نفسك وانا حاسس كده انك ان شاء الله هتلاقيها 
وراح مطلع فلوس من جيبو وقال
امسكي يا فاطمه ده مصروف البيت الشهر ده
فاطمة 
ايوه بس ده كتير قوي يا ابراهيم هيفيض منه ياما 
ابراهيم 
شوفي الي نفسك في يا حبيبتي وجيبيه انتي متعرفيش انا حبيبتك ازاي
عند سيد وفوزية 
سيد 
ما تسكتي البنت دي انا مش عارف انام منها يا ساتر يا رب كانت شوره مهببه 
فوزية 
مش انت اللي كنت مقطع نفسك وكنت ھتموت على حته عيل دلوقتي ما بقتش مستحمل بكا البنت 
سيد 
ايوه نفسي في حتهز عيل ولغايه دلوقتي نفسي في حته عيل يكون من صلبي مش بنت تكون مسروقه
فوزية 
وطي صوتك انت عايز حد يسمعنا ولا ايه لو حد عرف الموضوع ده انا وانت وامك هنتحبس 
ولا همه مشفهومش وهمه بيسرقو شافوهم وهمه پيتخانقو
سيد 
بقولك اي يا فوزيه ما فيش حد حطني في الورطه المهببه دي غير امي انا غلطان اني سمعت كلامها اللي يمشي ورا شورت النسوان